1. అప్పుడు యోబు మాట్లాడటం కొన సాగించాడు:
2. “నిజంగా దేవుడు జీవిస్తున్నాడు. [QBR] మరియు దేవుడు జీవించటం ఎంత సత్యమో ఆయన నాకు అన్యాయం చేశాడు. అనటం కూడ అంతే సత్యం. [QBR2] అవును, సర్వశక్తిమంతుడైన దేవుడు నా జీవితాన్ని బాధించాడు. [QBR2]
3. కానీ నాలో జీవం ఉన్నంతవరకు దేవుని జీవవాయువు నా నాసికా రంధ్రాలలో ఉన్నంతవరకు, [QBR]
4. నా పెదవులు చెడు సంగతులు మాట్లాడవు. [QBR2] మరియు నా నాలుక ఎన్నడూ ఒక్క అబద్దం చెప్పదు. [QBR]
5. మీదే సరి అని నేను ఎన్నటికీ అంగీకరించను. [QBR2] నేను నిర్దోషిని అని నేను చచ్చే రోజువరకు చెబుతూనే ఉంటాను. [QBR]
6. నేను చేసిన సరియైన వాటిని నేను గట్టిగా పట్టు కొని ఉంటాను. [QBR2] సరియైన వాటిని చేయటం నేను ఎన్నటికీ మాని వేయను. నేను బతికి ఉన్నంత కాలం నా మనస్సాక్షి నన్ను బాధించదు. [QBR]
7. ప్రజలు నాకు వ్యతిరేకులయ్యారు. [QBR2] నా శత్రువులు దుర్మారులు శిక్షించబడినట్టు శిక్షించబడుదురు గాక. [QBR]
8. దేవుని లక్ష్యపెట్టని మనిషి చనిపోయినప్పుడు అతనికి ఆశ ఏమీ ఉండదు. [QBR2] అతని జీవాన్ని దేవుడు తీసివేసినప్పుడు అతనికి ఆశ లేదు. [QBR]
9. ఆ దుర్మార్గునికి కష్టాలు వచ్చి, [QBR2] దేవునికి మొరపెడితే దేవుడు వినడు. [QBR]
10. సర్వశక్తిమంతుడైన దేవుడు ఇచ్చే సంతోషాన్ని ఆ వ్యక్తి కోరుకొని ఉండాల్సింది. [QBR2] ఆ వ్యక్తి సదా దేవుని ప్రార్థించి ఉండాల్సింది.
11. “దేవుని శక్తిని గూర్చి నీకు నేను నేర్పిస్తాను. [QBR2] సర్వశక్తిమంతుడైన దేవుని పథకాలను నేను దాచి పెట్టను. [QBR]
12. దేవుని శక్తిని మీరు మీ కళ్లారా చూశారు. [QBR2] కనుక మీరు అలాంటి పనికిమాలిన మాటలు ఎందుకు చెబుతారు? [QBR]
13. దుర్మార్గులకు దేవుడు తలపెట్టినది ఇదే. [QBR2] సర్వశక్తిమంతుడైన దేవుని నుండి కృర మానవులకు లభించేది ఇదే. [QBR]
14. ఒకవేళ దుర్మార్గునికి చాలామంది పిల్లలు ఉండ వచ్చునేమో కాని వాని పిల్లలు యుద్ధంలో చంపి వేయబడతారు. [QBR2] దుర్మార్గుని పిల్లలు తినేందుకు సరిపడినంత ఆహారం ఎన్నడూ ఉండదు. [QBR]
15. దుర్మార్గుడు చనిపోయిన తర్వాత అతని పిల్లలు ఇంకా బతికి ఉంటే భయంకర రోగం వారిని చంపేస్తుంది. [QBR2] అతని కుమారుల విధవలు వారి కోసం విచారించరు. [QBR]
16. ఒకవేళ దుర్మార్గుడు దుమ్ములా విస్తారమైన వెండిని రాశిగా పోయవచ్చు. [QBR2] ఒకవేళ మట్టి పోగుల్లా అతనికి చాలా బట్టలు ఉండవచ్చును. [QBR]
17. దుర్మార్గుడు సంపాదిస్తూ విడిచిపోయిన బట్టలను ఒక మంచి మనిషి ధరిస్తాడు. [QBR2] దుర్మార్గుని వెండిని నిర్దోషులు పంచుకొంటారు. [QBR]
18. దుర్మార్గుడు నిర్మించే యిల్లు ఎక్కువ కాలం నిలువదు. [QBR2] అది సాలె గూడులా ఉంటుంది లేక కావలివాని గుడారంలా ఉంటుంది. [QBR]
19. దుర్మార్గుడు ధనికునిగా నిద్రకు ఉపక్రమిస్తాడు. [QBR2] కానీ ఆ తర్వాత అతను కళ్లు తెరిచినప్పుడు అతని సంపదంతా పోయినట్లు అతనికి తెలుస్తంది. [QBR]
20. ఆకస్మిక వరదలా భయాలు అతణ్ణి పట్టు కొంటాయి. [QBR2] రాత్రి వేళ ఒక తుఫాను అతణ్ణి కొట్టు కొని పోతుంది. [QBR]
21. తూర్పుగాలి అతణ్ణి కొట్టుకొని పొతుంది. అప్పుడు అతడు అంతమై పోతాడు. [QBR2] తుఫాను అతణ్ణి అతని యింటినుండి తుడుచుకుని పోతుంది. [QBR]
22. తుఫాను బలం నుండి దుర్మార్గుడు పారిపోవాలని ప్రయత్నిస్తున్నాడు. [QBR2] కానీ తుఫాను అతణ్ణి నిర్దాక్షిణ్యంగా కొడుతుంది. [QBR]
23. దుర్మార్గుడు పారిపోతూ ఉండగా మనుష్యులు చప్పట్లు కొడతారు. [QBR2] దుర్మార్గుడు తన యింటినుండి పారిపోతూంటే, వానికి విరోధంగా వాళ్లు ఈల వేస్తారు.” [PE]