1. {యోబుకు ఎలీఫజు జవాబు} [PS] అప్పుడు తేమానువాడైన ఎలీఫజు యోబుకు జనాబిచ్చాడు:
2. “యోబూ! నీవు నిజంగా జ్ఞానం గలవాడవైతే [QBR2] నీవు వట్టి మాటలతో జవాబు ఇవ్వవు. [QBR2] జ్ఞానం గల మనిషి పూర్తిగా తూర్పు వేడిగాలి (పనికిమాలిన మాటల) తో ఉండడు. [QBR]
3. జ్ఞానం గల మనిషి పనికిమాలిన మాటలతో, అర్థం లేని [QBR2] ఉపన్యాసాలతో వాదిస్తాడని నీవు తలుస్తావా? [QBR]
4. యోబూ! నీ యిష్టం వచ్చినట్టు నీవు ఉంటే [QBR2] ఎవ్వరూ దేవుణ్ణి గౌరవించరు, ఆయన్ని ప్రార్థించరు. దేవుని సన్నిధియందు చేసే ధ్యానానికి నీవు ఆటంకం తెస్తావు. [QBR]
5. నీవు చెప్పే విషయాలు నీ పాపాన్ని తేటగా చూపిస్తాయి. [QBR2] యోబూ! నీవు తెలివిగల మాటలు ప్రయోగించి నీ పాపాన్ని దాచిపెట్టాలని ప్రయత్నిస్తున్నావు. [QBR]
6. నీది తప్పు అని నేను నీకు రుజువు చేయాల్సిన అవసరం లేదు. [QBR2] ఎందుకు? నీ స్వంత నోటితో నీవు పలికే విషయాలే నీ తప్పును తెలియ జేస్తున్నాయి. [QBR2] నీ స్వంత పెదాలు నీకు విరోధంగా మాట్లాడుతున్నాయి.
7. “యోబూ! మొట్ట మొదట పుట్టింది నీవే అని తలుస్తున్నావా? [QBR2] కొండలు చేయబడక ముందే నీవు జన్మించావా? [QBR]
8. దేవుని రహస్య పథకాలు నీవు విన్నావా? [QBR2] నీ మట్టుకు నీవు ఒక్కడవు మాత్రమే జ్ఞానం గలవాడవని తలుస్తున్నావా? [QBR]
9. యోబూ! నీకు తెలిసిన దానికంటే మాకు ఎక్కువ తెలుసు. [QBR2] నీవు గ్రహించలేని విషయాలు మేము గ్రహిస్తాం. [QBR]
10. తల నెరసిన మనుషులు మరియు వృద్ధులు మాతో ఏకీభవిస్తారు. [QBR2] అవును, చివరికి నీ తండ్రీకంటే పెద్ద వాళ్లు కూడా మా పక్షంగా ఉన్నారు. [QBR]
11. దేవుడు నిన్ను ఆదరించేందుకు ప్రయత్నిస్తాడు [QBR2] కానీ నీకు అది మాత్రమే చాలాదు. [QBR] సౌమ్యమయిన పద్ధతిలో దేవుని సందేశం మేము నీకు చెప్పాము. [QBR]
12. యోబూ! నీవెందుకు అర్థం చేసుకోవు? [QBR2] సత్యాన్ని ఎందుకు చూడలేక పోతున్నావు? [QBR]
13. నీవు ఈ కోపపు మాటలు చెప్పినప్పుడు [QBR2] నీవు దేవునికి విరోధంగా ఉన్నావు.
14. “ఒక మనిషి వాస్తవంగా పరిశుద్ధంగా ఉండలేడు. [QBR2] స్త్రీనుంచి జన్మించిన మనిషి, దేవునితో సరిపడి ఉండ జాలడు. [QBR]
15. దేవుడు కనీసం తన దూతలను కూడ నమ్మడు. [QBR2] దూతలు నివసించే ఆకాశం కూడా పవిత్రమైనది కాదు. [QBR]
16. మనవుడు అంతకంటే దౌర్భాగ్యుడు. [QBR2] మానవుడు అసహ్యమైవాడు మరియు పాడైపోయాడు. [QBR2] అతడు మంచి నీళ్లు తాగినట్టుగా కిడును తాగు తాడు.
17. “యోబూ, నా మాట విను. నేను దానిని నీకు వివరిస్తాను. [QBR2] నాకు తెలిసిన దానిని నేను నీతో చెబుతాను. [QBR]
18. జ్ఞానం గల మనుష్యులు నాతో చెప్పిన విషయాలు నేను నీతో చెబుతాను. [QBR2] ఆ జ్ఞానం గల మనుష్యుల పూర్వీకులు ఈ విషయాలను వారితో చెప్పారు. [QBR2] ఆ జ్ఞానులు రహస్యాలేమీ నా దగ్గర దాచిపెట్టలేదు. [QBR]
19. వారికే (జ్ఞానులకే) దేశం ఇవ్వబడింది. [QBR2] వారిని ఇబ్బంది పెట్టేందుకు పరాయివాళ్లు ఎవరూ ఆ దేశంలో లేరు. [QBR]
20. దుర్మార్గుడు తన జీవితకాలమంతా బాధతో శ్రమ పడతాడు. [QBR2] క్రూరమైన మనిషి తన కోసం దాచ బడిన సంవత్సరాలన్నింటిలో శ్రమపడతాడు, [QBR]
21. భయంకర శబ్దాలు అతని చెవులకు వినిపిస్తాయి [QBR2] మరియు అతడు క్షేమంగా ఉన్నానని అనుకొన్నప్పుడు శత్రువు అతని మీద దాడి చేస్తాడు. [QBR]
22. దుర్మార్గపు వ్యక్తి చాలా విసిగిపోతాడు. చీకటి నుండి తప్పించుకొనే ఆశ అతనికి ఉండదు. [QBR2] అతణ్ణి చంపివేసేందుకు ఎక్కడో ఒక ఖడ్గం కనిపెడుతూనే ఉంటుంది. [QBR]
23. అతడు అటూ ఇటూ ఆహారం కోసం ‘ఎక్కడ అది’ అంటూ సంచరిస్తూనే ఉంటాడు. [QBR2] కాని అతని శరీరం రాబందులకు ఆహారం అవుతుంది. అతనికిచావు మూడిందని అతనికి తెలుసు. [QBR]
24. చింత, శ్రమ అతణ్ణి భయపెడుతున్నాయి. అతణ్ణి నాశనం చేసేందుకు [QBR2] ఒక రాజు సిద్ధంగా ఉన్నట్టు ఈ విషయాలు అతనిపై దాడి చేస్తాయి. [QBR]
25. ఎందుకంటే దుర్మార్గుడు దేవుని మీద తన పిడికిలి బిగిస్తాడు కనుక దుర్మార్దుడు దేవునికి విధేయుడ య్యేందుకు నిరాకరిస్తాడు. [QBR2] సర్వశక్తిమంతుడైన దేవునికి విరోధంగా దుర్మార్గుడు బలవంతునిగా ఉండేందుకు ప్రయత్నిస్తాడు. [QBR]
26. ఆ మనిషి చాలా మొండివాడు. [QBR2] దుర్మార్గుడు తన బలమైన లావుపాటి కేడెముతో దేవుని మీద దాడి చేస్తాడు. [QBR]
27. దుర్మార్గుడు ధనవంతుడై ముఖం కొవ్వుతో నిండి ఉండివుండవచ్చు. [QBR] వాని నడుం కొవ్వు పొరలతో బలిసి ఉండవచ్చు. [QBR2]
28. కానీ శిథిలమైన పట్టణాల్లో వాడు నివసిస్తాడు. [QBR2] ఎవరూ నివసించని ఇండ్లలో ఆ దుర్మార్గుడు నివసిస్తాడు. [QBR2] అవి పడిపోయేట్టు ఉన్న శిథిల గృహాలు. [QBR]
29. దుర్మార్గుడు ధనికుడుగా ఉండవచ్చు. [QBR2] అతని ఐశ్వర్యం ఎక్కువ కాలం ఉండదు. [QBR2] అతని పంటలు ఎక్కువగా పండవు. [QBR]
30. దుర్మార్గుడు చీకటిని తప్పించుకోలేడు. [QBR2] అగ్గిచేత కొమ్మలు కాలిపోయిన చెట్టులా అతడు ఉంటాడు. [QBR2] దేవుని శ్వాస దుర్మార్గుని తుడిచివేస్తుంది. [QBR]
31. దుర్మార్గుడు పనికిమాలిన వాటిని నమ్ముకొని తనను తానే మోసం చేసుకోకూడదు. [QBR2] ఎందుకంటే, వానికి ఏమీ దొరకదు కనుక. [QBR]
32. దుర్మార్గుని ఆయుష్షు తీరిపోకముందే [QBR2] వాడు ముసలివాడై, ఎండిపోతాడు. మళ్లీ ఎన్నటికి వచ్చగా ఉండని ఎండిపోయిన కొమ్మలా అతడు ఉంటాడు. [QBR]
33. ద్రాక్షాపండ్లు పక్వానికి రాకముందే రాలిపోతున్న ద్రాక్షావల్లిలా దుర్మార్గుడు ఉంటాడు. [QBR2] ఆ వ్యక్తి పూలు రాలిపోయిన ఒలీవ చెట్టులా ఉంటాడు. [QBR]
34. ఎందుకంటే, దేవుడు లేని ప్రజల పని వ్యర్థము. [QBR2] డబ్బును ప్రేమించే మనుష్యుల ఇండ్లు అగ్నిచేత నాశనం చేయబడతాయి. [QBR]
35. వారు కష్టాలకు పథకం వేసి దుర్మార్గపు పనులు చేస్తారు. [QBR2] మనుష్యులను మోసం చేసేందుకు వారు ప్రయత్నం చేస్తారు.” [PE]