ఆదికాండము 9 : 1 (IRVTE)
{నోవహుతో దేవుని నిబంధన} [PS] దేవుడు నోవహునూ అతని కొడుకులనూ ఆశీర్వదించాడు. “మీరు ఫలించి అభివృద్ధి పొంది భూమిని నింపండి.
ఆదికాండము 9 : 2 (IRVTE)
అడవి జంతువులన్నిటికీ ఆకాశ పక్షులన్నిటికీ నేల మీద పాకే ప్రతి పురుగుకూ సముద్రపు చేపలన్నిటికీ మీరంటే భయం ఉంటుంది, అవి మిమ్మల్ని చూసి బెదురుతాయి. [PE][PS]
ఆదికాండము 9 : 3 (IRVTE)
ప్రాణంతో కదలాడే ప్రతి జీవీ మీకు ఆహారం అవుతుంది. పచ్చని మొక్కలను ఇచ్చినట్టు ఇప్పుడు నేను ఇవన్నీ మీకు ఇచ్చాను.
ఆదికాండము 9 : 4 (IRVTE)
కాని ప్రాణమే రక్తం గనుక మీరు మాంసాన్ని దాని రక్తంతో పాటు తినకూడదు. [PE][PS]
ఆదికాండము 9 : 5 (IRVTE)
మీకు ప్రాణం అయిన మీ రక్తం గురించి లెక్క అడుగుతాను. దాని గురించి ప్రతి జంతువునీ ప్రతి మనిషినీ లెక్క అడుగుతాను. ప్రతి మనిషిని, అంటే తన సోదరుణ్ణి హత్యచేసిన ప్రతి మనిషినీ ఆ మనిషి ప్రాణం లెక్క అడుగుతాను.
ఆదికాండము 9 : 6 (IRVTE)
దేవుడు తన స్వరూపంలో మనిషిని చేశాడు గనుక మనిషి రక్తాన్ని ఎవరు చిందిస్తారో, అతని రక్తాన్ని కూడా మనిషే చిందించాలి.
ఆదికాండము 9 : 7 (IRVTE)
మీరు ఫలించి అభివృద్ధి పొందండి. మీరు భూమి మీద అధికంగా సంతానం కని విస్తరించండి” అని వాళ్ళతో చెప్పాడు. [PE][PS]
ఆదికాండము 9 : 8 (IRVTE)
దేవుడు నోవహు, అతని కొడుకులతో మాట్లాడుతూ,
ఆదికాండము 9 : 9 (IRVTE)
“వినండి, నేను మీతోను, మీ తరువాత వచ్చే మీ సంతానంతోను,
ఆదికాండము 9 : 10 (IRVTE)
మీతో పాటు ఉన్న ప్రతి జీవితోను, అవి పక్షులే గాని పశువులే గాని, మీతోపాటు ఉన్న ప్రతి జంతువే గాని, ఓడలోనుంచి బయటకు వచ్చిన ప్రతి భూజంతువుతో నా నిబంధన స్థిరం చేస్తున్నాను. [PE][PS]
ఆదికాండము 9 : 11 (IRVTE)
నేను మీతో నా నిబంధన స్థిరపరుస్తున్నాను. సర్వ శరీరులు ప్రవహించే జలాల వల్ల ఇంకెప్పుడూ నాశనం కారు. భూమిని నాశనం చెయ్యడానికి ఇంకెప్పుడూ జలప్రళయం రాదు” అన్నాడు. [PE][PS]
ఆదికాండము 9 : 12 (IRVTE)
దేవుడు “నాకు, మీకు, మీతోపాటు ఉన్న జీవరాసులన్నిటికీ మధ్య నేను తరతరాలకు చేస్తున్న నిబంధనకు గుర్తు ఇదే,
ఆదికాండము 9 : 13 (IRVTE)
మేఘంలో నా ధనుస్సు ఉంచాను. అది నాకు, భూమికి, మధ్య నిబంధనకు గుర్తుగా ఉంటుంది. [PE][PS]
ఆదికాండము 9 : 14 (IRVTE)
భూమిమీదికి నేను మేఘాన్ని తీసుకొచ్చినప్పుడు మేఘంలో ఆ ధనుస్సు కనబడుతుంది.
ఆదికాండము 9 : 15 (IRVTE)
అప్పుడు నాకు, మీకు, జీవరాసులన్నిటికీ మధ్య ఉన్న నా నిబంధన జ్ఞాపకం చేసుకొంటాను గనుక సర్వశరీరులను నాశనం చెయ్యడానికి ఇక ఎన్నడూ నీళ్ళు జలప్రళయంగా రావు. [PE][PS]
ఆదికాండము 9 : 16 (IRVTE)
ఆ ధనుస్సు మేఘంలో ఉంటుంది. నేను దాన్ని చూసి దేవునికీ, భూమి మీద ఉన్న సర్వశరీరుల్లో ప్రాణం ఉన్న ప్రతి దానికీ మధ్య ఉన్న శాశ్వత నిబంధనను జ్ఞాపకం చేసుకొంటాను” అన్నాడు.
ఆదికాండము 9 : 17 (IRVTE)
దేవుడు “నాకు, భూమిమీద ఉన్న సర్వశరీరులకు మధ్య నేను స్థిరం చేసిన నిబంధనకు గుర్తు ఇదే” అని నోవహుతో చెప్పాడు. నోవహు, అతని కుమారులు [PE][PS]
ఆదికాండము 9 : 18 (IRVTE)
ఓడలోనుంచి వచ్చిన నోవహు ముగ్గురు కొడుకులు షేము, హాము, యాపెతు. హాము కనానుకు తండ్రి.
ఆదికాండము 9 : 19 (IRVTE)
వీళ్ళ సంతానం, భూమి అంతటా వ్యాపించింది. [PE][PS]
ఆదికాండము 9 : 20 (IRVTE)
నోవహు భూమిని సాగుచేయడం ప్రారంభించి, ద్రాక్షతోట వేశాడు.
ఆదికాండము 9 : 21 (IRVTE)
ఆ ద్రాక్షారసం తాగి మత్తెక్కి తన గుడారంలో బట్టలు లేకుండా పడి ఉన్నాడు. [PE][PS]
ఆదికాండము 9 : 22 (IRVTE)
అప్పుడు కనాను తండ్రి అయిన హాము, తన తండ్రి బట్టలు లేకుండా పడి ఉండడం చూసి, బయట ఉన్న తన ఇద్దరు సోదరులకు ఆ విషయం చెప్పాడు.
ఆదికాండము 9 : 23 (IRVTE)
అప్పుడు షేము, యాపెతు, ఒక బట్ట తీసుకుని తమ ఇద్దరి భుజాల మీద వేసుకుని వెనుకగా నడిచివెళ్ళి తమ తండ్రి నగ్న శరీరానికి కప్పారు. వాళ్ళ ముఖాలు మరొక వైపు తిరిగి ఉన్నాయి గనుక వాళ్ళు తమ తండ్రి నగ్న శరీరం చూడలేదు. [PE][PS]
ఆదికాండము 9 : 24 (IRVTE)
అప్పుడు నోవహు మత్తులోనుంచి మేల్కొని తన చిన్నకొడుకు చేసిన దాన్ని తెలుసుకున్నాడు. [PE][PS]
ఆదికాండము 9 : 25 (IRVTE)
“కనాను శపితుడు. అతడు తన సోదరులకు దాసుడుగా ఉంటాడు” అన్నాడు.
ఆదికాండము 9 : 26 (IRVTE)
అతడు “షేము దేవుడైన యెహోవా స్తుతి పొందుతాడు గాక. [PE][PS] కనాను అతనికి సేవకుడవుతాడు గాక. [PE][PS]
ఆదికాండము 9 : 27 (IRVTE)
దేవుడు యాపెతును అభివృద్ధి చేస్తాడు గాక. [PE][PS] అతడు షేము గుడారాల్లో నివాసం ఉంటాడు. [PE][PS] అతనికి కనాను సేవకుడవుతాడు” అన్నాడు. [PE][PS]
ఆదికాండము 9 : 28 (IRVTE)
ఆ జలప్రళయం తరువాత నోవహు మూడు వందల ఏభై సంవత్సరాలు బ్రతికాడు.
ఆదికాండము 9 : 29 (IRVTE)
నోవహు మొత్తం తొమ్మిదివందల ఏభై సంవత్సరాలు జీవించాడు. [PE]
❮
❯