1. {హన్నా కృతజ్ఞతలు} [PS] హన్నా దేవుని ఇలా కీర్తించెను: “నా హృదయం దేవునిలో పరవశించి పోతూవుంది. [QBR2] నా దేవుని ద్వారా నాకు బలము కలిగెను. [QBR] నా శత్రువులను నేను పరిహసించగలను. [QBR2] నా విజయానికి మురిసిపోతున్నాను. [QBR]
2. యెహోవా వంటి మరో పరిశుద్ధ దేవుడు లేడు. [QBR2] నీవు తప్ప మరో దేవుడు లేడు! [QBR2] మన దేవుని వంటి బండ [*బండ ఇది దేవునికి ఒక పేరు. “దుర్గం” అని “భద్రతా స్థలం” అని ఇది సూచిస్తుంది.] మరొకడు లేడు. [QBR]
3. ఇక డంబాలు పలుకవద్దు! [QBR] గర్వపు మాటలు కట్టి పెట్టండి! [QBR2] ఎందువల్లనంటే యెహోవా దేవునికి అంతా తెలుసు దేవుడు మనుష్యులను నడిపిస్తాడు, [QBR] వారికి తీర్పు తీరుస్తాడు. [QBR]
4. మహా బలశాలుల విల్లులు విరిగిపోతాయి! [QBR2] బలహీనులు బలవంతులవుతారు! [QBR]
5. ఇది వరకు సమృద్ధిగా భోజనం ఉన్నావారు [QBR2] భోజనం కోసం పని చేయాలి ఇప్పుడు [QBR] కాని ఇదివరకు ఆకలితో కుమిలేవారికి [QBR2] ఇప్పుడు సమృద్ధిగా భోజనం! [QBR] గొడ్రాలుకు ఏడుగురు పిల్లలు! [QBR2] సంతానవతికి పుత్రనాశనంతో దుఃఖపాటు. [QBR]
6. యెహోవా జనన మరణ కారకుడు! [QBR] దేవుడు నరులను చావుగోతికి తోసివేయ గలడు. [QBR2] ఆయన వారిని మరల బతికించగలడు. [QBR]
7. యెహోవా కొందరిని పేద వారిగా చేస్తాడు, [QBR2] మరికొందరిని ధనవంతులుగా చేస్తాడు. [QBR] పతనానికీ, ఉన్నతికీ కారకుడు యెహోవాయే. [QBR]
8. మట్టిలో ఉండే వారిని యెహోవా ఉన్నతికి తీసుకొని వస్తాడు ఆయన వారి దుఃఖాన్ని నిర్ములిస్తాడు. [QBR2] యెహోవా పేదవారిని ప్రముఖులుగా చేస్తాడు. [QBR] యువ రాజుల సరసన కూర్చుండబెడ్తాడు. [QBR2] యెహోవా వారిని ఘనులతో బాటు ఉన్న తాసీనులను చేస్తాడు. [QBR] పునాదుల వరకూ ఈ సర్వజగత్తూ యెహోవాదే! [QBR2] యెహోవా ఈ జగత్తును ఆ పునాదులపై నిలిపాడు. [QBR]
9. యెహోవా తన పరిశుద్ధ ప్రజలను కాపాడుతాడు. [QBR2] వారు పడిపోకుండా ఆయన వారిని కాపాడుతాడు. [QBR] కాని దుష్టులు నాశనం చేయబడతారు. [QBR2] వారు అంధకారంలో పడిపోతారు. [QBR] వారి శక్తి, వారు జయించేందుకు తోడ్పడదు. [QBR]
10. యెహోవా తన శత్రువులను నాశనం చేస్తాడు. [QBR2] సర్వోన్నతుడైన దేవుడు ప్రజల గుండెలదిరేలా పరలోకంలో గర్జిస్తాడు. [QBR] సర్వలోకానికీ యెహోవా తీర్పు ఇస్తాడు! [QBR2] యెహోవా తన రాజుకు శక్తి ఇస్తాడు. [QBR2] ఆయన నియమించిన రాజును బలవంతునిగా చేస్తాడు.” [PS]
11. తరువాత ఎల్కానా తన కుటుంబంతో కలిసి రామాలో తన ఇంటికి వెళ్లిపోయాడు. బాలుడు మాత్రం యాజకుడైన ఏలీ పర్యవేక్షణలో షిలోహులో యెహోవా సేవలో వుండిపోయాడు. ఏలీ దుష్ట సంతానం-హొఫ్నీ, ఫీనెహాసు [PS]
12. ఏలీ కుమారులు చెడ్డవారు. వారు యెహోవాను లక్ష్యపెట్టలేదు.
13. యాజకులు ప్రజల పట్ల ఎలా ప్రవర్తించాలో వారు చింత చేయలేదు. ప్రజలు వచ్చినప్పుడు యాజకులు ఇలా చేయాలి. ఒక వ్యక్తి బలి ఇచ్చిన ప్రతిసారీ ఆ మాంసాన్ని యాజకుడు ఒక కుండలో ఉడకబెట్టాలి. అప్పుడు యాజకుని సేవకుడు మూడు మొనలు గల ఒక కొంకి గరిటెతో రావాలి.
14. యాజకుని సేవకుడు గరిటెను ఉడుకుతోన్న బాణలిలో గుచ్చి తీయాలి. అప్పుడా గరిటె కొనలకు పట్టుకొని ఎంత మాంసం వస్తుందో అది మాత్రం యాజకునికి చెందుతుంది. బలులు ఇవ్వటానికి షిలోహుకు వచ్చిన ఇశ్రాయేలు ప్రజలకు యాజకులు చేయవలసిన విధి ఇదే.
15. కాని ఏలీ కుమారులు ఆ పద్ధతిని పాటించలేదు. కొవ్వును బలిపీఠం మీద దహించక మునుపే వారి సేవకులు బలులు ఇచ్చేవారి వద్దకు వెళ్లి “యాజకుని వంటకానికై కొంత మాంసం ఇవ్వమనీ, ఉడుకబెట్టిన మాంసం మీనుండి ఆయన తీసుకోడని అనేవారు.” [PE][PS]
16. అయితే బలి ఇచ్చే వ్యక్తి గనుక కొవ్వును యధావిధిగా, “ముందు దహించిన తరువాత మీ ఇష్టం వచ్చినంత తీసుకోమని” అంటే యాజకుని సేవకుడు ఒప్పుకొనేవాడు కాదు. “అలా కాదు, ముందుగా మాంసం ఇవ్వండి. మీరు నాకు ఇవ్వక పోతే, బలవంతాన తీసుకోవలసి వస్తుంది!” అని బదులు చెప్పేవాడు. [PE][PS]
17. ఈ విధంగా, యెహోవాకు అర్పించబడిన అర్పణలను వారు లక్ష్యపెట్టలేదని హొఫ్నీ, ఫీనెహాసులు వ్యక్తం చేసారు. ఇది చాలా చెడ్డపాపం. [PE][PS]
18. కానీ సమూయేలు యెహోవాను సేవించాడు. సమూయేలు ఏఫోదు [†ఏఫోదు యాజకుడని లేక యాజకుని సహాయకుడని తెలిపేందుకు వారు ధరించే ఒక ప్రత్యేక అంగీ.] ధరించిన ఒక బాల సహాయకుడు.
19. ప్రతి సంవత్సరం సమూయేలు తల్లి అతనికై ఒక చిన్న అంగీ తయారుచేసి, తన భర్తతో షిలోహుకు బలి అర్పించేందుకు వెళ్లినపుడు ఆ అంగీని సమూయేలు కొరకు తీసుకొని వెళ్లేది. [PE][PS]
20. ఎల్కానాను, అతని భార్యను ఏలీ ఆశీర్వదించేవాడు: “హన్నా ప్రార్థన ఫలితంగా పుట్టిన వానిని మరల యెహోవా సేవకై ఇచ్చారు గనుక అతని స్థానాన్ని భర్తీ చేసే విధంగా హన్నాద్వారా యెహోవా మీకు పిల్లలను కలుగజేయుగాక.” [PE][PS] తర్వాత ఎల్కానా, హన్నా ఇంటికి వెళ్లిపోయారు.
21. దేవుని అనుగ్రహం వల్ల హన్నాకు క్రమేపీ ముగ్గురు కుమారులు, ఇద్దరు కుమార్తెలు కలిగారు. బాలకుడైన సమూయేలు యెహోవా ఆలయములో దినదినము మంచి స్థితికి ఎదుగు చుండెను. [PS]
22. {కుమారుల విషయంలో ఏలీ అసమర్థత} [PS] ఏలీ చాలా వృద్ధుడై పోయాడు. షిలోహుకు వచ్చే ఇశ్రాయేలీయులందరి యెడల తన కుమారులు చేస్తున్న పనులను గూర్చి అతడు నిరంతరం వింటూనే వున్నాడు. పైగా సన్నిధి గుడారపు ద్వారం వద్ద పరిచర్యలు చేసే స్త్రీలతో తన కుమారులు శయనిస్తున్నారని కూడా ఏలీ విన్నాడు. [PE][PS]
23. ఏలీ తన కుమారులతో, “మీరు చేసిన చెడ్డ కార్యాలను గూర్చి ఇక్కడ ప్రజలు నాతో చెప్పారు. మీరెందుకు ఈ చెడ్డపనులు చేస్తున్నారు?
24. నా కుమారులారా, ఈ చెడ్డపనులు చేయకండి. యెహోవా ప్రజలు మీ గురించి చెడుగా చెప్పుకుంటున్నారు.
25. ఒక వ్యక్తి మరో వ్యక్తి పట్ల అపచారం చేస్తే, దేవుడు ఒక వేళ అతనికి సహాయం చేయవచ్చు. అయితే ఒక వ్యక్తి యోహవా పట్ల అపచారం చేస్తే ఇక వానికి దిక్కెవరు?” అని అడిగాడు. [PE][PS] అయినా ఏలీ కుమారులు తండ్రి సలహాను లెక్కచేయలేదు; కాబట్టి యెహోవా ఏలీ కుమారులను చంపటానికి నిర్ణయించాడు. [PE][PS]
26. బాలుడైన సమూయేలు మాత్రం దేవుని దయదయందును, మనుష్యుల దయయందును పెరుగుతూ వచ్చాడు. [PS]
27. {ఏలీ కుటుంబ విషయంలో భయంకర ప్రవచనం} [PS] దేవుని మనిషి [‡దేవుని మనిషి ప్రజలతో మాట్లాడేందుకు దేవుడు పంపిన మనిషి — ఒక ప్రవక్త.] ఒకడు ఏలీ వద్దకు వచ్చాడు. ఆ దేవుని మనిషి ఇలా చెప్పాడు “ఈజిప్టు దేశంలో నీ పూర్వీకులు ఫరో ఇంటిలో బానిసలుగా ఉన్నప్పుడు వారికి నేను ప్రత్యక్షమయ్యాను.
28. ఇశ్రాయేలులో వున్న నీ పూర్వీకుని కుటుంబాన్ని నేను ఎన్నుకున్నాను. వారిని యాజకులుగా నియమించాను. నా బలిపీఠం వద్దకు వెళ్లి ధూపం వేయటానికి వారు ప్రత్యేక ఏఫోదు ధరించేలా కోరుకున్నాను. నీ తండ్రి కుటుంబీకులు ఇశ్రాయేలు ప్రజలు అర్పించిన బలి మాంసాన్ని తీసుకునేలాగున చేశాను.
29. అయితే నీవు బలులను, కాను కలను ఎందువలన గౌరవించుట లేదు? నీవు నాకంటే నీ కుమారులనే ఎక్కువ గౌరవిస్తున్నావు. నా కొరకు ఇశ్రాయేలు ప్రజలు తెచ్చిన మాంసాది అర్పణలలో మంచి వాటిని సంగ్రహించి క్రొవ్వెక్కి వున్నావు.” [PE][PS]
30. ఆ దేవుని మనిషి ఇంకా ఇలా అన్నాడు: “ఇశ్రాయేలీయుల దేవుడైన యోహోవా నీ కుటుంబీకులు, నీ తండ్రి కుటుంబీకులు ఆయనను శాశ్వతంగా సేవించే విధంగా అనుగ్రహించాడు. కాని యెహోవా ఇప్పుడిలా సెలవిస్తున్నాడు: ‘అది ఇంక ఎన్నటికీ జరుగదు! నన్ను సేవించే వారినే నేను గౌరవిస్తాను. నన్ను సేవించుటకు నిరాకరించే వారికి అనేక కష్ట నష్టాలు సంభవిస్తాయి.
31. మీ సంతానమంతటినీ నేను నాశనం చేసే సమయమాసన్నమవుతూ ఉంది. అప్పుడు నీ కుటుంబంలో పెరిగి పెద్దవారై ముసలితనాన్ని చూచువాడు ఒక్కడూ ఉండడు.
32. ఇశ్రాయేలు ప్రజలకు మంచి జరుగుతూ ఉండగా, నీ ఇంటి వద్ద మాత్రం కీడు జరుగుతూ ఉంటుంది. [§యింటి … ఉంటుంది ఈ వాక్య భాగం ప్రాచీన గ్రీకు అనువాదంలో లేదు.] నీ కుటుంబంలో మాత్రం ముసలి వాడొకడును ఉండడు.
33. ఒక్కడిని మాత్రం నా బలి పీఠం వద్ద యాజకునిగా సేవచేయటానికి రక్షిస్తాను. కాని, అతడు మాత్రం యాజకునిగా తన కళ్లు మందగించి, బలం ఉడిగి పోయేంత వరకు జీవిస్తాడు. నీ సంతానం వారంతా కత్తివేటుకు బలైపోతారు.
34. నేను చెప్పినవన్నీ నిజమవబోతున్నట్లుగా నీకు ఒక నిదర్శనం ఇస్తున్నాను. నీ ఇరువురు కుమారులైన హొఫ్నీ మరియు ఫీనెహాసు ఒకే రోజు మరణిస్తారు.
35. నాకై నేనే ఒక నమ్మకమైన యాజకుని ఎంచుకుంటాను. ఈ యాజకుడు నేను చెప్పినట్లు విని, నా మాట ప్రకారం చేస్తాడు. ఈ యాజకుని వంశాన్ని నేను స్థిరపరుస్తాను. నేను అభిషిక్తునిగా చేసిన రాజు ఎదుట ఇతడు నా సేవ చేస్తాడు.
36. నీ వంశంలో మిగిలిన వాళ్లంతా ఈ యాజకుని ఎదుట వంగి కొంచెం రొట్టె కోసం లేక కొద్దిగా డబ్బుకోసం దీనంగా ఆశిస్తారు. “మాకు భోజనానికి ఆహారం ఉండేలా మాకు యాజకులుగా ఉద్యోగం ఇప్పించమని అడుగుతారు.’ ” [PE]