కీర్తనల గ్రంథము 30 : 1 (IRVTE)
యెహోవా, నేను నిన్ను ఘనపరుస్తాను. ఎందుకంటే, నా శత్రువులు నా మీద అతిశయించనియ్యకుండా నీవు పైకెత్తావు. [QBR]
కీర్తనల గ్రంథము 30 : 2 (IRVTE)
యెహోవా, నా దేవా, నేను నీకు మొరపెట్టాను. నువ్వు నన్ను స్వస్థపరిచావు. [QBR]
కీర్తనల గ్రంథము 30 : 3 (IRVTE)
యెహోవా, పాతాళం నుండి నా ప్రాణాన్ని లేవనెత్తావు. నేను సమాధికి వెళ్ళకుండా నన్ను బతికించావు. [QBR]
కీర్తనల గ్రంథము 30 : 4 (IRVTE)
యెహోవా భక్తులారా, ఆయన్ని కీర్తించండి. ఆయన పరిశుద్ధ నామాన్ని బట్టి ఆయనను స్తుతించండి. [QBR]
కీర్తనల గ్రంథము 30 : 5 (IRVTE)
ఆయన కోపం ఒక్క నిమిషమే ఉంటుంది. అయితే ఆయన దయ జీవిత కాలమంతా ఉంటుంది. రాత్రంతా దుఃఖం ఉన్నప్పటికీ ఉదయానికి సంతోషం కలుగుతుంది. [QBR]
కీర్తనల గ్రంథము 30 : 6 (IRVTE)
నేను భద్రంగా ఉన్నప్పుడు నన్నెవరూ కదిలించలేరు అనుకున్నాను. [QBR]
కీర్తనల గ్రంథము 30 : 7 (IRVTE)
యెహోవా, నీ దయతో నన్ను ఒక పర్వతంలాగా స్థిరంగా నిలబెట్టావు. అయితే నువ్వు నీ ముఖాన్ని దాచుకున్నప్పుడు నాలో కలవరం మొదలైంది. [QBR]
కీర్తనల గ్రంథము 30 : 8 (IRVTE)
యెహోవా, నీకే నేను మొరపెట్టాను, నా ప్రభువును బతిమాలుకున్నాను. [QBR]
కీర్తనల గ్రంథము 30 : 9 (IRVTE)
నేను చనిపోయి సమాధిలోకి దిగిపోతే ప్రయోజనం ఏముంది? మట్టి నిన్ను స్తుతిస్తుందా? నీ నమ్మకత్వాన్ని అది వివరిస్తుందా? [QBR]
కీర్తనల గ్రంథము 30 : 10 (IRVTE)
యెహోవా, ఆలకించి నన్ను కరుణించు. యెహోవా, నాకు సహాయం చెయ్యి. [QBR]
కీర్తనల గ్రంథము 30 : 11 (IRVTE)
నువ్వు నా దుఃఖాన్ని నాట్యంగా మార్చావు. నా గోనెపట్ట తీసివేసి, సంతోషాన్ని నాకు వస్త్రంగా ధరింపజేశావు. [QBR]
కీర్తనల గ్రంథము 30 : 12 (IRVTE)
అందుకే నా ప్రాణం మౌనంగా ఉండక, నీకు స్తుతులు పాడుతుంది. యెహోవా, నా దేవా, నేను నిన్ను ఎల్లకాలం స్తుతిస్తాను. [PE]
❮
❯