కీర్తనల గ్రంథము 29 : 1 (IRVTE)
దావీదు కీర్తన. బలవంతులారా, యెహోవాకు మహిమ, ప్రభావం ఉన్నాయని గుర్తించండి!
కీర్తనల గ్రంథము 29 : 2 (IRVTE)
యెహోవా నామానికి ఉన్న అర్హతనుబట్టి ఆయనకు మహిమ ఉందని గుర్తించండి. ఆయన మహిమకు తగిన వస్త్రాలు ధరించి ఆయనను ఆరాధించండి.
కీర్తనల గ్రంథము 29 : 3 (IRVTE)
యెహోవా స్వరం జలాలపై వినిపిస్తూ ఉంది. మహిమగల దేవుడు ఉరుముతున్నాడు. అనేక జలాలపై యెహోవా ఉరుముతున్నాడు.
కీర్తనల గ్రంథము 29 : 4 (IRVTE)
యెహోవా స్వరం బలమైనది, యెహోవా స్వరం ప్రభావం గలది.
కీర్తనల గ్రంథము 29 : 5 (IRVTE)
యెహోవా స్వరం దేవదారు వృక్షాలను విరిచి వేస్తుంది. యెహోవా లెబానోను దేవదారు వృక్షాలను ముక్కలుగా విరిచేస్తాడు.
కీర్తనల గ్రంథము 29 : 6 (IRVTE)
ఆయన లెబానోనును దూడలా గంతులు వేయిస్తాడు. ఆయన షిర్యోనును దున్నపెయ్యలాగా చేస్తాడు.
కీర్తనల గ్రంథము 29 : 7 (IRVTE)
యెహోవా స్వరం అగ్నిజ్వాలల్లాగా దాడి చేస్తుంది.
కీర్తనల గ్రంథము 29 : 8 (IRVTE)
యెహోవా స్వరం అరణ్యాన్ని కదిలిస్తుంది. యెహోవా కాదేషు అరణ్యాన్ని కదిలిస్తాడు.
కీర్తనల గ్రంథము 29 : 9 (IRVTE)
యెహోవా స్వరం ఆడ జింకలు ఈనేలా చేస్తుంది. అది అడవి బోడి అయిపోయేలా చేస్తుంది. కాని ఆయన ఆలయంలో ఉన్న వాళ్ళందరూ “మహిమ!” అంటారు.
కీర్తనల గ్రంథము 29 : 10 (IRVTE)
యెహోవా ప్రళయ జలాలపై సింహాసనం వేసుకుని కూర్చున్నాడు. శాశ్వతంగా యెహోవా రాజుగా కూర్చున్నాడు.
కీర్తనల గ్రంథము 29 : 11 (IRVTE)
యెహోవా తన ప్రజలకు బలం ఇస్తాడు, యెహోవా తన ప్రజలకు శాంతిని ఆశీర్వాదంగా ఇస్తాడు.
❮
❯