1. {బిల్దదు యోబుతో మాట్లాడటం} [PS] అప్పుడు షూహీ వాడైన బిల్దదు జవాబిచ్చాడు:
2. “ఎన్నాళ్ల వరకు నీవు అలా మాట్లాడతావు? [QBR2] నీ మాటలు బలంగా వీచే గాలిలా ఉన్నాయి. [QBR]
3. దేవుడు ఎల్లప్పుడూ న్యాయంగా ఉంటాడు. [QBR2] సక్రమంగా ఉన్నవాటిని, న్యాయాన్ని లేక నీతిని, సర్వ శక్తిమంతుడైన దేవుడు ఎన్నటికీ చెరపడు. [QBR]
4. నీ పిల్లలు దేవునికి వ్యతిరేకంగా పాపం చేసి ఉంటే, ఆయన వారిని శిక్షించాడు. [QBR2] వారు వారి పాపాలకు వెల చెల్లించారు. [QBR]
5. అయితే యోబూ, ఇప్పుడు దేవుని వైపు చూడు. [QBR2] ఆ సర్వశక్తిమంతునికి ప్రార్థించు. [QBR]
6. నీవు పరిశుద్ధంగా, మంచివానిగా ఉంటే ఆయన వచ్చి నీకు సహాయం చేస్తాడు. [QBR2] మరియు నీ కుటుంబాన్ని, నీ వస్తువులను అయన తిరిగి నీకు ఇస్తాడు. [QBR]
7. నీకు మొదట ఉన్నదానికంటె [QBR2] ఎక్కువగా వస్తుంది.
8. “వబూ వృద్ధులను అడిగి వారుతమ పూర్వీకుల నుండి [QBR2] ఏమి నేర్చుకొన్నారో తెలుసుకో. [QBR]
9. ఎందుకంటే మనం నిన్ననే జన్మించినట్టు ఉంటుంది గనుక. [QBR2] మనకు ఏమీ తెలియదు. [QBR2] భూమి మీద మన జీవితాలు, ఒక నీడలా ఉన్నవి. [QBR]
10. చాలాకాలం క్రిందట జీవించిన మనుష్యులు నీకు నేర్పిస్తారు. [QBR2] వారి అవగాహనతో వారు నీకు ఒక జ్ఞాన సందేశం ఇస్తారు.
11. “బిల్దదు చెప్పాడు, ఎండిన నేలమీద జమ్ము ఎత్తుగా పెరుగుతుందా? [QBR2] నీళ్లు లేకుండా రెల్లు పెరుగుతుందా? [QBR]
12. లేదు, నీళ్లు గనుక ఎండిపోతే అవి వెంటనే ఎండి పోతాయి. [QBR2] వాటిని కోసి, ఉపయోగించలేనంత చిన్నవిగా అవి ఉంటాయి. [QBR]
13. దేవుణ్ణి మరచిపోయే ఏ మనిషైనా సరే ఆ రెల్లులాగానే ఉంటాడు. [QBR2] దేవుణ్ణి మరచిపోయే మనిషికి భవిష్యత్తు ఉండదు. [QBR]
14. ఆ మనిషి నమ్మకం బలహీనంగా ఉంటుంది. [QBR2] ఆ మనిషి నమ్మకం సాలెగూడును పోలివుంటుంది. [QBR]
15. ఆ మనిషి సాలెగూటిమీద ఆనుకోగా [QBR2] ఆ గూడు తెగిపోతుంది. [QBR] అతడు సాలెగూటిని పట్టుకొని ఉంటాడు [QBR2] కాని అది అతనికి ఆధారాన్ని ఇవ్వదు. [QBR]
16. సమృద్ధిగా నీళ్లు, సమృద్ధిగా సూర్యరశ్మి ఉన్న మొక్కల్లా అతడు ఉంటాడు. [QBR2] ఆ మొక్క కొమ్ములు తోట అంతటా వ్యాపిస్తాయి. [QBR]
17. అది దాని వేళ్లను బండల చుట్టూరా అల్లి [QBR2] ఆ బండల్లో ఎదిగేందుకు చోటుకోసం చూస్తూ ఉంటుంది. [QBR]
18. కాని మొక్క దాని చోటునుండి పెరికివేయబడి నప్పుడు అది అక్కడే ఉండేదని ఎవరికీ తెలియదు. [QBR2] ‘నేను ఇంతకు ముందు ఎన్నడూ నిన్ను చూడలేదు’ అని ఆ తోట అంటుంది. [QBR]
19. కనుక ఆ మొక్కను ఉన్న సంతోషం అంతా అంతే. [QBR2] తర్వాత బురదలోనుంచి ఇతర మొక్కలు పెరుగుతాయి. [QBR]
20. నిర్దోషియైన మనిషిని దేవుడు విడువడు. [QBR2] చెడ్డ మనుష్యలకు ఆయన సహాయం చేయడు. [QBR]
21. అప్పటికీ దేవుడు నీ నోటిని నవ్వుతోను, [QBR2] నీ పెదవులను సంతోష ధ్వనులతోను నింపుతాడు. [QBR]
22. కానీ నీ శత్రవులను దేవుడు సిగ్గుపరుస్తాడు. [QBR2] దుష్టుల గృహాలను ఆయన నాశనం చేస్తాడు.” [PE]