కీర్తనల గ్రంథము 50 : 1 (IRVTE)
శక్తిశాలి, దేవుడు అయిన యెహోవా ఆదేశిస్తున్నాడు. పొద్దు పొడిచే దిశ నుండి పొద్దు గుంకే దిశ వరకూ ఉన్న ప్రజలందర్నీ రమ్మని పిలుస్తున్నాడు. [QBR]
కీర్తనల గ్రంథము 50 : 2 (IRVTE)
పరిపూర్ణ సౌందర్యం అయిన సీయోనులో నుండి దేవుడు ప్రకాశిస్తున్నాడు. [QBR]
కీర్తనల గ్రంథము 50 : 3 (IRVTE)
మన దేవుడు వస్తున్నాడు. ఆయన మౌనంగా ఉండడు. ఆయనకు ముందుగా భీకర అగ్ని కబళించుకుంటూ వెళ్తుంది. ఆయన చుట్టూ ప్రచండ గాలులు వీస్తున్నాయి. [QBR]
కీర్తనల గ్రంథము 50 : 4 (IRVTE)
తన ప్రజలకు న్యాయం తీర్చడానికి ఆయన ఆకాశాలనూ భూమినీ పిలుస్తున్నాడు. [QBR]
కీర్తనల గ్రంథము 50 : 5 (IRVTE)
బలి అర్పణ ద్వారా నాతో నిబంధన చేసుకున్న నా విశ్వాస పాత్రులను నా దగ్గరకు సమకూర్చండి అని పిలుస్తున్నాడు. [QBR]
కీర్తనల గ్రంథము 50 : 6 (IRVTE)
ఆకాశాలు ఆయన నీతిని ప్రకటిస్తున్నాయి. ఎందుకంటే దేవుడు తానే న్యాయాధిపతిగా ఉన్నాడు. [QBR]
కీర్తనల గ్రంథము 50 : 7 (IRVTE)
నా ప్రజలారా, వినండి. నేను మాట్లాడతాను. నేను దేవుణ్ణి. మీ దేవుణ్ణి. [QBR]
కీర్తనల గ్రంథము 50 : 8 (IRVTE)
నీ బలుల విషయమై నేను నిన్ను నిందించడం లేదు. మీ దహనబలులు ఎప్పుడూ నా ఎదుటే ఉన్నాయి. [QBR]
కీర్తనల గ్రంథము 50 : 9 (IRVTE)
నీ ఇంటి నుండి ఎద్దునైనా, నీ మందలోని మేకపోతులనైనా నేను తీసుకోను. [QBR]
కీర్తనల గ్రంథము 50 : 10 (IRVTE)
ఎందుకంటే అడవిలో ఉన్న ప్రతి మృగమూ నాదే. వెయ్యి కొండలపై తిరుగాడే పశువులన్నీ నావే. [QBR]
కీర్తనల గ్రంథము 50 : 11 (IRVTE)
కొండల్లోని పక్షులన్నీ నాకు తెలుసు. పొలాల్లోని మృగాలు నా వశమే. [QBR]
కీర్తనల గ్రంథము 50 : 12 (IRVTE)
నాకు ఒకవేళ ఆకలివేస్తే అది నీకు చెప్పను. ఎందుకంటే ఈ ప్రపంచమంతా నాదే. భూమిలో ఉండేదంతా నాదే. [QBR]
కీర్తనల గ్రంథము 50 : 13 (IRVTE)
ఎద్దుల మాంసం నేను తింటానా? మేకల రక్తం తాగుతానా? [QBR]
కీర్తనల గ్రంథము 50 : 14 (IRVTE)
దేవునికి నీ కృతజ్ఞతార్పణ సమర్పించు. మహోన్నతుడికి నీ ప్రమాణాలను నెరవేర్చు. [QBR]
కీర్తనల గ్రంథము 50 : 15 (IRVTE)
సమస్యలు చుట్టుముట్టిన రోజున నాకు ప్రార్థించు. నేను నిన్ను కాపాడతాను. నువ్వు నన్ను కీర్తిస్తావు. [QBR]
కీర్తనల గ్రంథము 50 : 16 (IRVTE)
కానీ దుర్మార్గులతో దేవుడు ఇలా అంటున్నాడు. నా నియమాలను ప్రకటించడానికి నీకేం పని? నా నిబంధన నీ నోట పలకాల్సిన అవసరం ఏమిటి? [QBR]
కీర్తనల గ్రంథము 50 : 17 (IRVTE)
ఆదేశాలను నువ్వు అసహ్యించుకుంటావు. నా మాటలు పట్టించుకోకుండా తోసివేస్తావు. [QBR]
కీర్తనల గ్రంథము 50 : 18 (IRVTE)
నువ్వు దొంగను చూసి వాడితో ఏకీభవిస్తావు. వ్యభిచారం చేసే వాళ్ళతో కలుస్తావు. [QBR]
కీర్తనల గ్రంథము 50 : 19 (IRVTE)
ఎవరికైనా అపకారం తలపెట్టడానికి నోరు తెరుస్తావు. నీ నాలుక వంచన చేస్తుంది. [QBR]
కీర్తనల గ్రంథము 50 : 20 (IRVTE)
కూర్చుని నీ సోదరుడికి వ్యతిరేకంగా మాట్లాడుతావు. నీ స్వంత సోదరుడిపై అపనిందలు మోపుతావు. [QBR]
కీర్తనల గ్రంథము 50 : 21 (IRVTE)
నువ్వు ఇలాంటి పనులు చేస్తున్నా నేను మౌనంగానే ఉన్నాను. దాంతో నన్ను నీతో సమానంగా జమ కట్టావు. కానీ నేను నువ్వు చేసిన పనులన్నిటినీ నీ కళ్ళ ఎదుటికి తీసుకువస్తాను. నిన్ను గద్దిస్తాను. [QBR]
కీర్తనల గ్రంథము 50 : 22 (IRVTE)
దేవుణ్ణి మర్చిపోయే వాళ్ళు ఈ సంగతి ఆలోచించండి. లేదా నేను మిమ్మల్ని ముక్కలుగా చీల్చి వేస్తాను. మీకు సహాయం చేయడానికి ఎవరూ రారు. [QBR]
కీర్తనల గ్రంథము 50 : 23 (IRVTE)
కృతజ్ఞతార్పణ అర్పించే వాడు నన్ను స్తుతిస్తున్నాడు. తన ప్రయాణం సరైన మార్గంలో చేయాలని ఆలోచించే వాళ్లకు నేను దేవుని ముక్తిని చూపిస్తాను. [PE]
❮
❯