కీర్తనల గ్రంథము 6 : 1 (IRVTE)
యెహోవా, నీ కోపంలో నన్ను కసురుకోకు. నీ ఉగ్రతలో నన్ను శిక్షించకు. [QBR]
కీర్తనల గ్రంథము 6 : 2 (IRVTE)
యెహోవా, నేను నీరసంగా ఉన్నాను. నన్ను కరుణించు, యెహోవా, నా ఎముకలు వణుకుతున్నాయి, నన్ను స్వస్థపరచు. [QBR]
కీర్తనల గ్రంథము 6 : 3 (IRVTE)
నా ప్రాణం కూడా చాలా గాభరాగా ఉంది. యెహోవా, ఇది ఇంకెంత కాలం కొనసాగుతుంది? [QBR]
కీర్తనల గ్రంథము 6 : 4 (IRVTE)
యెహోవా, ఇక విడిచిపెట్టు. నా ఆత్మను విడిపించు. నీ నిబంధన నమ్మకత్వాన్ని బట్టి నన్ను రక్షించు. [QBR]
కీర్తనల గ్రంథము 6 : 5 (IRVTE)
మరణంలో ఎవరికీ నీ స్మృతి ఉండదు. పాతాళంలో నీకు కృతజ్ఞతలు ఎవరు చెల్లిస్తారు? [QBR]
కీర్తనల గ్రంథము 6 : 6 (IRVTE)
నేను మూలుగుతూ అలసిపోయాను. రాత్రంతా కన్నీటితో నా పరుపు నానిపోతున్నది. నా కన్నీళ్లతో నా పడకను తడిపేస్తున్నాను. [QBR]
కీర్తనల గ్రంథము 6 : 7 (IRVTE)
విచారంతో నా కళ్ళు మసకబారాయి. నా ప్రత్యర్థులందరి కారణంగా నా దృష్టి మందగించింది. [QBR]
కీర్తనల గ్రంథము 6 : 8 (IRVTE)
పాపం చేసే వాళ్ళంతా నా దగ్గరనుంచి తొలిగి పొండి. ఎందుకంటే యెహోవా నా రోదన ధ్వని విన్నాడు. [QBR]
కీర్తనల గ్రంథము 6 : 9 (IRVTE)
కరుణ కోసం నేను యెహోవాకు చేసుకున్న విన్నపం ఆయన ఆలకించాడు. యెహోవా నా ప్రార్థన అంగీకరించాడు. [QBR]
కీర్తనల గ్రంథము 6 : 10 (IRVTE)
నా శత్రువులందరూ సిగ్గుపడి విపరీతంగా కంగారు పడతారు. వాళ్ళు అకస్మాత్తుగా సిగ్గుపడి వెనక్కి తిరిగిపోతారు. [PE]
❮
❯