{మోయాబు గురించి ప్రకటన} (16:6-12; యిర్మీ 48:29-36) [PS] మోయాబు గురించి ప్రకటన. [QBR] ఒకే రాత్రిలో ఆర్ మోయాబు పాడై నాశనమౌతుంది. [QBR] ఒక్క రాత్రిలో కీర్ మోయాబు పాడై నాశనమౌతుంది. [QBR]

ఏడవడానికి మోయాబీయులు గుడికీ, [QBR] మెట్ట మీద ఉన్న దీబోనుకూ వెళ్తున్నారు. [QBR] నెబో మీద, మేదెబా మీద మోయాబీయులు ప్రలాపిస్తున్నారు. [QBR] వాళ్ళందరూ తమ తలలు గొరిగించుకున్నారు, [QBR] గడ్డాలు క్షవరం చేయించుకున్నారు. [QBR]

తమ సంత వీధుల్లో గోనెపట్ట కట్టుకున్నారు. [QBR] వాళ్ళ మేడల మీద, వాళ్ళ బహిరంగ ప్రాంగణాల్లో వాళ్ళందరూ ప్రలాపిస్తూ కన్నీళ్లు కారుస్తున్నారు. [QBR]

హెష్బోను, ఏలాలే మొర్ర పెడుతున్నాయి. [QBR] యాహసు వరకూ వాళ్ళ స్వరం వినిపిస్తూ ఉంది. [QBR] మోయాబీయుల యోధులు బిగ్గరగా ఏడుస్తున్నారు. [QBR] వాళ్ళ ప్రాణాలు వాళ్ళల్లో వణుకుతున్నాయి. [QBR]

మోయాబు కోసం నా హృదయం అరుస్తూ ఉంది. [QBR] దాని ప్రధానులు సోయరు వరకూ పారిపోతారు. [QBR] లూహీతు ఎక్కుడు మార్గంలో ఏడుస్తూ ఎక్కుతారు. [QBR] నాశనమై పోయామే అని పెద్దగా కేకలు వేస్తూ హొరొనయీము మార్గంలో వెళ్తారు. [QBR]

ఎందుకంటే నిమ్రీములో ఉన్న నీళ్ళు ఎండిపోయాయి. [QBR] గడ్డి ఎండిపోయింది. కొత్తగా పుట్టిన గడ్డి కూడా ఎండిపోతుంది. పచ్చదనం ఎక్కడా కనిపించదు. [QBR]

వాళ్ళు సంపాదించిన ఆస్తినీ, వాళ్ళు కూర్చుకున్న పంటనూ నిరవంజి చెట్లున్న నది అవతలకు వాళ్ళు మోసుకు పోతారు. [QBR]

రోదన మోయాబు సరిహద్దుల్లో వినిపించింది. [QBR] అంగలార్పు ఎగ్లయీము వరకూ, బెయేరేలీము వరకూ వినిపించింది. [QBR]

ఎందుకంటే దీమోను నీళ్ళు రక్తంతో నిండి ఉన్నాయి. [QBR] కాని నేను దీమోను మీదకి మరింత బాధ రప్పిస్తాను. [QBR] మోయాబులోనుంచి తప్పించుకున్న వాళ్ళ మీద, ఆ దేశంలో మిగిలిన వాళ్ళ మీద ఒక సింహం దాడి చేస్తుంది. [PE]