కీర్తనల గ్రంథము 49 : 1 (TEV)
సర్వజనులారా ఆలకించుడి.
కీర్తనల గ్రంథము 49 : 2 (TEV)
సామాన్యులేమి సామంతులేమి ధనికులేమి దరిద్రులేమి లోకనివాసులారా, మీరందరు ఏకముగా కూడి చెవి యొగ్గుడి. నా నోరు విజ్ఞానవిషయములను పలుకును
కీర్తనల గ్రంథము 49 : 3 (TEV)
నా హృదయధ్యానము పూర్ణవివేకమును గూర్చినదై యుండును.
కీర్తనల గ్రంథము 49 : 4 (TEV)
గూఢార్థముగలదానికి నేను చెవియొగ్గెదను సితారా తీసికొని నా మరుగు మాట బయలుపరచె దను.
కీర్తనల గ్రంథము 49 : 5 (TEV)
నాకొరకు పొంచువారి దోషకృత్యములు నన్ను చుట్టు కొనినప్పుడు ఆపత్కాలములలో నేనేల భయపడవలెను?
కీర్తనల గ్రంథము 49 : 6 (TEV)
తమ ఆస్తియే ప్రాపకమని నమి్మ తమ ధన విస్తారతనుబట్టి పొగడుకొనువారికి నేనేల భయపడవలెను?
కీర్తనల గ్రంథము 49 : 7 (TEV)
ఎవడును ఏ విధముచేతనైనను తన సహోదరుని విమో చింపలేడు
కీర్తనల గ్రంథము 49 : 8 (TEV)
వాడు కుళ్లు చూడక నిత్యము బ్రతుకునట్లు వాని నిమిత్తము దేవుని సన్నిధిని ప్రాయశ్చిత్తము చేయగలవాడు ఎవడును లేడు
కీర్తనల గ్రంథము 49 : 9 (TEV)
వారి ప్రాణవిమోచన ధనము బహు గొప్పది అది ఎన్నటికిని తీరక అట్లుండవలసినదే.
కీర్తనల గ్రంథము 49 : 10 (TEV)
జ్ఞానులు చనిపోదురను సంగతి అతనికి కనబడకుండ పోదు మూర్ఖులును పశుప్రాయులును ఏకముగా నశింతురు.
కీర్తనల గ్రంథము 49 : 11 (TEV)
వారు తమ ఆస్తిని ఇతరులకు విడిచిపెట్టుదురు తమ యిండ్లు నిరంతరము నిలుచుననియు తమ నివాసములు తరతరములకు ఉండుననియు వారను కొందురు తమ భూములకు తమ పేళ్లు పెట్టుదురు.
కీర్తనల గ్రంథము 49 : 12 (TEV)
ఘనతవహించినవాడైనను మనుష్యుడు నిలువజాలడు వాడు నశించుమృగములను పోలినవాడు.
కీర్తనల గ్రంథము 49 : 13 (TEV)
స్వాతిశయ పూర్ణులకును వారి నోటిమాటనుబట్టి వారి ననుసరించువారికిని ఇదే గతి.
కీర్తనల గ్రంథము 49 : 14 (TEV)
వారు పాతాళములో మందగా కూర్చబడుదురు మరణము వారికి కాపరియై యుండును ఉదయమున యథార్థవంతులు వారి నేలుదురు వారి స్వరూపములు నివాసములేనివై పాతాళములో క్షయమైపోవును.
కీర్తనల గ్రంథము 49 : 15 (TEV)
దేవుడు నన్ను చేర్చుకొనును పాతాళ బలములోనుండి ఆయన నా ప్రాణమును విమోచించును.(సెలా.)
కీర్తనల గ్రంథము 49 : 16 (TEV)
ఒకడు ధనసంపన్నుడైనప్పుడు వాని యింటి ఘనత విస్తరించునప్పుడు భయపడకుము.
కీర్తనల గ్రంథము 49 : 17 (TEV)
వాడు చనిపోవునప్పుడు ఏమియు కొనిపోడు వాని ఘనత వానివెంట దిగదు.
కీర్తనల గ్రంథము 49 : 18 (TEV)
నీకు నీవే మేలు చేసికొంటివని మనుష్యులు నిన్ను స్తుతించినను తన జీవితకాలమున నొకడు తన్ను పొగడుకొనినను
కీర్తనల గ్రంథము 49 : 19 (TEV)
అతడు తన పితరుల తరమునకు టొరవలెను వారు మరి ఎన్నడును వెలుగు చూడరు.
కీర్తనల గ్రంథము 49 : 20 (TEV)
ఘనత నొంది యుండియు బుద్ధిహీనులైనవారు నశించు జంతువులను పోలియున్నారు.
❮
❯