కీర్తనల గ్రంథము 19 : 1 (IRVTE)
ఆకాశాలు దేవుని మహిమను ప్రకటిస్తున్నాయి. గగనం ఆయన చేతి పనిని విశదపరుస్తున్నది! [QBR]
కీర్తనల గ్రంథము 19 : 2 (IRVTE)
రోజు వెంబడి రోజు అది మాట్లాడుతూ ఉంది. రాత్రి వెంబడి రాత్రి జ్ఞానం కనపరుస్తూ ఉంది. [QBR]
కీర్తనల గ్రంథము 19 : 3 (IRVTE)
వాటికి భాష గాని మాటలు గాని లేవు. వాటి స్వరం వినిపించదు. [QBR]
కీర్తనల గ్రంథము 19 : 4 (IRVTE)
అయినా వాటి మాటలు భూమి అంతటా వ్యాపించి ఉన్నాయి, వాటి ఉపదేశం భూమి అంచుల వరకూ వెళ్ళింది. వాటిలో ఆయన సూర్యుడికి గుడారం వేశాడు. [QBR]
కీర్తనల గ్రంథము 19 : 5 (IRVTE)
సూర్యుడు తన విడిదిలోనుంచి బయటకు వస్తున్న పెళ్లి కొడుకులాగా, పందెంలో పరిగెత్తడానికి వేగిరపడే దృఢకాయునిలాగా ఉన్నాడు. [QBR]
కీర్తనల గ్రంథము 19 : 6 (IRVTE)
ఆకాశంలో సూర్యుడు ఈ దిగంశాన ఉదయించి ఆ దిక్కుకు దాటతాడు. దాని వేడిని ఏదీ తప్పించుకోలేదు. [QBR]
కీర్తనల గ్రంథము 19 : 7 (IRVTE)
యెహోవా నియమించిన ధర్మశాస్త్రం పరిపూర్ణం, అది ప్రాణం తెప్పరిల్లేలా చేస్తుంది. యెహోవా శాసనాలు నమ్మదగినవి. అవి బుద్ధిహీనులకు జ్ఞానం ఇస్తాయి. [QBR]
కీర్తనల గ్రంథము 19 : 8 (IRVTE)
యెహోవా ఉపదేశాలు న్యాయమైనవి. అవి హృదయాన్ని సంతోషపరుస్తాయి. యెహోవా ఏర్పరచిన నిబంధన శాసనాలు స్వచ్ఛమైనవి. అవి కళ్ళను వెలిగిస్తాయి. [QBR]
కీర్తనల గ్రంథము 19 : 9 (IRVTE)
యెహోవా భయం స్వచ్ఛమైనది. అది నిత్యం నిలుస్తుంది. యెహోవా న్యాయవిధులు సత్యమైనవి, అవి పూర్తిగా న్యాయమైనవి. [QBR]
కీర్తనల గ్రంథము 19 : 10 (IRVTE)
అవి బంగారం కంటే మేలిమి బంగారం కంటే విలువ గలవి. తేనె కంటే, తేనెపట్టు నుండి జాలువారే ధారలకంటే తీయనైనవి. [QBR]
కీర్తనల గ్రంథము 19 : 11 (IRVTE)
వాటివల్ల నీ సేవకుడు హెచ్చరిక పొందుతాడు. వాటికి లోబడినందువల్ల గొప్ప ప్రతిఫలం ఉంటుంది. [QBR]
కీర్తనల గ్రంథము 19 : 12 (IRVTE)
తన పొరపాట్లు తాను తెలుసుకోగలిగే వారెవరు? దాచిన తప్పులనుంచి నన్ను శుద్ధి చెయ్యి. [QBR]
కీర్తనల గ్రంథము 19 : 13 (IRVTE)
దురహంకార పాపాల్లో పడకుండా నీ సేవకుణ్ణి కాపాడు. అవి నన్ను ఏలకుండా చెయ్యి. అప్పుడు నేను పరిపూర్ణుడిగా ఉంటాను. అనేక అతిక్రమాల విషయం నిర్దోషిగా ఉంటాను. [QBR]
కీర్తనల గ్రంథము 19 : 14 (IRVTE)
యెహోవా, నా ఆశ్రయశిలా, నా విమోచకా, నా నోటి మాటలు, నా హృదయ ధ్యానాలు నీ దృష్టికి అంగీకారం అవుతాయి గాక. [PE]
❮
❯