కీర్తనల గ్రంథము 66 : 1 (IRVTE)
ప్రధాన సంగీతకారుని కోసం సర్వలోకమా, దేవుని గూర్చి ఆనంద ధ్వనులు చెయ్యి. ఆయన బలమైన నామాన్ని కీర్తించండి.
కీర్తనల గ్రంథము 66 : 2 (IRVTE)
ఆయన నామానికి మహిమ ఆపాదించండి. ఆయనకు స్తోత్రాలు చెప్పండి.
కీర్తనల గ్రంథము 66 : 3 (IRVTE)
నీ కార్యాలు ఎంతో భీకరమైనవి. నీ మహా శక్తిని బట్టి నీ శత్రువులు నీకు లోబడతారు.
కీర్తనల గ్రంథము 66 : 4 (IRVTE)
లోకమంతా నీకు నమస్కరించి నిన్ను కీర్తిస్తుంది, నీ నామాన్నిబట్టి నిన్ను కీర్తిస్తుంది, అంటూ దేవుణ్ణి ఘనపరచండి. QSS సెలా.SE
కీర్తనల గ్రంథము 66 : 5 (IRVTE)
దేవుని ఆశ్చర్యకార్యాలు వచ్చి చూడండి. మనుషులకు ఆయన చేసే కార్యాలు చూసినప్పుడు ఆయన భీకరుడుగా ఉన్నాడు.
కీర్తనల గ్రంథము 66 : 6 (IRVTE)
ఆయన సముద్రాన్ని ఎండిన భూమిగా చేశాడు. ప్రజలు కాలినడకన నదిని దాటారు. అక్కడ ఆయనలో మేము సంతోషించాము.
కీర్తనల గ్రంథము 66 : 7 (IRVTE)
ఆయన తన పరాక్రమంతో శాశ్వతంగా ఏలుతాడు. ఆయన కళ్ళు అన్యజాతులను పరిశీలిస్తాయి. తిరుగుబాటుచేసే ప్రజలు తమలో తాము గర్వించవద్దు.
కీర్తనల గ్రంథము 66 : 8 (IRVTE)
జనాల్లారా, మా దేవుణ్ణి సన్నుతించండి. స్వరమెత్తి ఆయన కీర్తిని వినిపించండి.
కీర్తనల గ్రంథము 66 : 9 (IRVTE)
మా ప్రాణాలను జీవంతో నింపేది ఆయనే. ఆయన మా నడకలు స్థిరంగా ఉంచుతాడు.
కీర్తనల గ్రంథము 66 : 10 (IRVTE)
దేవా, నువ్వు మమ్మల్ని పరీక్షించావు. వెండిని పరీక్షించి నిర్మలం చేసినట్టు మమ్మల్ని పరీక్షకు గురిచేశావు.
కీర్తనల గ్రంథము 66 : 11 (IRVTE)
మమ్మల్ని ఒక వలలో ఇరుక్కునేలా చేశావు. మా నడుముల మీద పెద్ద బరువు పెట్టావు.
కీర్తనల గ్రంథము 66 : 12 (IRVTE)
మనుషులు మా మీద ఎక్కి స్వారీ చేస్తున్నారు. మేము నిప్పులగుండా నీళ్ళ గుండా నడిచి వెళ్ళాం. అయినా నువ్వు మమ్మల్ని విశాలమైన స్థలానికి రప్పించావు.
కీర్తనల గ్రంథము 66 : 13 (IRVTE)
దహనబలులతో నేను నీ మందిరంలోకి వస్తాను.
కీర్తనల గ్రంథము 66 : 14 (IRVTE)
నేను బాధల్లో ఉన్నప్పుడు నా పెదాలు, నా నోరు ప్రమాణం చేసిన మొక్కుబడులు నేను నీకు అర్పిస్తాను.
కీర్తనల గ్రంథము 66 : 15 (IRVTE)
పొట్టేళ్ల హోమం ఘుమఘుమలతో కొవ్విన జంతువులను నీకు దహనబలిగా అర్పిస్తాను. ఎద్దులను, పోతుమేకలను అర్పిస్తాను.
కీర్తనల గ్రంథము 66 : 16 (IRVTE)
దేవునిలో భయభక్తులు గలవారంతా వచ్చి వినండి, ఆయన నా కోసం చేసిన కార్యాలు నేను వినిపిస్తాను.
కీర్తనల గ్రంథము 66 : 17 (IRVTE)
ఆయనకు నేను మొరపెట్టాను. అప్పుడే నా నాలుక ఆయన్ని కీర్తించింది.
కీర్తనల గ్రంథము 66 : 18 (IRVTE)
నేను నా హృదయంలో పాపాన్ని ఉంచుకుంటే ప్రభువు నా మనవి అంగీకరించడు.
కీర్తనల గ్రంథము 66 : 19 (IRVTE)
కానీ దేవుడు నా మనవి అంగీకరించాడు. ఆయన నా విన్నపాన్ని ఆలకించాడు.
కీర్తనల గ్రంథము 66 : 20 (IRVTE)
దేవుడు నా ప్రార్థనను తోసిపుచ్చలేదు, నా నుండి తన కృపను తీసివేయలేదు. ఆయనకు స్తుతి కలుగు గాక.

1 2 3 4 5 6 7 8 9 10 11 12 13 14 15 16 17 18 19 20