1 కొరింథీయులకు 15 : 1 (IRVTE)
సోదరులారా, నేను మీకు ప్రకటించిన సువార్తను మీకు మళ్ళీ జ్ఞాపకం చేస్తున్నాను. మీరు దాన్ని అంగీకరించి, దానిలోనే నిలిచి ఉన్నారు.
1 కొరింథీయులకు 15 : 2 (IRVTE)
మీ విశ్వాసం వట్టిదైతే తప్ప, నేను మీకు ప్రకటించిన సువార్త ఉపదేశాన్ని మీరు గట్టిగా పట్టుకుని ఉంటే ఆ సువార్త ద్వారానే మీరు రక్షణ పొందుతూ ఉంటారు. [PE][PS]
1 కొరింథీయులకు 15 : 3 (IRVTE)
దేవుడు నాకనుగ్రహించిన ఉపదేశాన్ని మొదట మీకు ప్రకటించాను. అదేమంటే, లేఖనాల ప్రకారం క్రీస్తు మన పాపాల కోసం చనిపోయాడు,
1 కొరింథీయులకు 15 : 4 (IRVTE)
లేఖనాల ప్రకారం ఆయనను సమాధి చేశారు, దేవుడు ఆయనను మూడవ రోజున తిరిగి లేపాడు కూడా.
1 కొరింథీయులకు 15 : 5 (IRVTE)
ఆయన కేఫాకూ, తరువాత పన్నెండు మందికీ కనబడ్డాడు.
1 కొరింథీయులకు 15 : 6 (IRVTE)
ఆ తరువాత ఐదు వందలకంటే ఎక్కువైన సోదర సోదరీలకు ఒక్క సమయంలోనే కనిపించాడు. వారిలో చాలామంది ఇంకా జీవించే ఉన్నారు. కొందరు కన్ను మూశారు.
1 కొరింథీయులకు 15 : 7 (IRVTE)
తరువాత ఆయన యాకోబుకు, అటు తరువాత అపొస్తలులకందరికీ కనిపించాడు. [PE][PS]
1 కొరింథీయులకు 15 : 8 (IRVTE)
చివరిగా అకాలంలో పుట్టినట్టున్న నాకు కూడా కనిపించాడు.
1 కొరింథీయులకు 15 : 9 (IRVTE)
ఎందుకంటే నేను అపొస్తలులందరిలో తక్కువ వాణ్ణి. దేవుని సంఘాన్ని హింసించిన వాణ్ణి కాబట్టి నాకు అపొస్తలుడు అన్న పిలుపుకు అర్హత లేదు.
1 కొరింథీయులకు 15 : 10 (IRVTE)
అయినా నేనేమిటో అది దేవుని కృప వల్లనే. నాకు ఆయన అనుగ్రహించిన కృప వృధాగా పోలేదు. ఎందుకంటే వారందరికంటే నేను ఎక్కువగా కష్టపడ్డాను.
1 కొరింథీయులకు 15 : 11 (IRVTE)
నేనైనా వారైనా మేము ప్రకటించేది అదే, మీరు నమ్మినది అదే. [PS]
1 కొరింథీయులకు 15 : 12 (IRVTE)
{క్రీస్తు పునరుత్థానం ప్రాముఖ్యత} [PS] క్రీస్తు మరణించి సజీవుడై లేచాడని మేము ప్రకటిస్తూ ఉంటే మీలో కొందరు అసలు మృతుల పునరుత్థానమే లేదని ఎలా చెబుతారు?
1 కొరింథీయులకు 15 : 13 (IRVTE)
మృతుల పునరుత్థానం లేకపోతే, క్రీస్తు కూడ లేవలేదు.
1 కొరింథీయులకు 15 : 14 (IRVTE)
క్రీస్తు లేచి ఉండకపోతే మా సువార్త ప్రకటనా వ్యర్థం, మీ విశ్వాసమూ వ్యర్థం.
1 కొరింథీయులకు 15 : 15 (IRVTE)
దేవుడు క్రీస్తును లేపాడని ఆయన గూర్చి మేము సాక్ష్యం చెప్పాం కదా? మృతులు లేవడం అనేది లేకపోతే దేవుడు యేసును కూడా లేపలేదు కాబట్టి మేము దేవుని విషయంలో అబద్ధ సాక్షులమన్నట్టే.
1 కొరింథీయులకు 15 : 16 (IRVTE)
మృతులు లేవకపోతే క్రీస్తు కూడ లేవలేదు.
1 కొరింథీయులకు 15 : 17 (IRVTE)
క్రీస్తు లేవకపోతే మీ విశ్వాసం వ్యర్థమే, మీరింకా మీ పాపాల్లోనే ఉన్నారన్నమాట.
1 కొరింథీయులకు 15 : 18 (IRVTE)
అంతేకాదు, ఇప్పటికే క్రీస్తులో కన్నుమూసిన వారు కూడా నశించినట్టే.
1 కొరింథీయులకు 15 : 19 (IRVTE)
మనం ఈ జీవిత కాలం వరకే క్రీస్తులో ఆశ పెట్టుకొనే వారమైతే మనుషుల్లో మనకంటే నిర్భాగ్యులెవరూ ఉండరు. [PS]
1 కొరింథీయులకు 15 : 20 (IRVTE)
{పునరుత్థానాల క్రమం} [PS] కానీ ఇప్పుడు క్రీస్తు తిరిగి లేవడం ద్వారా చనిపోయిన వారిలో నుండి లేచిన వారిలో ప్రథమఫలం అయ్యాడు.
1 కొరింథీయులకు 15 : 21 (IRVTE)
మనిషి ద్వారా మరణం వచ్చింది కాబట్టి మనిషి ద్వారానే చనిపోయిన వారు తిరిగి లేవడం జరిగింది.
1 కొరింథీయులకు 15 : 22 (IRVTE)
ఆదాములో అందరూ ఏ విధంగా చనిపోతున్నారో, అదే విధంగా క్రీస్తులో అందరూ బ్రతికించబడతారు.
1 కొరింథీయులకు 15 : 23 (IRVTE)
ప్రతి ఒక్కడూ తన తన వరుసలో బ్రతికించబడతారు. మొదట, అంటే ప్రథమ ఫలంగా క్రీస్తు, ఆ తరువాత క్రీస్తు వచ్చినపుడు ఆయనకు చెందినవారు బ్రతికించబడతారు. [PE][PS]
1 కొరింథీయులకు 15 : 24 (IRVTE)
ఆ తరువాత ఆయన సమస్త ఆధిపత్యాన్నీ అధికారాన్నీ బలాన్నీ రద్దు చేసి తన తండ్రి అయిన దేవునికి రాజ్యాన్ని అప్పగిస్తాడు. అప్పుడు అంతం వస్తుంది.
1 కొరింథీయులకు 15 : 25 (IRVTE)
ఎందుకంటే ఆయన శత్రువులంతా ఆయన పాదాక్రాంతులయ్యే వరకూ ఆయన పరిపాలించాలి.
1 కొరింథీయులకు 15 : 26 (IRVTE)
చిట్ట చివరిగా నాశనమయ్యే శత్రువు మరణం.
1 కొరింథీయులకు 15 : 27 (IRVTE)
దేవుడు సమస్తాన్నీ క్రీస్తు పాదాల కింద ఉంచాడు. సమస్తం అనే మాటలో పాదాల కింద ఉంచిన దేవుడు తప్ప మిగిలినవన్నీ ఆయన పాదాల కింద ఉన్నాయి అని తేటతెల్లం అవుతుంది కదా.
1 కొరింథీయులకు 15 : 28 (IRVTE)
సమస్తమూ కుమారుడికి వశమైన తరువాత దేవుడు సర్వాధికారిగా ఉండే నిమిత్తం ఆయన కుమారుడు సమస్తాన్నీ తన కింద ఉంచిన దేవునికి తానే లోబడతాడు. [PE][PS]
1 కొరింథీయులకు 15 : 29 (IRVTE)
ఇదేమీ కాకపోతే చనిపోయిన వారి కోసం బాప్తిసం పొందేవారి సంగతేమిటి? చనిపోయినవారు లేవకపోతే వారి కోసం బాప్తిసం పొందడం ఎందుకు?
1 కొరింథీయులకు 15 : 30 (IRVTE)
మేము గంటగంటకు ప్రాణం అరచేతిలో ఉంచుకుని బతకడం ఎందుకు? [PE][PS]
1 కొరింథీయులకు 15 : 31 (IRVTE)
సోదరులారా, మన ప్రభు క్రీస్తు యేసులో మిమ్మల్ని గూర్చి నేను చూపే అతిశయాన్ని బట్టి నేను ప్రకటించేది ఏమిటంటే, “నేను ప్రతి దినం చనిపోతున్నాను.”
1 కొరింథీయులకు 15 : 32 (IRVTE)
నేను ఎఫెసులో క్రూర మృగాలతో పోరాడింది కేవలం మానవరీత్యా అయితే నాకు లాభమేముంది? చనిపోయిన వారు లేవకపోతే, “రేపు చనిపోతాం కాబట్టి తిని, తాగుదాం.”
1 కొరింథీయులకు 15 : 33 (IRVTE)
మోసపోకండి. “దుష్టులతో సహవాసం మంచి నడతను చెడగొడుతుంది.”
1 కొరింథీయులకు 15 : 34 (IRVTE)
కాబట్టి మేల్కోండి! నీతి ప్రవర్తన కలిగి, పాపం చేయకండి. మీలో కొందరికి దేవుని గూర్చిన అవగాహన లేదు. మీరు సిగ్గుపడాలని ఇలా చెబుతున్నాను. [PS]
1 కొరింథీయులకు 15 : 35 (IRVTE)
{పునరుత్థాన విధానం} [PS] అయితే “చనిపోయిన వారు ఎలా లేస్తారు? వారెలాటి శరీరంతో వస్తారు?” అని ఒకడు అడుగుతాడు.
1 కొరింథీయులకు 15 : 36 (IRVTE)
బుద్ధి హీనుడా, నీవు విత్తనం వేసినప్పుడు అది ముందు చనిపోతేనే కదా, తిరిగి బతికేది!
1 కొరింథీయులకు 15 : 37 (IRVTE)
నీవు పాతినది గోదుమ గింజైనా, మరి ఏ గింజైనా, వట్టి గింజనే పాతిపెడుతున్నావు గాని పైకి మొలిచే శరీరాన్ని కాదు.
1 కొరింథీయులకు 15 : 38 (IRVTE)
దేవుడే తన ఇష్ట ప్రకారం నీవు పాతిన దానికి రూపాన్ని ఇస్తాడు. ప్రతి విత్తనానికీ దాని దాని శరీరాన్ని ఇస్తున్నాడు.
1 కొరింథీయులకు 15 : 39 (IRVTE)
అన్ని రకాల మాంసాలు ఒక్కటి కాదు. మనిషి మాంసం వేరు, పశువు మాంసం వేరు, పక్షి మాంసం వేరు, చేప మాంసం వేరు.
1 కొరింథీయులకు 15 : 40 (IRVTE)
ఆకాశంలో వస్తువులున్నాయి, భూమి మీద వస్తువులున్నాయి. ఆకాశ వస్తు రూపాల మహిమ వేరు, భూవస్తు రూపాల మహిమ వేరు.
1 కొరింథీయులకు 15 : 41 (IRVTE)
నూర్యుని మహిమ వేరు, చంద్రుని మహిమ వేరు, నక్షత్రాల వెలుగు వేరు. ఒక నక్షత్రానికీ మరొక నక్షత్రానికీ వెలుగులో తేడా ఉంటుంది కదా. [PE][PS]
1 కొరింథీయులకు 15 : 42 (IRVTE)
చనిపోయిన వారు తిరిగి లేవడం కూడా అలాగే ఉంటుంది. నశించిపోయే శరీరాన్ని నాటి నశించని శరీరాన్ని పొందుతారు.
1 కొరింథీయులకు 15 : 43 (IRVTE)
ఘనహీనంగా విత్తినది మహిమ గలదిగా, బలహీనంగా విత్తినది బలమైనదిగా తిరిగి లేస్తుంది.
1 కొరింథీయులకు 15 : 44 (IRVTE)
ప్రకృతి సంబంధమైన శరీరంగా విత్తినది ఆత్మ సంబంధమైన శరీరంగా లేస్తుంది. ప్రకృతి సంబంధమైన శరీరం ఉంది కాబట్టి ఆత్మ సంబంధమైన శరీరం కూడా ఉంది.
1 కొరింథీయులకు 15 : 45 (IRVTE)
దీని గురించి, “ఆదామనే మొదటి మనిషి జీవించే ప్రాణి అయ్యాడు” అని రాసి ఉంది. చివరి ఆదాము జీవింపజేసే ఆత్మ అయ్యాడు.
1 కొరింథీయులకు 15 : 46 (IRVTE)
మొదట వచ్చింది ఆత్మ సంబంధమైనది కాదు. ముందు ప్రకృతి సంబంధమైనది, ఆ తరవాత ఆత్మ సంబంధమైనది వచ్చాయి.
1 కొరింథీయులకు 15 : 47 (IRVTE)
మొదటి మనిషి భూసంబంధి. అతడు మట్టిలో నుండి రూపొందిన వాడు. రెండవ మనిషి పరలోకం నుండి వచ్చినవాడు.
1 కొరింథీయులకు 15 : 48 (IRVTE)
మొదట మట్టి నుండి వచ్చినవాడు ఎలాటివాడో ఆ తరువాత మట్టి నుండి పుట్టిన వారంతా అలాంటివారే. పరలోక సంబంధి ఎలాటివాడో తరువాత వచ్చిన పరలోక సంబంధులు కూడా అలాటి వారే.
1 కొరింథీయులకు 15 : 49 (IRVTE)
మనం మట్టి మనిషి పోలికను ధరించిన ప్రకారం పరలోక సంబంధి పోలికను కూడా ధరిస్తాం.
1 కొరింథీయులకు 15 : 50 (IRVTE)
సోదరులారా, నేను చెప్పేది ఏమంటే, రక్త మాంసాలు దేవుని రాజ్య వారసత్వం పొందలేవు. నశించి పోయేవి నశించని దానికి వారసత్వం పొందలేవు. [PS]
1 కొరింథీయులకు 15 : 51 (IRVTE)
{విశ్వాసుల్లో కొందరు చనిపోరు} (1తెస్స 4:14-17) [PS] ఇదిగో వినండి, మీకు ఒక రహస్యం చెబుతున్నాను, మనమంతా నిద్రించం. నిమిషంలో రెప్ప పాటున, చివరి బాకా మోగగానే మనమంతా మారిపోతాం.
1 కొరింథీయులకు 15 : 52 (IRVTE)
బాకా మోగుతుంది, అప్పుడు చనిపోయిన వారు నాశనం లేనివారుగా లేస్తారు. మనం మారిపోతాం.
1 కొరింథీయులకు 15 : 53 (IRVTE)
నశించిపోయే ఈ శరీరం నాశనం లేని శరీరాన్ని ధరించుకోవాలి. మరణించే ఈ శరీరం మరణం లేని శరీరాన్ని ధరించుకోవాలి.
1 కొరింథీయులకు 15 : 54 (IRVTE)
ఈ విధంగా నశించేది నశించని దానినీ, మరణించేది మరణం లేని దానినీ ధరించుకొన్నప్పుడు, [QBR] “విజయం మరణాన్ని మింగివేసింది” అని రాసి ఉన్న మాటలు నెరవేరుతాయి. [QBR]
1 కొరింథీయులకు 15 : 55 (IRVTE)
“మరణమా, నీ విజయమేది? మరణమా, నీ ముల్లేది?” [QBR]
1 కొరింథీయులకు 15 : 56 (IRVTE)
మరణపు ముల్లు పాపం. పాపానికి ఉన్న బలం ధర్మశాస్త్రమే. [PE][PS]
1 కొరింథీయులకు 15 : 57 (IRVTE)
అయితే మన ప్రభు యేసు క్రీస్తు ద్వారా మనకు విజయమిస్తున్న దేవునికి స్తుతి.
1 కొరింథీయులకు 15 : 58 (IRVTE)
కాబట్టి నా ప్రియ సోదరులారా, స్థిరంగా, నిబ్బరంగా ఉండండి. మీ కష్టం ప్రభువులో వ్యర్థం కాదని ఎరిగి, ప్రభువు సేవలో ఎప్పటికీ ఆసక్తి కలిగి ఉండండి. [PE]
❮
❯