కీర్తనల గ్రంథము 77 : 1 (IRVTE)
ప్రధాన సంగీతకారుని కోసం, యెదూతూను అనే రాగంలో పాడేది. ఆసాపు కీర్తన. నేను బిగ్గరగా దేవునికి మొరపెడతాను, నేను దేవుణ్ణి పిలుస్తాను, నా దేవుడు నా మాట వింటాడు.
కీర్తనల గ్రంథము 77 : 2 (IRVTE)
నా కష్ట సమయంలో నేను ప్రభువును వెతికాను. రాత్రంతా నేను నా చేతులెత్తి ప్రార్థించాను, నా ప్రాణం ఓదార్పు పొందడం లేదు.
కీర్తనల గ్రంథము 77 : 3 (IRVTE)
నా వేదనలో నేను దేవుణ్ణి గుర్తు చేసుకున్నాను, నీరసించిపోయి నేను ఆయన్ని గుర్తుకు తెచ్చుకున్నాను. QSS సెలా SE
కీర్తనల గ్రంథము 77 : 4 (IRVTE)
నువ్వు నా కళ్ళు తెరచి ఉంచుతున్నావు. నేను మాట్లాడలేనంతగా కలవరపడుతున్నాను.
కీర్తనల గ్రంథము 77 : 5 (IRVTE)
గతించిన రోజులనూ గత కాలాన్నీ గురించి ఆలోచించాను,
కీర్తనల గ్రంథము 77 : 6 (IRVTE)
ఒకప్పుడు నేను పాడిన పాట రాత్రివేళ గుర్తుకు తెచ్చుకున్నాను. నేను జాగ్రత్తగా నా హృదయంలో ఆలోచించాను. ఏం జరిగిందో అర్థం చేసుకోవడానికి ప్రయత్నించాను.
కీర్తనల గ్రంథము 77 : 7 (IRVTE)
ప్రభువు శాశ్వతంగా నన్ను తోసివేస్తాడా? ఆయన ఇంకెన్నటికీ మళ్ళీ నా మీద దయ చూపడా?
కీర్తనల గ్రంథము 77 : 8 (IRVTE)
ఆయన కృప ఎప్పటికీ రాదా? ఆయన వాగ్దానం ఎప్పటికీ నేరవేరదా?
కీర్తనల గ్రంథము 77 : 9 (IRVTE)
దేవుడు కనికరించడం మరచిపోయాడా? ఆయన కోపం దయకు అడ్డుపడిందా? QSS సెలా SE
కీర్తనల గ్రంథము 77 : 10 (IRVTE)
ఇది నా బాధ. మా పట్ల సర్వశక్తుని కుడి చెయ్యి మారుతూ ఉంది, అని నేనన్నాను.
కీర్తనల గ్రంథము 77 : 11 (IRVTE)
అయితే యెహోవా, గతంలోని నీ అద్భుత క్రియలను నేను గుర్తుకు తెచ్చుకుంటాను.
కీర్తనల గ్రంథము 77 : 12 (IRVTE)
నీ పనులన్నిటినీ నేను తలంచుకుంటాను. వాటిని మననం చేసుకుంటాను.
కీర్తనల గ్రంథము 77 : 13 (IRVTE)
దేవా! నీ మార్గం పవిత్రం. మన గొప్ప దేవునికి సాటి అయిన దేవుడెవరు?
కీర్తనల గ్రంథము 77 : 14 (IRVTE)
నువ్వు అద్భుతాలు చేసే దేవుడివి, ప్రజా సమూహాల్లో నువ్వు నీ ప్రభావాన్ని ప్రత్యక్షపరచావు.
కీర్తనల గ్రంథము 77 : 15 (IRVTE)
నీ గొప్ప బలంతో నీ ప్రజలకు-యాకోబు యోసేపుల సంతతికి విజయాన్నిచ్చావు. QSS సెలా SE
కీర్తనల గ్రంథము 77 : 16 (IRVTE)
దేవా, నీళ్ళు నిన్ను చూశాయి, నీళ్ళు నిన్ను చూసి భయపడ్డాయి, అగాధంలోని నీళ్ళు వణికిపోయాయి.
కీర్తనల గ్రంథము 77 : 17 (IRVTE)
మబ్బులు నీళ్లు కుమ్మరించాయి, ఆకాశం గర్జించింది, నీ బాణాలు రివ్వున ఎగిశాయి.
కీర్తనల గ్రంథము 77 : 18 (IRVTE)
నీ ఉరుముల మోత సుడిగాలిలో మోగింది. మెరుపులు లోకాన్ని వెలిగించాయి. భూమి వణికి కంపించింది.
కీర్తనల గ్రంథము 77 : 19 (IRVTE)
సముద్రంలో నీ దారి వెళ్ళింది. ప్రవాహాల్లోగుండా నీ దారి మళ్ళింది. అయితే నీ కాలిముద్రలు కనబడలేదు.
కీర్తనల గ్రంథము 77 : 20 (IRVTE)
మోషే అహరోనుల ద్వారా నీ ప్రజలను మందలాగా నడిపించావు.

1 2 3 4 5 6 7 8 9 10 11 12 13 14 15 16 17 18 19 20