1. {#11. ఎఫ్రాయిము వినాశనం }
2. [PS]ఎఫ్రాయిము మాటలాడినప్పుడు భయం కలిగింది. [PE][PS]అతడు ఇశ్రాయేలు వారిలో తనను గొప్ప చేసుకున్నాడు. [PE][PS]తరువాత బయలు దేవుణ్ణి బట్టి అపరాధియై అతడు నాశనమయ్యాడు. [PE]
3. [PS]ఇప్పుడు వారు ఇంకా పాపం చేస్తూ ఉన్నారు. [PE][PS]తమకు చేతనైనంత నైపుణ్యంతో వెండి విగ్రహాలు పోతపోస్తారు. [PE][PS]అదంతా నిపుణులు చేసే పనే. [PE][PS]“వాటికి బలులు అర్పించే వారు దూడలను ముద్దు పెట్టుకోండి” అని చెబుతారు. [PE]
4. [PS]కాబట్టి వారు ఉదయాన కనబడే మబ్బులాగా, [PE][PS]పెందలకడ ఆరిపోయే ప్రాతఃకాలపు మంచులాగా ఉంటారు. [PE][PS]కళ్ళంలో నుండి గాలి ఎగరగొట్టే పొట్టులాగా, [PE][PS]పొగ గొట్టంలో గుండా వెళ్ళిపోయే పొగలాగా ఉంటారు. [PE]
5. [PS]మిమ్మల్ని ఐగుప్తు దేశంలో నుండి తెచ్చిన యెహోవానైన నేనే మీ దేవుణ్ణి. [PE][PS]నన్ను తప్ప నీవు ఏ దేవుడినీ గుర్తించ కూడదు. [PE][PS]నేను తప్ప వేరే రక్షకుడు లేడు. [PE]
6. [PS]మహా ఎండకు కాలిన అరణ్యంలో నిన్నెరిగిన వాణ్ణి నేనే. [PE]
7. [PS]తరువాత వారికి మేత దొరకగా వారు తిని తృప్తి పొందారు. తృప్తి పొంది గర్వించి నన్ను మర్చి పోయారు. [PE]
8. [PS]కాబట్టి నేను వారికి సింహం వంటి వాడనయ్యాను. [PE][PS]చిరుత పులి దారిలో పొంచి ఉన్నట్టు నేను వారిని పట్టుకోవడానికి పొంచి ఉంటాను. [PE]
9. [PS]పిల్లలు పోయిన ఎలుగుబంటి దాడి చేసినట్టు నేను వారి మీద పడి వారి రొమ్మును చీల్చివేస్తాను. [PE][PS]ఆడసింహం మింగివేసినట్టు వారిని మింగివేస్తాను. [PE][PS]క్రూరమృగాల్లాగా వారిని చీల్చివేస్తాను. [PE]
10. [PS]ఇశ్రాయేలూ, నీ మీదికి వచ్చి పడేది నీ నాశనమే. నీ సహాయకర్తనైన నాకు నీవు విరోధివయ్యావు. [PE]
11. [PS]నీ రాజు ఏడి? నీ పట్టణాల్లో నీకు సహాయం చేయకుండ నీ రాజు ఏమైపోయాడు? [PE][PS]“రాజును అధిపతులను నా మీద నియమించు” అని నీవు మనవి చేశావు గదా? [PE]
12. [PS]కోపంతో నీకు రాజును నియమించాను. [PE][PS]క్రోధంతో అతణ్ణి తీసి పారేశాను. [PE]
13. [PS]ఎఫ్రాయిము దోషం పోగుపడింది. [PE][PS]అతని పాపం పోగుపడింది. [PE]
14. [PS]ప్రసూతి వేదనలు కలిగినట్టుగా అతనికి వేదన కలుగుతుంది. [PE][PS]ప్రసవం సమయంలో బయటికి రాని శిశువైనట్టుగా అతడు బుద్ధి లేనివాడై వృద్ధికి రాడు. [PE]
15. [PS]అయినా పాతాళ వశంలో నుండి నేను వారిని విమోచిస్తానా? [PE][PS]మృత్యువు నుండి వారిని రక్షిస్తానా? [PE][PS]ఓ మరణమా, నీవు తెచ్చే బాధలు ఎక్కడ? వాటిని ఇటు తీసుకురా. [PE][PS]పాతాళమా, నీ నాశనం ఏది? దాన్ని ఇటు తీసుకురా. [PE][PS]నాకు కనికరం పుట్టదు. [PE]
16. [PS]ఎఫ్రాయిము తన సోదరుల్లో వర్థిల్లినా, [PE][PS]తూర్పు గాలి వస్తుంది. [PE][PS]యెహోవా పుట్టించే గాలి అరణ్యంలో నుండి లేస్తుంది. [PE][PS]అది రాగా అతని నీటిబుగ్గలు ఎండి పోతాయి. [PE][PS]ఎఫ్రాయిము ఊటలు ఇంకిపోతాయి. [PE][PS]అతని బావిలో నీరు ఉండదు. అతని శత్రువులు అతని ధననిధులను అతనికి ప్రియమైన వస్తువులన్నిటిని కొల్లగొడతారు. [PE][PS]షోమ్రోను తన దేవుని మీద తిరుగుబాటు చేసింది గనక, [PE][PS]ప్రజలు కత్తివాత కూలుతారు. [PE][PS]వారి పిల్లలను రాళ్లకేసి కొడతారు. గర్భవతుల కడుపులు చీరేస్తారు. [PE]