యిర్మీయా 9 : 1 (IRVTE)
నా తల జలమయంగా నా కళ్ళు కన్నీటి ఊటగా ఉండు గాక. [QBR] ఎందుకంటే హతమైన నా ప్రజలను గూర్చి నేను రాత్రింబగళ్ళూ విలపించాలని కోరుతున్నాను. [QBR]
యిర్మీయా 9 : 2 (IRVTE)
నా ప్రజలంతా వ్యభిచారులు, ద్రోహుల గుంపులాగా ఉన్నారు. [QBR] నేను వారిని విడిచిపెట్టి వెళ్లి ఉండడానికి అరణ్యంలో ఒక బాటసారుల నివాసం నాకు దొరికితే బాగుండును. [QBR]
యిర్మీయా 9 : 3 (IRVTE)
విల్లును వంచినట్టుగా వారు తమ నాలుకను అబద్ధమాడడానికి వంచుతారు. ఈ భూమిపై వారు నమ్మదగిన వారు కాదు. వారు ఒకటి తరవాత మరొకటి చెడుకార్యాలు జరిగిస్తున్నారు. “నేను ఎవరో వారు ఎరుగరు” అని యెహోవా చెబుతున్నాడు. [QBR]
యిర్మీయా 9 : 4 (IRVTE)
మీలో ప్రతివాడూ తన పొరుగువాడి విషయంలో జాగ్రత్తగా ఉండాలి. [QBR] ఏ సోదరుణ్నీ నమ్మవద్దు. ఎందుకంటే నిజంగా ప్రతి సోదరుడూ మోసం చేసేవాడే. [QBR] ప్రతి పొరుగువాడూ అపనిందలు వేస్తూ తిరుగుతుంటాడు. [QBR]
యిర్మీయా 9 : 5 (IRVTE)
ప్రతివాడూ సత్యం చెప్పకుండా తన పొరుగువాడిని మోసం చేస్తాడు. అక్రమం జరిగించడం వారికి అలవాటై పోయింది. ఎంతసేపూ ఎదుటి వారిలో తప్పులు పట్టాలని చూస్తారు. [QBR]
యిర్మీయా 9 : 6 (IRVTE)
కపటం మధ్యలో నువ్వు నివసిస్తున్నావు. వారి కపటంలో వారు నన్ను తెలుసుకోలేక పోతున్నారు. ఇదే యెహోవా వాక్కు. [QBR]
యిర్మీయా 9 : 7 (IRVTE)
కాబట్టి సేనల ప్రభువు యెహోవా చెప్పేదేమంటే, చూడూ, నేను వారిని లోహం లాగా కరిగించి పరీక్షించబోతున్నాను. వారికి ఇంతకంటే మరేమి చెయ్యను? [QBR]
యిర్మీయా 9 : 8 (IRVTE)
వారి నాలుక పదును పెట్టిన బాణం, అది కపటమే పలుకుతుంది. [QBR] ఒకడు తన పొరుగువారితో పైకి స్నేహపూర్వకంగా మాట్లాడతాడు గాని మనస్సులో మాత్రం మోసపూరితమైన ఆలోచనలు ఉంటాయి. [QBR]
యిర్మీయా 9 : 9 (IRVTE)
ఈ సంగతులు తెలిసీ నేను వారిని శిక్షించకూడదా? [QBR] ఈ దేశాన్ని దండించ కూడదా? ఇదే యెహోవా వాక్కు. [QBR]
యిర్మీయా 9 : 10 (IRVTE)
పర్వతాల గురించి ఏడుస్తాను, విలాప గీతం ఆలపిస్తాను. వాటి మేతస్థలాల గురించి రోదిస్తాను. [QBR] ఎందుకంటే అవి పాడైపోయాయి. వాటిగుండా ఎవరూ వెళ్ళడం లేదు. వాటిలో పశువుల అరుపులు వినబడడం లేదు. [QBR] ఆకాశ పక్షులు, జంతువులు అన్నీ పారిపోయాయి. [QBR]
యిర్మీయా 9 : 11 (IRVTE)
యెరూషలేమును పాడుదిబ్బగా నక్కల నివాసంగా చేస్తాను. [QBR] యూదా పట్టణాలను ఎవరూ నివసించలేకుండా పాడు చేస్తాను. [QBR]
యిర్మీయా 9 : 12 (IRVTE)
ఈ సంగతిని అర్థం చేసుకోగల జ్ఞానం ఎవరికుంది? దాన్ని వివరించడానికి యెహోవా ఎవరికి తన నోటి మాట ఇచ్చాడు? [QBR] ఎవరూ ప్రయాణం చేయలేకుండా ఆ దేశం ఎందుకు ఎడారిలా మారిపోయింది? [PE][PS]
యిర్మీయా 9 : 13 (IRVTE)
యెహోవా చెప్పేదేమంటే, “దానికి కారణం, వారు నా మాట వినలేదు, నా ధర్మశాస్త్రాన్ని అనుసరించకుండా తోసిపుచ్చారు.
యిర్మీయా 9 : 14 (IRVTE)
తమ హృదయంలోని మూర్ఖత్వం ప్రకారం చేశారు. తమ పూర్వికుల దగ్గర నేర్చుకున్నట్టు బయలు దేవుళ్ళను పూజించారు. అందుకే వారి దేశం పాడైపోయింది.” [PE][PS]
యిర్మీయా 9 : 15 (IRVTE)
సైన్యాల ప్రభువు, ఇశ్రాయేలు దేవుడు అయిన యెహోవా చెప్పేదేమంటే, “నేను ఈ ప్రజలు చేదుకూరలు తినేలా చేస్తాను. విషజలం తాగిస్తాను.
యిర్మీయా 9 : 16 (IRVTE)
వారు గానీ, వారి పూర్వికులు గానీ ఎరగని జాతి ప్రజల్లోకి వారిని చెదరగొడతాను. వారు పూర్తిగా నాశనం అయ్యేవరకూ వారి పైకి ఖడ్గం పంపుతాను.” [QBR]
యిర్మీయా 9 : 17 (IRVTE)
సేనల ప్రభువైన యెహోవా చెప్పేదేమంటే “ఆలోచించండి. రోదనం చేసే స్త్రీలను వెతికి వారిని పిలిపించండి. [QBR] విలాపంలో నైపుణ్యం గల స్త్రీలను వెదికి వారిని పిలవండి. [QBR]
యిర్మీయా 9 : 18 (IRVTE)
మనం కన్నీళ్లు విడిచేలా, మన కనురెప్పల నుండి నీళ్లు కారిపోయేలా వారు త్వరగా వచ్చి రోదన ధ్వని చేయమని చెప్పండి.” [QBR]
యిర్మీయా 9 : 19 (IRVTE)
“మనం నాశనమయ్యాం, చాలా అవమానానికి గురయ్యాం. వారు మన ఇళ్ళను కూలదోశారు. [QBR] మనం దేశం విడిచి వెళ్ళాల్సివచ్చింది” అని సీయోనులో రోదన ధ్వని వినబడుతున్నది. [QBR]
యిర్మీయా 9 : 20 (IRVTE)
స్త్రీలారా, యెహోవా మాట వినండి. ఆయన నోటి నుండి వచ్చే సందేశాలను జాగ్రత్తగా ఆలకించండి. [QBR] మీ కూతుళ్ళకు విలాప గీతం నేర్పండి. ఒకరికొకరు అంగలార్పు గీతాలు నేర్పండి. [QBR]
యిర్మీయా 9 : 21 (IRVTE)
మరణం మన ఇంటి కిటికీల గుండా ఎక్కుతూ ఉంది. మన రాజభవనాల్లో అడుగు పెడుతూ ఉంది. [QBR] అది వీధుల్లో పసిపిల్లలు, రాజమార్గాల్లో యువకులు లేకుండా వారిని నాశనం చేస్తున్నది. [QBR]
యిర్మీయా 9 : 22 (IRVTE)
యెహోవా చెప్పేదేమంటే “పొలాల్లో పేడ పడేలా, కోతపనివారి వెనక పనలు పడేలా మనుషుల శవాలు కూలుతాయి. [QBR] వాటిని పోగు చేయడానికి ఎవరూ ఉండరు.” [QBR]
యిర్మీయా 9 : 23 (IRVTE)
యెహోవా చెప్పేదేమంటే “తెలివైనవాడు తన తెలివిని బట్టీ బలవంతుడు తన బలాన్ని బట్టీ గర్వించకూడదు. అలాగే ధనవంతుడు తన ఆస్తిని బట్టి గర్వించకూడదు. [QBR]
యిర్మీయా 9 : 24 (IRVTE)
దేనిలో అతిశయించాలంటే, ఈ భూమి మీద కృప చూపుతూ నీతి న్యాయాలు జరిగిస్తున్న యెహోవాను నేనే అని గ్రహించి నన్ను పరిశీలనగా తెలుసుకోవడంలోనే అతిశయించాలి. [QBR] అలాటి వాటిలోనే నేను ఆనందిస్తాను.” [PE][PS]
యిర్మీయా 9 : 25 (IRVTE)
యెహోవా చెప్పేదేమంటే “అన్యజాతి ప్రజలు సున్నతి పొందలేదు. ఇశ్రాయేలీయులేమో హృదయ సంబంధమైన సున్నతి పొందలేదు. కాబట్టి రాబోయే రోజుల్లో సున్నతి పొందని వారినీ, పొందిన వారినీ కలిపి శిక్షిస్తాను.
యిర్మీయా 9 : 26 (IRVTE)
అంటే ఐగుప్తు వారు, యూదులు, ఎదోమీయులు, అమ్మోనీయులు, మోయాబీయులు, ఎడారిలో నివసిస్తూ తమ గడ్డాలు చెంపలపై గొరిగించుకునేవారు, వీరందరినీ నేను శిక్షిస్తాను.” [PE]
❮
❯