Telugu Bible Presentation Sharing - Lamentations Book, chapter 5, verse 1 in Irvte Version

విలాపవాక్యములు 5 : 1 (IRVTE)

కృప కోసం ప్రార్థన

విలాపవాక్యములు 5 : 2 (IRVTE)

యెహోవా, మాకు కలిగిన యాతన గుర్తు చేసుకో. మా మీదికి వచ్చిన అవమానం ఎలా ఉందో చూడు.

విలాపవాక్యములు 5 : 3 (IRVTE)

మా స్వాస్థ్యం పరదేశుల వశం అయ్యింది. మా ఇళ్ళు అన్యుల స్వాధీనం అయ్యాయి.

విలాపవాక్యములు 5 : 4 (IRVTE)

మేము అనాథలం అయ్యాం. తండ్రులు ఇంక లేరు. మా తల్లులు వితంతువుల్లా ఉన్నారు.

విలాపవాక్యములు 5 : 5 (IRVTE)

మా నీళ్లు మేము డబ్బుతో కొనుక్కుని తాగాం. మా కట్టెలు మాకే అమ్మారు.

విలాపవాక్యములు 5 : 6 (IRVTE)

వాళ్ళు మమ్మల్ని తరిమారు. మేము అలసిపోయాం. మాకు విశ్రాంతి లేదు.

విలాపవాక్యములు 5 : 7 (IRVTE)

అన్నం కోసం ఐగుప్తీయులకూ అష్షూరీయులకూ చెయ్యి చాపాం.

విలాపవాక్యములు 5 : 8 (IRVTE)

మా పితరులు* పితరులుపూర్వీకులు పాపం చేసి చనిపోయారు. మేము వాళ్ళ పాపానికి శిక్ష అనుభవిస్తున్నాం.

విలాపవాక్యములు 5 : 9 (IRVTE)

దాసులు మమ్మల్ని ఏలుతున్నారు. వాళ్ళ వశం నుంచి మమ్మల్ని విడిపించే వాళ్ళు ఎవరూ లేరు.

విలాపవాక్యములు 5 : 10 (IRVTE)

ఎడారి ప్రజల కత్తి భయంతో ప్రాణానికి తెగించి మా ఆహారం తెచ్చుకుంటున్నాం.

విలాపవాక్యములు 5 : 11 (IRVTE)

కరువు తాపం వల్ల మా చర్మం పొయ్యిలా కాలిపోతోంది.

విలాపవాక్యములు 5 : 12 (IRVTE)

శత్రువులు సీయోనులో స్త్రీలను, యూదా పట్టణాల్లో కన్యకలను మానభంగం చేశారు.

విలాపవాక్యములు 5 : 13 (IRVTE)

అధిపతులను వాళ్ళు ఉరి తీశారు. పెద్దలను ఘనపరచలేదు.

విలాపవాక్యములు 5 : 14 (IRVTE)

బలమైన యువకులను గానుగల దగ్గరికి తీసుకొచ్చారు. యువకులు కొయ్య దుంగలు మొయ్యలేక తూలిపడ్డారు.

విలాపవాక్యములు 5 : 15 (IRVTE)

పెద్దలను గుమ్మాల దగ్గర కూర్చోకుండా తొలగించారు. యువకులను సంగీతం నుంచి దూరం చేశారు.

విలాపవాక్యములు 5 : 16 (IRVTE)

మా గుండెల్లో ఆనందం అడుగంటింది. మా నాట్యం దుఃఖంగా మారిపోయింది.

విలాపవాక్యములు 5 : 17 (IRVTE)

మా తల మీద నుంచి కిరీటం పడిపోయింది! మేము పాపం చేశాం! మాకు బాధ!

విలాపవాక్యములు 5 : 18 (IRVTE)

మా గుండెలకు జబ్బు చేసింది. మా కళ్ళు మసకబారాయి.

విలాపవాక్యములు 5 : 19 (IRVTE)

సీయోను పర్వతం నిర్జీవంగా ఉంది. దాని మీద నక్కలు తిరుగులాడుతున్నాయి.

విలాపవాక్యములు 5 : 20 (IRVTE)

యెహోవా, నువ్వు నిత్యం పరిపాలిస్తావు. నీ సింహాసనం తరతరాలు ఉంటుంది.

విలాపవాక్యములు 5 : 21 (IRVTE)

నువ్వు మమ్మల్ని శాశ్వతంగా ఎందుకు మర్చిపోతావు? మమ్మల్ని శాశ్వతంగా విడిచిపెట్టేస్తావా?

విలాపవాక్యములు 5 : 22 (IRVTE)

యెహోవా, నువ్వు మమ్మల్ని నీ వైపుకు మళ్ళీ తిప్పు. మేము తిరుగుతాం. నువ్వు మమ్మల్ని పూర్తిగా విడిచి పెట్టకపోతే, మా మీద నీకు విపరీతమైన కోపం లేకపోతే మా పూర్వస్థితి మళ్ళీ మాకు కలిగించు.