కీర్తనల గ్రంథము 29 : 1 (TEV)
దైవపుత్రులారా, యెహోవాకు ఆరోపించుడి ప్రభావ మహాత్మ్యములను యెహోవాకు ఆరోపించుడి
కీర్తనల గ్రంథము 29 : 2 (TEV)
యెహోవా నామమునకు చెందవలసిన ప్రభావమును ఆయనకు ఆరోపించుడి ప్రతిష్ఠితములగు ఆభరణములను ధరించుకొని ఆయన యెదుట సాగిలపడుడి.
కీర్తనల గ్రంథము 29 : 3 (TEV)
యెహోవా స్వరము జలములమీద వినబడుచున్నది మహిమగల దేవుడు ఉరుమువలె గర్జించుచున్నాడు. మహాజలములమీద యెహోవా సంచరించుచున్నాడు.
కీర్తనల గ్రంథము 29 : 4 (TEV)
యెహోవా స్వరము బలమైనది యెహోవా స్వరము ప్రభావము గలది.
కీర్తనల గ్రంథము 29 : 5 (TEV)
యెహోవా స్వరము దేవదారు వృక్షములను విరచును యెహోవా లెబానోను దేవదారు వృక్షములను ముక్కలుగా విరచును.
కీర్తనల గ్రంథము 29 : 6 (TEV)
దూడవలె అవి గంతులు వేయునట్లు ఆయన చేయును లెబానోనును షిర్యోనును గురుపోతు పిల్లవలె గంతులు వేయునట్లు ఆయన చేయును.
కీర్తనల గ్రంథము 29 : 7 (TEV)
యెహోవా స్వరము అగ్నిజ్వాలలను ప్రజ్వలింప జేయుచున్నది.
కీర్తనల గ్రంథము 29 : 8 (TEV)
యెహోవా స్వరము అరణ్యమును కదలించును యెహోవా కాదేషు అరణ్యమును కదలించును
కీర్తనల గ్రంథము 29 : 9 (TEV)
యెహోవా స్వరము లేళ్ళను ఈనజేయును అది ఆకులు రాల్చును. ఆయన ఆలయములో నున్నవన్నియు ఆయనకే ప్రభా వము అనుచున్నవి.
కీర్తనల గ్రంథము 29 : 10 (TEV)
యెహోవా ప్రళయజలములమీద ఆసీనుడాయెను యెహోవా నిత్యము రాజుగా ఆసీనుడైయున్నాడు.
కీర్తనల గ్రంథము 29 : 11 (TEV)
యెహోవా తన ప్రజలకు బలము ననుగ్రహించును యెహోవా తన ప్రజలకు సమాధానము కలుగజేసి వారి నాశీర్వదించును.
❮
❯