1. {బిల్దదుకు యోబు జవాబు} [PS] అప్పుడు యోబు ఇలా జవాబు ఇచ్చాడు:
2. “బిల్దదూ, జోఫరూ, ఎలీఫజూ మీరు బలహీనులైన మనుష్యలకు నిజంగా సహాయం చేయగలరు. [QBR2] అవును, మీరు నన్ను ప్రోత్సహించారు. బలహీనమైన నా చేతులను మీరు తిరిగి బలం గలవిగా చేసారు. [QBR]
3. అవును, జ్ఞానంలేని మనిషికి మీరు అద్భుతమైన సలహా ఇచ్చారు. [QBR2] మీరు చాలా జ్ఞానం ప్రదర్శించారు. [QBR]
4. ఈ సంగతులు చెప్పటానికి మీకు ఎవరు సహాయం చేశారు. [QBR2] ఎవరి ఆత్మ మిమ్మల్ని ప్రేరేపించింది?
5. “మరణించిన వారి ఆత్మలు [QBR2] భూమి కింద నీళ్లలో విలవిల్లాడుతున్నాయి. [QBR]
6. మరణ స్థలం దేవుని దృష్టికి బాహాటం. [QBR2] దేవునికి మరణం మరుగు కాదు. [QBR]
7. ఉత్తర ఆకాశాన్ని శూన్య అంతరిక్షంలో దేవుడు విస్తరింపజేశాడు. [QBR2] దేవుడు భూమిని శూన్యంలో వేలాడతీశాడు. [QBR]
8. మేఘాలను దేవుడు నీళ్లతో నింపుతున్నాడు. [QBR2] కానీ నీటి భారం మూలంగా మేఘాలు బద్దలు కాకుండా దేవుడు చూస్తాడు. [QBR]
9. పున్నమి చంద్రుని దేవుడు కప్పివేస్తాడు. [QBR2] దేవుడు తన మేఘాలను చంద్రుని మీద విస్తరింపచేసి, దానిని కప్పుతాడు [QBR]
10. మహా సముద్రం మీది ఆకాశపు అంచులను [QBR2] చీకటి వెలుగులకు మధ్య సరిహద్దుగా దేవుడు చేస్తాడు. [QBR]
11. ఆకాశాలను ఎత్తిపట్టు పునాదులను [QBR2] దేవుడు బెదిరించగా అవి భయంతో వణకుతాయి. [QBR]
12. దేవుని శక్తి సముద్రాన్ని నిశ్శబ్దం చేస్తుంది. [QBR2] దేవుని జ్ఞానము రాహాబు సహాయకులను నాశనం చేసింది. [QBR]
13. దేవుని శ్వాస ఆకాశాలను తేటపరుస్తుంది. [QBR2] తప్పించు కోవాలని ప్రయత్నించిన సర్పాన్ని దేవుని హస్తం నాశనం చేస్తుంది. [QBR]
14. దేవుని శక్తిగల కార్యాల్లో ఇవి కొన్ని మాత్రమే. [QBR2] దేవుని నుండి ఒక చిన్న స్వరం మాత్రమే మనం వింటాం. కానీ దేవుడు ఎంత గొప్పవాడో, శక్తిగలవాడో ఏ మనిషి నిజంగా అర్థం చేసుకోలేడు.” [PE]