కీర్తనల గ్రంథము 120 : 1 (IRVTE)
యాత్రల కీర్తన నా దీన స్థితిలో నేను యెహోవాను వేడుకున్నాను. ఆయన నా మొర ఆలకించాడు.
కీర్తనల గ్రంథము 120 : 2 (IRVTE)
యెహోవా, అబద్ధాలు పలికే పెదాల నుండి, మోసకరమైన నాలుక నుండి నన్ను కాపాడు.
కీర్తనల గ్రంథము 120 : 3 (IRVTE)
మోసకరమైన నాలుకా, ఆయన నీకేం చేస్తాడో, ఎలాంటి కీడు కలిగిస్తాడో తెలుసా?
కీర్తనల గ్రంథము 120 : 4 (IRVTE)
తంగేడు నిప్పుల వంటి బాణాలు, శూరులు ఎక్కుపెట్టిన పదునైన బాణాలు ఆయన నీ మీదికి వదులుతాడు.
కీర్తనల గ్రంథము 120 : 5 (IRVTE)
అయ్యో, నేను మెషెకు ప్రజల వద్ద విదేశీయునిగా ఉన్నాను. కేదారు గుడారాల దగ్గర నివసిస్తున్నాను.
కీర్తనల గ్రంథము 120 : 6 (IRVTE)
విరోధుల మధ్య నేను చాలాకాలం నుండి నివసిస్తున్నాను.
కీర్తనల గ్రంథము 120 : 7 (IRVTE)
నాకు కావలసింది శాంతి సమాధానాలే. అయినా నా నోటి వెంట మాట రాగానే వాళ్ళు నాతో యుద్ధానికి సిద్ధమవుతారు.
❮
❯