1. {బబలోనుకు దేవుని సందేశం} [PS] “కల్దీయుల కుమారీ, కన్యకా [QBR2] మట్టిలో పడి, అక్కడే కూర్చో. నేల మీద కూర్చో. [QBR2] ఇప్పుడు నీవు పరిపాలించటం లేదు. [QBR] ప్రజలు ఇంక నిన్ను చక్కనిదానా అని అందగత్తె అని పిలువరు. [QBR]
2. ఇప్పుడు నీవు కష్టపడి పనిచేయాలి. అందమైన నీపై వస్త్రాలు తీసివేయి. తిరుగటి రాళ్లు తీసుకొని పిండి విసురు. మనుష్యులకు నీ కాళ్లు కనబడేంతమట్టుకు నీ పైవస్త్రం లేపి నదులు దాటు. నీ దేశాన్ని విడిచిపెట్టు. [QBR]
3. మనుష్యులు నీ శరీరాన్ని చూస్తారు. [QBR2] మనుష్యులు నిన్ను లైంగికంగా వాడుకొంటారు. నీవు చేసిన చెడ్డ పనులకు నీచేత నేను విలువ కట్టిస్తాను. మరియు ఎవ్వడూ వచ్చి నీకు సహాయం చేయడు
4. “ ‘దేవుడు మమ్మల్ని రక్షిస్తాడు. [QBR2] ఆయన పేరు సర్వశక్తిమంతుడైన యెహోవా ఇశ్రాయేలీయుల పరిశుద్దుడు’ ” అని నా ప్రజలు అంటారు.
5. “అందుచేత బబలోనూ, నీవు మౌనంగా కూర్చోవాలి. [QBR] కల్దీయుల కుమారీ [*కల్దీయుల కుమారీ ఇది బబలోను యొక్క మరో పేరు.] చీకట్లోనికి వెళ్లు [QBR2] ఎందుకంటే నీవు ఇక మీదట ‘రాజ్యాలకు యజమానురాలివి’ కావు.
6. “నేను నా ప్రజల మీద కోపగించాను. [QBR2] ఈ ప్రజలు నావాళ్లే కానీ నేను కోపగించాను, అందుచేత నేను వాళ్లకు ప్రాముఖ్యం లేకుండా చేశాను. [QBR] నేను వాళ్లను నీకు అప్పగించాను. నీవు వారిని శిక్షించావు. [QBR2] నీవు వారికి ఎలాంటి దయా చూపించలేదు. [QBR] వాళ్లు ముసలి వాళ్ల కోసం [QBR2] చాలా కష్టపడి పనిచేసేట్టు నీవు చేశావు. [QBR]
7. ‘నేను శాశ్వతంగా జీవిస్తాను. [QBR2] శాశ్వతంగా నేను రాణిగానే ఉంటాను’ అని నీవు చెప్పావు. [QBR] నీవు ఆ ప్రజలకు చేసిన చెడు కార్యాలను నీవు గమనించలేదు. [QBR2] ఏమి జరుగుతుందో అని నీవు గమనించలేదు. [QBR]
8. కనుక ‘అందమైన అమ్మాయీ’, ఇప్పుడు నా మాట విను. [QBR] నీవు క్షేమంగానే ఉన్నాను అనుకొంటున్నావు. [QBR2] ‘నేను ఒక్కదాన్నే ప్రాముఖ్యమైన దాన్ని, ఇంకెవ్వరూ నా అంతటి ప్రముఖులు కారు. [QBR2] నేను ఎప్పటికీ విధవనుకాను. నాకు ఎల్లప్పుడూ పిల్లలు ఉంటారు’ అని నీలోనీవు అనుకొంటున్నావు. [QBR]
9. నీకు ఈ రెండు సంగతులు జరుగుతాయి: [QBR2] మొట్టమొదట నీవు నీ పిల్లలను పోగొట్టుకొంటావు. (ప్రజలు) తర్వాత నీవు నీ భర్తను పోగొట్టుకొంటావు. [QBR2] (రాజ్యం) ఈ సంగతులు నీకు నిజంగా జరుగుతాయి. నీ మంత్రాలన్నీ, శక్తివంతమైన నీ ఉపాయాలన్నీ నిన్ను రక్షించవు. [QBR]
10. నీవు చెడ్డ పనులు చేసి కూడ క్షేమంగా ఉన్నానని అనుకొంటున్నావు. [QBR2] ‘నేను చేసే తప్పు పనులు ఎవరూ చూడటం లేదు’ అని నీవు అనుకొంటావు. [QBR2] నీవు తప్పు చేస్తావు. కానీ నీ జ్ఞానం, నీ తెలివి నిన్ను రక్షిస్తాయి అనుకొంటావు. [QBR] ‘నేను ఒక్క దాన్ని తప్ప నా అంతటి ప్రముఖులు ఇంకెవరూ లేరు’ అని నీవు అంటావు.
11. “అయితే నీకు కష్టాలు వస్తాయి. [QBR2] అది ఎప్పుడు జరుగుతుందో నీకు తెలియదు. కాని నాశనం వచ్చేస్తుంది. [QBR2] ఆ కష్టాలను ఆపుజేసేందుకు నీవు ఏమీ చేయలేవు. నీవు త్వరగా నాశనం చేయబడతావు. [QBR2] నీకు ఏమి జరిగిపోయిందో కూడా నీకు తెలియదు. [QBR]
12. నీ జీవితాంతం నీవు కష్టపడి పనిచేశావు. [QBR2] ఉపాయాలు, మంత్రాలు నేర్చుకొన్నావు. [QBR] కనుక నీ ఉపాయాలు, మంత్రాలు ప్రయోగించటం ప్రారంభించు. [QBR2] ఒకవేళ ఆ ఉపాయాలు నీకు సహాయపడతాయేమో! [QBR2] ఒకవేళ నీవు ఎవరినైనా భయపెట్టగలుగుతావేమో. [QBR]
13. నీకు ఎంతెంతో మంది సలహాదారులు [QBR2] వాళ్లు నీకిచ్చే సలహాలతో నీవు విసిగిపోయావా? [QBR] నక్షత్ర శాస్త్రం తెలిసిన నీ మనుష్యులను వాళ్లు బయటకు పంపిస్తారు. [QBR2] నెల ప్రారంభం ఎప్పుడో వాళ్లు చెప్పగలుగుతారు. [QBR2] ఒకవేళ నీ కష్టాలు ఎప్పుడు మొదలవుతాయో వాళ్లు చెప్పగలుగుతారేమో. [QBR]
14. అయితే ఆ మనుష్యులు కనీసం వాళ్లనే వాళ్లు రక్షించుకోలేరు. [QBR2] వాళ్లు గడ్డిలా కాలిపోతారు. [QBR2] వాళ్లు త్వరగా కాలిపోయినందుచేత రొట్టె కాల్చుకొనేందుకు గూడ నిప్పులు మిగులవు. [QBR2] వెచ్చగా కాచుకొనేందుకు మంటగూడా మిగలదు. [QBR]
15. నీవు కష్టపడి సంపాదించిన దానంతటికీ అలా జరుగుతుంది. [QBR2] నీవు చిన్న పిల్లగా ఉన్నప్పట్నుంచీ నీతో వ్యాపారం చేసిన వారు నిన్ను వదిలివేస్తారు [QBR] ప్రతివాడూ వాని వాని దారిన పోతాడు. [QBR2] నిన్ను రక్షించేందుకు ఒక్క మనిషి కూడా ఉండడు.” [PE]