1. {జోఫరు జవాబు} [PS] అప్పుడు నయమాతీయుడైన జోఫరు ఇలా జవాబిచ్చాడు:
2. “యోబూ! నా తలంపులు నాకు జవాబిస్తాయి. [QBR2] నేను అనుకొంటున్నది ఏమిటో నేను త్వరపడి నీకు చెప్పాలి. [QBR]
3. మేము చెప్పిన దానికి నీవు ఇచ్చిన జవాబులు మాకు అవమానకంగా ఉన్నాయి. [QBR2] కానీ నేను జ్ఞానం గలవాడను, నీకు ఎలా జవాబు ఇవ్వాలో నాకు ెతెలుసు.
4. (4-5) “మొట్ట మొదటిసారిగా ఆదాము భూమి మీద చేయ బడినప్పటి నుండి [QBR2] ఒక దుర్మార్గుని సంతోషం ఎక్కువ సేపు ఉండదు అనే విషయం చాలా కాలంగా నీకు తెలిసిందే. [QBR2] దేవుని లక్ష్యపెట్టని వాని ఆనందం కొంతసేపు మాత్రమే ఉంటుంది. [QBR]
5.
6. ఒకవేళ దుర్మార్గుని గర్వం ఆకాశాన్ని అంటవచ్చు. [QBR2] అతని తల మేఘాలను తాకవచ్చు. [QBR]
7. కానీ అతని స్వంత మలం పోయినట్లే అతడు శాశ్వతంగా పోతాడు. [QBR2] అతన్ని ఎరిగిన ప్రజలు, ‘అతడు ఎక్కడ?’ అని అన్నారు. [QBR]
8. ఒక కల వేగంగా ఎగిరిపోయినట్టు అతడు ఎగిరి పోతాడు. [QBR2] ఏ మనిషీ మరల అతణ్ణి చూడడు. అతడు పోయి ఉంటాడు. రాత్రి పూట పీడకలలా అతడు విదిలించబడతాడు. [QBR]
9. అతనిని చూచిన మనుష్యులు అతన్ని మరల చూడరు [QBR2] అతని కుటుంబం అతన్ని మరల ఎన్నడూ చూడదు. [QBR]
10. దుర్మార్గుని పిల్లలు, పేదవారి దగ్గర అతడు తీసుకొన్న వాటిని తిరిగి ఇచ్చివేస్తారు. [QBR2] దుర్మార్గుని స్వహస్తాలే తన ఐశ్వర్యాన్ని తిరిగి ఇచ్చివేయాలి. [QBR]
11. అతడు యువకునిగా ఉన్నప్పుడు, అతని శరీరం బలంగా ఉంది. [QBR2] కాని త్వరలోనే అది మట్టి ఆవుతుంది.
12. “దుర్మార్గుని నోటిలో దుర్మార్గం తియ్యగా ఉంటుంది. [QBR2] అతడు దానిని తన నాలుక కింద దాచిపెడతాడు. [QBR]
13. చెడ్డ మనిషి తన దుర్మార్గాన్ని అలాగే పెట్టుకొని ఉంటాడు. దానిని పోనియ్యటం అతనికి అసహ్యం. [QBR2] కనుక అతడు దానిని తియ్యని పదార్థంవలె తన నోటిలో ఉంచుకొంటాడు. [QBR]
14. కానీ అతని భోజనం అతని కడుపులో విషం అవుతుంది. [QBR2] అది అతని లోపల చేదు విషంలా, పాము విషంలా అవుతుంది. [QBR]
15. దుష్టుడు ఐశ్వర్యం దిగమింగాడు. కానీ అతడు వాటిని కక్కివేస్తాడు. [QBR2] అవును, దుష్టుని కడుపు వాటిని కక్కివేసేట్టుగా దేవుడు చేస్తాడు. [QBR]
16. దుష్టుడు పాముల విషం పీల్చుతాడు. [QBR2] పాము కోరలు వానిని చంపివేస్తాయి. [QBR]
17. అప్పుడు నదులు తేనెతో, వెన్నతో ప్రవహించటం చూచి [QBR2] దుష్టుడు ఆనందించ లేడు. [QBR]
18. దుష్టుడు తన లాభాలను ఇచ్చివేసేలా బలాత్కారం చేయబడతాడు. [QBR2] అతని కష్టార్జితం అనుభవించటానికి అతనికి అనుమతి ఇవ్వబడదు. [QBR]
19. దుష్టుడు పేద ప్రజలను సక్రమంగా చూడలేదు గనుక. అతడు వారి విషయమై పట్టించుకోలేదు, మరియు అతడు వారి వస్తువులను తీసుకొన్నాడు. [QBR2] ఇంకెవరో కట్టిన ఇండ్లు అతడు తీసివేసుకొన్నాడు. [QBR]
20. దుష్టునికి ఎన్నటికీ తృప్తిలేదు. [QBR2] వాని ఐశ్వర్యం వానిని రక్షించలేదు. [QBR]
21. అతడు భోజనం చేసినప్పుడు ఏమీ మిగలదు. [QBR2] అతని విజయం కొనసాగదు: [QBR]
22. దుర్మార్గునికి సమృద్ధిగా ఉన్నప్పటికీ అతడు కష్టంతో కృంగిపోతాడు. [QBR2] అతని సమస్యలు అతని మీదకు దిగి వస్తాయి. [QBR]
23. దుర్మార్గుడు తనకు కావలసినదంతా తినివేసిన తర్వాత [QBR2] దేవుడు తన కోపాన్ని ఆ మనిషి మీదకి మళ్లిస్తాడు. [QBR2] దుర్మార్గుని మీద దేవుడు శిక్షా వర్షం కురిపిస్తాడు. [QBR]
24. ఒకవేళ దుర్మార్గుడు ఇనుప ఖడ్గం నుండి పారి పోతాడేమో [QBR2] కానీ ఒక ఇత్తడి బాణం వానిని కూల గొడుతుంది. [QBR]
25. ఆ ఇత్తడి బాణం అతని శరీరం అంతటిలో గుచ్చుకొని పోయి అతని వీపులో నుండి బయటకు వస్తుంది. [QBR2] ఆ బాణం యొక్క మెరుపు కొన అతని కాలేయంలో గుచ్చుకు పోతుంది. [QBR2] అతడు భయంతో అదిరిపోతాడు. [QBR]
26. అతని ఐశ్వర్యాలన్నీ నాశనం చేయబడుతాయి. [QBR2] ఏ మనిషీ ఆరంభించని ఒక అగ్ని అతణ్ణి నాశనం చేస్తుంది. [QBR2] అతని ఇంటిలో మిగిలివున్నదాన్ని అగ్ని నాశనం చేస్తుంది. [QBR]
27. దుర్మార్గుడు దోషి అని ఆకాశం రుజువు చేస్తుంది. [QBR2] భూమి అతనికి విరోధంగా సాక్ష్యం ఇస్తుంది. [QBR]
28. అతని ఇంట్లో ఉన్న సమస్తం [QBR2] దేవుని కోప ప్రవాహంలో కొట్టుకొని పోతుంది. [QBR]
29. దుర్మార్గానికి దేవుడు చేయాలని తలపెడుతోంది అదే. [QBR2] దేవుడు వారికి ఇవ్వాలని తలస్తోంది అదే.” [PE]