కీర్తనల గ్రంథము 92 : 1 (IRVTE)
విశ్రాంతి దినం కోసం పాట, ఒక కీర్తన. యెహోవాకు కృతజ్ఞతలు చెప్పడం, మహోన్నతుడా, నీ నామానికి స్తుతి పాడడం మంచిది.
కీర్తనల గ్రంథము 92 : 2 (IRVTE)
ఉదయాన నీ కృపను ప్రతి రాత్రీ నీ విశ్వసనీయతను తెలియజేయడం మంచిది.
కీర్తనల గ్రంథము 92 : 3 (IRVTE)
పది తీగల వాయిద్యంతో, సితారా మాధుర్యంతో స్తుతించడం మంచిది.
కీర్తనల గ్రంథము 92 : 4 (IRVTE)
ఎందుకంటే యెహోవా, నీ పనులతో నువ్వు నన్ను సంతోషపరుస్తున్నావు. నీ చేతిపనులబట్టి నేను ఆనందంగా పాడతాను.
కీర్తనల గ్రంథము 92 : 5 (IRVTE)
యెహోవా, నీ పనులు ఘనమైనవి! నీ ఆలోచనలు ఎంతో లోతైనవి.
కీర్తనల గ్రంథము 92 : 6 (IRVTE)
పశుప్రాయులకు ఇవేమీ తెలియదు. తెలివిలేనివాడు అర్థం చేసుకోలేడు.
కీర్తనల గ్రంథము 92 : 7 (IRVTE)
దుర్మార్గులు పచ్చని గడ్డి మొక్కల్లాగా మొలిచినా చెడ్డపనులు చేసే వాళ్ళంతా వర్ధిల్లినా నిత్యనాశనానికే గదా!
కీర్తనల గ్రంథము 92 : 8 (IRVTE)
అయితే యెహోవా, నువ్వే శాశ్వతంగా పరిపాలిస్తావు.
కీర్తనల గ్రంథము 92 : 9 (IRVTE)
యెహోవా, నీ శత్రువులను చూడు, చెడ్డపనులు చేసే వాళ్ళంతా చెదరిపోతారు.
కీర్తనల గ్రంథము 92 : 10 (IRVTE)
అడవి దున్న కొమ్ముల్లాగా* కొమ్ముల్లాగా బలం నువ్వు నా కొమ్ము పైకెత్తావు. కొత్త నూనెతో నన్ను అభిషేకించావు.
కీర్తనల గ్రంథము 92 : 11 (IRVTE)
నా శత్రువుల అధోగతిని నా కన్నులు చూశాయి. దుష్టులైన నా విరోధుల పతనం నా చెవులు విన్నాయి.
కీర్తనల గ్రంథము 92 : 12 (IRVTE)
నీతిమంతులు ఖర్జూర చెట్టులాగా అభివృద్ధి చెందుతారు. లెబానోనులోని దేవదారు చెట్టులాగా వాళ్ళు ఎదుగుతారు.
కీర్తనల గ్రంథము 92 : 13 (IRVTE)
వాళ్ళు యెహోవా ఇంటిలో నాటుకుని ఉంటారు. వాళ్ళు మన దేవుని ఆవరణాల్లో వర్ధిల్లుతారు.
కీర్తనల గ్రంథము 92 : 14 (IRVTE)
యెహోవా యథార్థవంతుడని తెలియచేయడం కోసం వాళ్ళు ముసలితనంలో కూడా ఫలిస్తారు. తాజాగా పచ్చగా ఉంటారు.
కీర్తనల గ్రంథము 92 : 15 (IRVTE)
ఆయనే నా ఆధార శిల, ఆయనలో ఎలాంటి అన్యాయమూ లేదు.
❮
❯
1
2
3
4
5
6
7
8
9
10
11
12
13
14
15