లూకా సువార్త 6 : 1 (ERVTE)
{యేసు విశ్రాంతి రోజుకు ప్రభువు} (మత్తయి 12:1-8; మార్కు 2:23-28) [PS] ఒక విశ్రాంతి రోజు యేసు ధాన్యపు పొలాల్లో నడుస్తూ ఉన్నాడు. ఆయన శిష్యులు కంకులు త్రుంచి వాటిని నలిపి తినటం మొదలుపెట్టారు.
లూకా సువార్త 6 : 2 (ERVTE)
కొందరు పరిసయ్యులు, “విశ్రాంతి రోజున చెయ్యరాని పనులు ఎందుకు చేస్తున్నారు?” అని అడిగారు. [PE][PS]
లూకా సువార్త 6 : 3 (ERVTE)
యేసు, “దావీదు తనకు, తనతో ఉన్న వాళ్ళకు ఆకలి వేసినప్పుడు ఏమిచేసాడో మీరు చదవలేదా?
లూకా సువార్త 6 : 4 (ERVTE)
అతడు దేవుని ఆలయంలోకి వెళ్ళాడు. అక్కడ దేవుని సన్నిధిని పెట్టిన రొట్టెలు ఉండినవి. వాటిని యాజకులు తప్ప యితర్లు తిన కూడదు. అతడు వాటిని తీసుకొని తాను తిని, తనతో ఉన్న వాళ్ళకు కూడా ఇచ్చాడు” అని సమాధానం చెప్పాడు.
లూకా సువార్త 6 : 5 (ERVTE)
యేసు మళ్ళీ, “మనుష్యకుమారుడు విశ్రాంతి రోజుకు ప్రభువు!” అని అన్నాడు. [PE][PS]
లూకా సువార్త 6 : 6 (ERVTE)
{విశ్రాంతి రోజు యేసు నయం చేయటం} (మత్తయి 12:9-14; మార్కు 3:1-6) [PS] మరొక విశ్రాంతి రోజు యేసు సమాజ మందిరానికి వెళ్ళి బోధిస్తూ ఉన్నాడు. అక్కడ కుడి చేయి పడిపోయిన వాడొకడున్నాడు.
లూకా సువార్త 6 : 7 (ERVTE)
పరిసయ్యులు, శాస్త్రులు యేసును ఏదో ఒక కారణంతో నిందించాలని ఎదురు చూస్తూ ఉన్నారు. కనుక వాళ్ళు విశ్రాంతి రోజు ఆయన ఆ చేయి పడిపోయిన వానిని నయం చేస్తాడేమోనని ఆయన్ని జాగ్రత్తగా గమనిస్తూ ఉన్నారు.
లూకా సువార్త 6 : 8 (ERVTE)
యేసుకు వాళ్ళేమాలోచిస్తున్నారో తెలుసు. ఆయన ఆ చేయి పడిపోయిన వానితో, “లేచి అందరి ముందు నిలుచో!” అని అన్నాడు. ఆ చేయి పడిపోయిన వాడు లేచి నిలుచున్నాడు.
లూకా సువార్త 6 : 9 (ERVTE)
ఆ తదుపరి యేసు వాళ్ళతో, “విశ్రాంతి రోజు ఏది చెయ్యటం న్యాయమని మిమ్మల్ని అడుగుతున్నాను? ఒకరికి మేలు చేయటమా? లేక కీడు చేయటమా? ప్రాణాన్ని రక్షించటమా? లేక నాశనం చేయటమా?” అని అన్నాడు. [PE][PS]
లూకా సువార్త 6 : 10 (ERVTE)
యేసు వాళ్ళ వైపు ఒకసారి చూసి, చేయి పడిపోయిన వానితో, “నీ చేయి చాపు!” అని అన్నాడు. ఆచేయి పడిపోయినవాడు యేసు చెప్పినట్లు చేశాడు. అతని చేయి పూర్తిగా నయమై పోయింది.
లూకా సువార్త 6 : 11 (ERVTE)
ఇది చూసి అక్కడున్నవాళ్ళకు చాలా కోపం వచ్చింది. వాళ్ళు యేసును ఏమి చెయ్యాలో తమలో తాము ఆలోచించుకొన్నారు. [PE][PS]
లూకా సువార్త 6 : 12 (ERVTE)
{యేసు పన్నెండు మంది అపోస్తలుల్ని ఎన్నుకొనటం} (మత్తయి 10:1-4; మార్కు 3:13-19) [PS] ఆ తర్వాత యేసు ఒక రోజు ప్రార్థించటానికి కొండ మీదికి వెళ్ళాడు. రాత్రంతా దేవుణ్ణి ప్రార్థిస్తూ గడిపాడు.
లూకా సువార్త 6 : 13 (ERVTE)
ఉదయం కాగానే తన శిష్యులందర్ని దగ్గరకు పిలిచి వాళ్ళలో పన్నెండు మందిని ఎన్నుకొని వాళ్ళను తన అపొస్తలులుగా నియమించాడు. వారెవరనగా,
లూకా సువార్త 6 : 14 (ERVTE)
సీమోను, యేసు ఇతనికి “పేతురు” అని పేరు పెట్టాడు, అతని తమ్ముడు అంద్రెయ. యాకోబు, యోహాను, ఫిలిప్పు, బర్తొలొమయి,
లూకా సువార్త 6 : 15 (ERVTE)
మత్తయి, తోమా, అల్ఫయి కుమారుడు యాకోబు, జెలోతె [*జేలోతె అనగా మతాభిమాని అని అర్థం.] అని పిలువబడే సీమోను
లూకా సువార్త 6 : 16 (ERVTE)
యాకోబు కుమారుడు యూదా, యూదా ఇస్కరియోతు. (ఈ యూదా ఇస్కరియోతు మున్ముందు ద్రోహిఔతాడు). [PE][PS]
లూకా సువార్త 6 : 17 (ERVTE)
{యేసు బోధించి రోగులను నయం చేయటం} (మత్తయి 4:23-25; 5:1-12) [PS] యేసు వాళ్ళతో సహా కొండ దిగి సమంగా ఉన్న స్థలంలో నిలుచున్నాడు. చాలా మంది శిష్యులు ఆయనతో ఉన్నారు. ఆయన శిష్యులే కాక యూదయ నుండి, యెరూషలేం నుండి చాలా మంది ప్రజలు వచ్చారు. సముద్ర తీరంలో ఉన్న తూరు, సీదోను పట్టణాల నుండి కూడా చాలా మంది ప్రజలు వచ్చారు.
లూకా సువార్త 6 : 18 (ERVTE)
ఆయన బోధనలు వినాలని ఆయన ద్వారా తమ రోగాలు బాగు చేయించుకోవాలని వాళ్ళ ఉద్దేశ్యం. దయ్యాలు పట్టి బాధపడ్తున్న వాళ్ళు కూడా వచ్చారు. వాళ్ళకు కూడా నయమైపోయింది.
లూకా సువార్త 6 : 19 (ERVTE)
ఆయన నుండి శక్తి ప్రవహించి అందరికి నయం చేస్తూవుండటం వల్ల అందరూ ఆయన్ని తాకటానికి ప్రయత్నించారు. [PE][PS]
లూకా సువార్త 6 : 20 (ERVTE)
యేసు తన శిష్యుల వైపు చూసి ఈ విధంగా అన్నాడు: “దీనులైన మీరు ధన్యులు. [QBR2] దేవుని రాజ్యం మీది. [QBR]
లూకా సువార్త 6 : 21 (ERVTE)
ఇప్పుడు ఆకలితో ఉన్న మీరు ధన్యులు. [QBR2] మీ ఆకలి తీరుతుంది. [QBR] ఇప్పుడు దుఃఖిస్తున్న మీరు ధన్యులు. [QBR2] భవిష్యత్తులో మీరు నవ్వుతారు. [PS]
లూకా సువార్త 6 : 22 (ERVTE)
“మనుష్యకుమారుని కారణంగా ప్రజలు మిమ్ముల్ని ద్వేషించినప్పుడు, మిమ్మల్ని దూరం చేసి అవమానించినప్పుడు, మీ పేరే హానికరమైనదని వారు భావించినప్పుడు మీరు ధన్యులౌతారు!
లూకా సువార్త 6 : 23 (ERVTE)
మీకు పరలోకంలో గొప్ప బహుమతి లభిస్తుంది. కనుక యిది జరిగిన రోజు ఆనందంతో గంతులు వెయ్యండి! వీళ్ళ పూర్వీకులు కూడా ఆనాడు ప్రవక్తల పట్ల యిదే విధంగా ప్రవర్తించారు.
లూకా సువార్త 6 : 24 (ERVTE)
“ఓ ధనికులారా! మీకు శ్రమ తప్పదు! [QBR2] మీరు అనుభవించవలసిన సుఖాన్ని యిదివరకే అనుభవించారు! [QBR]
లూకా సువార్త 6 : 25 (ERVTE)
కడుపులు నిండిన ప్రజలారా మీకు శ్రమ తప్పదు. [QBR2] మీకు ఆహారం దొరకదు! [QBR] నవ్వుతున్న ప్రజలారా! మీకు శ్రమ తప్పదు! [QBR2] మీరు దుఃఖిస్తారు, శోకిస్తారు! [PS]
లూకా సువార్త 6 : 26 (ERVTE)
“పొగడ్తులుపొందే ప్రజలారా! మీకు శిక్ష తప్పదు! వాళ్ళ పూర్వులు యిదే విధంగా అబద్ధ ప్రవక్తల్ని పొగిడారు. [PE][PS]
లూకా సువార్త 6 : 27 (ERVTE)
{శత్రువులను ప్రేమించు} (మత్తయి 5:38-48; 7:12) [PS] “కాని, నా మాటలు వినే వాళ్ళకు యిది నేను చెబుతున్నాను: మీ శత్రువుల్ని ప్రేమించండి. మిమ్మల్ని ద్వేషించే వాళ్ళకు మంచి చెయ్యండి.
లూకా సువార్త 6 : 28 (ERVTE)
మిమ్మల్ని దూషించే వాళ్ళను దీవించండి. మీకు కీడు చేసిన వాళ్ళకు మంచి కలగాలని ప్రార్థించండి.
లూకా సువార్త 6 : 29 (ERVTE)
ఒక చెంప మీద కొట్టిన వానికి రెండవ చెంప కూడా చూపండి. నీ పైకండువాను తీసికొనే వానిని నీ చొక్కాను కూడ తీసికోనివ్వు.
లూకా సువార్త 6 : 30 (ERVTE)
అడిగిన వాళ్ళకు యివ్వండి. మీ వస్తువుల్ని ఎవరైనా తీసుకుంటే వాటిని తిరిగి అడక్కండి.
లూకా సువార్త 6 : 31 (ERVTE)
ఇతర్లు మీ పట్ల ఏ విధంగా ప్రవర్తించాలని మీరు ఆశిస్తారో అదేవిధంగా మీరు యితర్ల పట్ల ప్రవర్తించండి. [PE][PS]
లూకా సువార్త 6 : 32 (ERVTE)
“మిమ్మల్ని ప్రేమించిన వాళ్ళను ప్రేమిస్తే అందులో గొప్పేముంది? పాపులు కూడా తమను ప్రేమించిన వాళ్ళను ప్రేమిస్తారు.
లూకా సువార్త 6 : 33 (ERVTE)
మీకు మంచి చేసిన వాళ్ళకు మీరు మంచి చేస్తే అందులో గొప్పేముంది? పాపులుకూడా అదే విధంగా చేస్తారు.
లూకా సువార్త 6 : 34 (ERVTE)
అప్పు తిరిగి చెల్లిస్తారని ఆశించి అప్పిస్తే అందులో గొప్పేముంది? తమ అప్పు పూర్తిగా చెల్లిస్తారని పాపులు కూడా తమలో తాము యిచ్చి పుచ్చుకుంటారు. [PE][PS]
లూకా సువార్త 6 : 35 (ERVTE)
“మీ శత్రువుల్ని ప్రేమించండి. వాళ్ళకు మంచి చెయ్యండి. తిరిగి చెల్లిస్తారని ఆశించకుండా అప్పివ్వండి. విశ్వాస ఘాతుకుల మీద, దుర్మార్గుల మీద కూడా దేవుడు దయ చూపుతాడు. మీరు నేను చెప్పినట్లు చేస్తే సర్వోన్నతుడైన దేవుడు మిమ్మల్ని తన కుమారులుగా పరిగణిస్తాడు. మీకు గొప్ప బహుమతి లభిస్తుంది.
లూకా సువార్త 6 : 36 (ERVTE)
మీ తండ్రివలె మీరు కూడా దయ, ప్రేమ చూపుతూ జీవించండి. [PE][PS]
లూకా సువార్త 6 : 37 (ERVTE)
{ఇతరులను విమర్షించటంలో జాగ్రతపడుము} (మత్తయి 7:1-5) [PS] “ఇతర్లపై తీర్పు చెప్పకండి. అప్పుడు ఇతర్లు మీపై తీర్పు చెప్పరు. ఇతర్లను నిందించకండి. అప్పుడు యితర్లు మిమ్మల్ని నిందించరు. ఇతరులను క్షమించండి. అప్పుడు యితర్లు మిమ్మల్ని క్షమిస్తారు.
లూకా సువార్త 6 : 38 (ERVTE)
ఇతర్లకు యివ్వండి, మీకివ్వబడుతుంది. అప్పుడు మీకు కొలతలు నింపి, అదిమి, కుదిల్చి ఒలికిపోతుండగా మీ ఒడిలో పోస్తారు. మీరు ఏ కొలతతో యిస్తే ఆ కొలతతో మీకు లభిస్తుంది.” [PE][PS]
లూకా సువార్త 6 : 39 (ERVTE)
ఆయన ఈ ఉపమానం కూడా చెప్పాడు: “ఒక గ్రుడ్డివాడు మరొక గ్రుడ్డివానికి దారి చూపగలడా? అలా చేస్తే యిద్దరూ గోతిలో పడ్తారు కదా!
లూకా సువార్త 6 : 40 (ERVTE)
శిష్యుడు తన గురువుకన్నా గొప్ప కాదు. కాని శిక్ష సంపూర్ణంగా పొందిన తర్వాత అతని గురువుతో సమానమౌతాడు. [PE][PS]
లూకా సువార్త 6 : 41 (ERVTE)
“నీ కంట్లోవున్న పెద్ద దూలంను నీవు చూడక నీ సోదరుని కంట్లోవున్న చిన్న నలుసును ఎందుకు చూస్తావు?
లూకా సువార్త 6 : 42 (ERVTE)
నీ కంట్లో దూలం పెట్టుకొని, ‘నీ కంట్లో ఉన్న నలుసును నన్ను తియ్యనివ్వు’ అని అతనితో ఏలాగు అనగలుగుతున్నావు? ఓ కపటీ! నీ కంట్లో దూలాన్ని ముందు తీసేయి. అప్పుడు నీవు బాగా చూడ కలిగి సోదరుని కంట్లో ఉన్న నలుసును ఏ విధంగా తియ్యాలో తెలుసుకుంటావు. చెట్టు, దాని ఫలము (మత్తయి 7:17-20; 12:34-35) [PE][PS]
లూకా సువార్త 6 : 43 (ERVTE)
“మంచి చెట్టుకు చెడు పండ్లు కాయవు. అదే విధంగా చెడ్డ చెట్టుకు మంచి పండ్లు కాయవు.
లూకా సువార్త 6 : 44 (ERVTE)
పండ్లను బట్టి చెట్టు జాతి తెలుస్తుంది. ముండ్ల పొదల నుండి అంజూరపు పండ్లు, గోరింట పొదల నుండి ద్రాక్షాపండ్లు లభించవు.
లూకా సువార్త 6 : 45 (ERVTE)
మంచి వాని హృదయం మంచి గుణాలతో నిండి ఉంటుంది. కాబట్టి అతని నుండి మంచి తనమే బయటకు వస్తుంది. చెడ్డవాని హృదయం చెడు గుణాలతో నిండి ఉంటుంది. కాబట్టి అతనినుండి చెడే బయటకు వస్తుంది. మనిషి తన హృదయములో ఉన్న గుణాలను బట్టి మాట్లాడుతాడు. తెలివిగలవాడు, తెలివిలేనివాడు (మత్తయి 7:24-27) [PE][PS]
లూకా సువార్త 6 : 46 (ERVTE)
“నేను చెప్పింది చెయ్యకుండా నన్ను ‘ప్రభూ! ప్రభూ!’ అని పిలవటం ఎందుకు?
లూకా సువార్త 6 : 47 (ERVTE)
నా దగ్గరకు వచ్చి నా మాటలు విని వాటిని అనుసరించే వాడు ఎలాంటి వాడో చెబుతాను వినండి.
లూకా సువార్త 6 : 48 (ERVTE)
అలాంటి వాణ్ణి భూమి లోతుగా త్రవ్వి రాళ్ళ పునాది వేసి యిల్లు కట్టుకున్న వానితో పోల్చవచ్చు. ఇతడు తన యింటిని సక్రమమైన పద్దతిలో కట్టాడు కనుక వరదలు వచ్చి నీటి ప్రవాహం ఆ యింటిని కొట్టినా ఆ యిల్లు కూలి పోలేదు. [PE][PS]
లూకా సువార్త 6 : 49 (ERVTE)
“నా మాటలు విని వాటిని అనుసరించని వాడు పునాది వేయకుండా, నేలపై ఇల్లు కట్టుకొన్న వానితో సమానము. వరదలు వచ్చాయి. ఆ నీటి ప్రవాహానికి ఆ యిల్లు కూలి నేల మట్టమైపోయింది.” [PE]
❮
❯