1. “కాని యిప్పుడు నన్ను హేళన చేసే వారు నాకంటే చిన్నావారు. [QBR2] ఆ యువకులకు పనికి మాలిన తండ్రులు ఉన్నారు. వారి తండ్రులను నా గొర్రెలను కాపలా కాసే కుక్కలతో కూడా నేను ఉండనివ్వను. [QBR]
2. నాకు సహాయం చేసేందుకు వాళ్లకు బలం లేదు. [QBR2] వారు అలసిపోయిన వృద్ధులు. [QBR]
3. ఆ మనుష్యులు చచ్చిన వాళ్లతో సమానం. [QBR2] ఎందు కంటే వారికి ఏమీ లేక ఆకలితో ఉన్నారు. ఎండి పోయిన ఖాళీ నేలను కూడా వారు తినటానికి ప్రయత్నిస్తున్నారు. [QBR]
4. ఆ మనుష్యులు వారి ఎడారిలోని తుత్తి చెట్లను పెరికి వేస్తారు. [QBR2] తంగేడు చెట్టు వేర్లను వారు తింటారు. [QBR]
5. ఆ మనుష్యులు ఇతర మనుష్యులు దగ్గర నుండి బలవంతంగా వెళ్లగొట్టబడతారు. [QBR2] మనుష్యులు దొంగల మీద అరచినట్టుగా వారి మీద అరుస్తారు. [QBR]
6. ఎండిపోయిన నదులలోను, బండలలోను, [QBR2] కొండగుహలలోను, నేలలోని గుంటలలోను నివసించేందుకు వారి వృద్ధులు బలాత్కారం చేయ బడతారు. [QBR]
7. వారు పొదలలో అరుస్తారు. [QBR2] ముళ్ల కంపల్లో వారంతా ఒక్కచోట చేరుతారు. [QBR]
8. వాళ్లు పనికిమాలిన అనామకుల గుంపు. [QBR2] వాళ్లు వారి దేశం నుండి బలవంతంగా వెళ్లగాట్టబడిన వాళ్లు.
9. “ఇప్పుడు ఆ మనుష్యుల కొడుకులు నన్ను హేళన చేసేందుకు నన్ను గూర్చి పాటలు పాడుతారు. [QBR2] వాళ్లకు నా పేరు చెడ్డ మాట అయింది. [QBR]
10. ఆ యువకులు నన్ను ద్వేషిస్తారు, వారు నాకు దూరంగా నిలుస్తారు, వారు నాకంటే మంచివాళ్లము అనుకొంటారు. [QBR2] చివరికి వాళ్లు నా ముఖం మీద ఉమ్మి కూడా వేస్తారు. [QBR]
11. నా వింటి నారిని దేవుడు తీసుకొని నన్ను బలహీనుణ్ణి చేశాడు. [QBR2] ఆ యువకులు తమని తాము వారించుకొనక నిండు కోపంతో నాకు విరోధంగా తిరుగుతారు. [QBR]
12. నా కుడి ప్రక్క ఆ యువకులు నామీద పడుతున్నారు. [QBR2] నేను పడిపోయేలా వాళ్లు చేస్తున్నారు. [QBR2] వారు నామీద దాడి చేసి, నన్ను నాశనం చేసేందుకు నా చుట్టూరా పట్టణానికి ముట్టడి దిబ్బ వేసినట్లు వేస్తున్నారు. [QBR]
13. నేను పారిపోయే మార్గాన్ని ఆ యువకులు కాపలా కాస్తున్నారు. [QBR2] నన్ను నాశనం చేయటంలో వారువిజయం పొందుతున్నారు. వారు నన్ను నాశనం చేయటానికి వారికి ఎవరి సహాయం అవసరం లేదు. [QBR]
14. గోడలోని కన్నంగుండా వెళ్లిపోయినట్టు వారు నామీద దాడి చేస్తున్నారు. [QBR2] వారు దూకేసి నా మీదకు విరగబడుతున్నారు. [QBR]
15. భయాలు నన్ను ఆవరించేస్తున్నాయి. [QBR2] వస్తువులనుగాలి చెదరగొట్టినట్లు ఆ యువకులు నా గౌరవాన్ని అవమానపరుస్తున్నారు. [QBR2] నా భద్రత మబ్బులా మాయమవుతోంది.
16. “ఇప్పుడు నా జీవితం దాదాపు అయిపోయింది. [QBR2] నేను త్వరలోనే మరణిస్తాను. శ్రమదినాలు నన్ను పట్టివేశాయి. [QBR]
17. రాత్రివేళ నా ఎముకలు అన్నీ నొప్పెడతాయి. [QBR2] బాధ నన్ను నమిలివేయటం ఎన్నడూ ఆగిపోలేదు. [QBR]
18. దేవుడు మహాబలంగా నా చొక్కా పట్టి లాగుతున్నాడు. [QBR2] ఆయన నా బట్టలను నలిపి వేస్తున్నాడు. [QBR]
19. దేవుడు నన్ను బురదలో పడదోస్తున్నాడు. [QBR2] నేను మట్టిలా, బూడిదలా అయిపోతున్నాను.
20. “దేవా, సహాయం కోసం నేను నీకు మొరపెడుతున్నాను. [QBR2] కానీ నీవు జవాబు ఇవ్వవు. [QBR] నేను నిలబడి ప్రార్థన చెస్తాను. [QBR2] కానీ నీవు నాకు జవాబు ఇవ్వవు. [QBR]
21. దేవా, నీవు నా ఎడల అసహ్యంగా ప్రవర్తిస్తున్నావు. [QBR2] నన్ను బాధపెట్టేందుకు నీవు నీ శక్తిని ప్రయోగిస్తున్నావు. [QBR]
22. దేవా, బలమైన గాలి నన్ను కొట్టుకొని పోయేటట్టు నీవు చేస్తున్నావు. [QBR2] నీవు నన్ను తుఫానులో పడదోస్తున్నావు. [QBR]
23. నీవు నన్ను నా మరణానికి తీసుకొని పోతున్నావని నాకు తెలుసు. [QBR2] మరణం ప్రతి మనిషికి ఏర్పాటు చేయబడిందే.
24. “కానీ అప్పటికే నాశనమయి, సహాయంకోసం అలమటించేవాణ్ణి [QBR2] నిశ్చయంగా ఎవ్వరూ బాధించరు. [QBR]
25. దేవా, కష్టాల్లో ఉన్న ప్రజల పక్షంగా నేను మొర్ర పెట్టానని నీకు తెలుసు. [QBR2] పేద ప్రజల కోసం నా హృదయం ఎంతో విచారించిందని నీకు తెలుసు. [QBR]
26. కానీ నేను మంచివాటి కోసం ఎదురు చూస్తే వాటికి బదులు చెడ్డవి జరిగాయి. [QBR2] వెలుగుకోసం నేను చూస్తే చీకటి వచ్చింది. [QBR]
27. అంతరంగంలో నేను చీల్చివేయబడ్డాను. [QBR2] శ్రమలు ఎన్నటికీ ఆగిపోవు. శ్రమకాలాలు నా యెదుట ఉన్నాయి. [QBR]
28. నేను ఎల్లప్పుడూ ఎంతో విచారంగా ఉంటానుగాని, [QBR2] నాకు ఆదరణ లభ్యం కాదు. నేను సమాజంలో నిలబడి సహాయం కోసం కేకలు వేస్తాను. [QBR2]
29. నేను అడవి కుక్కలకు సోదరుడినయ్యాను. నిప్పుకోళ్లు నాకు జతగాళ్లు. [QBR]
30. నా చర్మం చాలా నల్లబడిపోయింది. [QBR2] నా శరీరం జ్వరంతో వేడిగా ఉంది. [QBR]
31. దుఃఖమయ గీతాలు వాయించేందుకు నా స్వర మండలములను శృతి చేయబడింది. [QBR2] విచారంగా ఏడుస్తున్న శబ్దాలు నా పిల్లనగ్రోవి చేస్తుంది. [PE]