కీర్తనల గ్రంథము 116 : 1 (IRVTE)
యెహోవా నా మొర, నా విన్నపాలు ఆలకించాడు. నేనాయన్ని ప్రేమిస్తున్నాను.
కీర్తనల గ్రంథము 116 : 2 (IRVTE)
ఆయన నా మాటలు శ్రద్ధగా విన్నాడు. కాబట్టి నా జీవితకాలమంతా నేనాయనకు మొర్ర పెడతాను.
కీర్తనల గ్రంథము 116 : 3 (IRVTE)
మరణబంధాలు నన్ను చుట్టుకున్నాయి. పాతాళ వేదనలు నన్ను పట్టుకున్నాయి. బాధ, దుఃఖం నాకు కలిగింది.
కీర్తనల గ్రంథము 116 : 4 (IRVTE)
అప్పుడు యెహోవా, దయచేసి నా ప్రాణాన్ని విడిపించమని యెహోవా నామాన్నిబట్టి నేను మొర్రపెట్టాను.
కీర్తనల గ్రంథము 116 : 5 (IRVTE)
యెహోవా దయాళుడు, నీతిపరుడు. మన దేవుడు వాత్సల్యం గలవాడు.
కీర్తనల గ్రంథము 116 : 6 (IRVTE)
యెహోవా సాధుజీవులను కాపాడేవాడు. నేను క్రుంగి ఉన్నప్పుడు ఆయన నన్ను రక్షించాడు.
కీర్తనల గ్రంథము 116 : 7 (IRVTE)
నా ప్రాణమా, యెహోవా నీకు క్షేమం విస్తరింపజేశాడు. తిరిగి నీ విశ్రాంతిలో ప్రవేశించు.
కీర్తనల గ్రంథము 116 : 8 (IRVTE)
మరణం నుండి నా ప్రాణాన్ని, కన్నీళ్లు కార్చకుండా నా కళ్ళను, జారిపడకుండా నా పాదాలను నువ్వు తప్పించావు.
కీర్తనల గ్రంథము 116 : 9 (IRVTE)
సజీవులున్న దేశాల్లో యెహోవా సన్నిధిలో నేను కాలం గడుపుతాను.
కీర్తనల గ్రంథము 116 : 10 (IRVTE)
నేను అలా మాట్లాడి నమ్మకం ఉంచాను. నేను చాలా బాధపడిన వాణ్ణి.
కీర్తనల గ్రంథము 116 : 11 (IRVTE)
నేను తొందరపడి ఏ మనిషీ నమ్మదగినవాడు కాదు, అనుకున్నాను.
కీర్తనల గ్రంథము 116 : 12 (IRVTE)
యెహోవా నాకు చేసిన ఉపకారాలన్నిటికీ నేనాయనకేమి చెల్లిస్తాను?
కీర్తనల గ్రంథము 116 : 13 (IRVTE)
రక్షణపాత్రను ఎత్తి పట్టుకుని యెహోవా నామంలో ప్రార్థన చేస్తాను.
కీర్తనల గ్రంథము 116 : 14 (IRVTE)
యెహోవాకు నా మొక్కుబళ్లు చెల్లిస్తాను. ఆయన ప్రజలందరి ఎదుటనే చెల్లిస్తాను.
కీర్తనల గ్రంథము 116 : 15 (IRVTE)
యెహోవా భక్తుల మరణం ఆయన దృష్టికి విలువ గలది.
కీర్తనల గ్రంథము 116 : 16 (IRVTE)
యెహోవా, నేను నిజంగా నీ సేవకుణ్ణి. నీ సేవకుణ్ణి, నీ సేవకురాలి కుమారుణ్ణి. నీవు నా కట్లు విప్పావు.
కీర్తనల గ్రంథము 116 : 17 (IRVTE)
నేను నీకు కృతజ్ఞత అర్పణలు అర్పిస్తాను. యెహోవా నామంలో ప్రార్థన చేస్తాను
కీర్తనల గ్రంథము 116 : 18 (IRVTE)
ఆయన ప్రజలందరి ఎదుటా యెహోవాకు నా మొక్కుబడులు తీరుస్తాను.
కీర్తనల గ్రంథము 116 : 19 (IRVTE)
యెహోవా మందిర ఆవరణాల్లో, యెరూషలేమా, నీ మధ్యనే నేను యెహోవాకు నా మొక్కుబడులు చెల్లిస్తాను. యెహోవాను స్తుతించండి.

1 2 3 4 5 6 7 8 9 10 11 12 13 14 15 16 17 18 19