1. నా ప్రాణమా, యెహోవాను స్తుతించు! [QBR2] యెహోవా, నా దేవా, నీవు ఎంతో గొప్పవాడవు. [QBR] మహిమ, ఘనత నీవు వస్త్రాలుగా ధరించావు. [QBR2]
2. ఒక వ్యక్తి నిలువుపాటి అంగీ ధరించినట్లుగా నీవు వెలుగును ధరిస్తావు. [QBR] ఆకాశాలను నీవు తెరగా పరుస్తావు. [QBR2]
3. దేవా వాటికి పైగా నీవు నీ ఇంటిని నిర్మించావు. [QBR] దట్టమైన మేఘాలను నీవు నీ రథంగా ఉపయోగిస్తావు. [QBR2] గాలి రెక్కల మీద నీవు ఆకాశంలో ప్రయాణం చేస్తావు. [QBR]
4. దేవా, నీ దూతలను నీవు గాలిలా చేశావు. [QBR2] నీ సేవకులను అగ్నిలా చేశావు. [QBR]
5. దేవా, భూమిని దాని పునాదులపై నీవు నిర్మించావు. [QBR2] కనుక అది ఎప్పటికీ నాశనం చేయబడదు. [QBR]
6. దుప్పటి కప్పినట్టుగా నీవు భూమిని నీళ్లతో కప్పివేశావు. [QBR2] నీళ్లు పర్వతాలను కప్పివేశాయి. [QBR]
7. కానీ నీవు ఆజ్ఞ ఇవ్వగానే, నీళ్లు వేగంగా వెళ్లిపోయాయి. [QBR2] దేవా, నీవు నీళ్లతో చెప్పగానే నీళ్లు వెంటనే వెళ్లిపోయాయి. [QBR]
8. పర్వతాలనుండి లోయల్లోనికి, ఆ తరువాత [QBR2] నీవు వాటికోసం చేసిన స్థలాల్లోకి నీళ్లు ప్రవహించాయి. [QBR]
9. సముద్రానికి నీవు హద్దులు నియమించావు. [QBR2] నీళ్లు భూమిని కప్పివేసేట్టుగా మరల ఎన్నటికీ ఉప్పొంగవు.
10. దేవా, నీటి ఊటలనుండి నీటి కాలవలలోనికి నీవే నీళ్లను ప్రవహింప చేస్తావు. [QBR2] పర్వతాల జలధారల ద్వారా నీవు నీటిని కిందికి కాలువలా ప్రవహింపజేసావు. [QBR]
11. నీటి ప్రవాహాలు అడవి జంతువులన్నిటికీ నీళ్లను ఇస్తాయి. [QBR2] అక్కడ నీళ్లు తాగటానికి అడవి గాడిదలు కూడ వస్తాయి. [QBR]
12. నీటి మడుగుల చెంత నివసించుటకు అడవి పక్షులు వస్తాయి. [QBR2] సమీపంలో ఉన్న చెట్ల కొమ్మల మీద నుండి అవి పాడుతాయి. [QBR]
13. దేవుడు పర్వతాల మీదికి వర్షం పంపిస్తాడు. [QBR2] దేవుడు చేసిన పనులు భూమికి అవసరమైన ప్రతి దాన్నీ ఇస్తాయి. [QBR]
14. దేవా, పశువులకు ఆహారంగా గడ్డి ఎదిగేలా నీవు చేస్తావు. [QBR] మేము పెంచుటకు ప్రయాసపడే మొక్కల్ని నీవు మాకిస్తావు. ఆ మొక్కలే ఈ భూమి మీద నుండి మాకు లభించే ఆహారం. [QBR]
15. దేవా, మమ్మల్ని సంతోషపెట్టే ద్రాక్షారసం నీవు మాకు ఇస్తావు. [QBR2] మా చర్మాన్ని నునుపు [*చర్మాన్ని నునుపు అక్షరార్థంగా “మా ముఖాల్ని ప్రకాశింపజేసే,” “మమ్మల్ని సంతోషపెట్టే” అనే అర్థం యివ్వవచ్చు.] చేసే తైలాన్ని నీవు మాకిస్తావు. [QBR2] మమ్మల్ని బలంగలవారిగా చేయుటకు నీవు మాకు భోజనం ఇస్తావు.
16. లెబానోను మహా దేవదారు వృక్షాలను దేవుడు నాటాడు. [QBR2] ఆ మహా వృక్షాలు ఎదుగుటకు వాటికి సమృద్ధిగా నీళ్లున్నాయి. [QBR]
17. పక్షులు ఆ వృక్షాలపై గూళ్లు పెడతాయి. [QBR2] పెద్దకొంగలు దేవదారు వృక్షాలలో నివాసం చేస్తాయి. [QBR]
18. పెద్ద కొండలు అడవి మేకలకు నివాసం, [QBR2] పెద్ద బండలు కుందేళ్లు దాక్కొనే చోట్లు.
19. దేవా, కాల సూచికగా ఉండుటకు నీవు మాకు చంద్రుణ్ణిచ్చావు. దాని మూలంగా పండుగ రోజులను తెలుసుకోగలుగుతాము. [QBR2] ఎక్కడ అస్తమించాలో సూర్యునికి ఎల్లప్పుడూ తెలుసు. [QBR]
20. చీకటిని నీవు రాత్రిగా చేశావు. [QBR2] ఆ సమయాన అడవి జంతువులు బయటికి వచ్చి చుట్టూరా సంచరిస్తాయి. [QBR]
21. సింహాలు దాడి చేసేటప్పుడు గర్జిస్తాయి. [QBR2] అవి దేవుడు వాటికిచ్చే ఆహారంకోసం ఆయనను ఆడుగుతున్నట్టు ఉంటుంది. [QBR]
22. మరల సూర్యుడు ఉదయించినప్పుడు [QBR2] ఆ జంతువులు తిరిగి వాటి నివాసాలకు వెళ్లి విశ్రమిస్తాయి. [QBR]
23. అప్పుడు ప్రజలు వారి పనుల కోసం బయటకు వెళ్తారు. [QBR2] సాయంత్రం వరకు వారు పని చేస్తారు.
24. యెహోవా, నీవు ఎన్నో ఆశ్చర్యకార్యాలు చేశావు. [QBR2] భూమి నీ కార్యాలతో నిండిపోయింది. [QBR2] నీవు చేసే ప్రతి పనిలో నీవు నీ జ్ఞానాన్ని ప్రదర్శిస్తావు. [QBR]
25. మహా సముద్రాన్ని చూడు. అది ఎంతో పెద్దది [QBR2] మహా సముద్రంలో రకరకాల ప్రాణులు నివసిస్తాయి. వాటిలో కొన్ని ప్రాణులు పెద్దవి కొన్ని చిన్నవి. [QBR2] మహా సముద్రంలో ఉండే వాటిని లెక్కించుటకు అవి చాలా విస్తారంగా ఉన్నాయి. [QBR]
26. మహా సముద్రంలో ఓడలు ప్రయాణం చేస్తాయి. [QBR2] నీవు చేసిన సముద్ర ప్రాణి మకరం [†మకరం సముద్ర రాక్షసి. సముద్రపు మహా శక్తికి గురుతు.] ఆ సముద్రంలో ఆడుకుంటుంది.
27. దేవా, ఆ ప్రాణులన్నీ నీ మీద ఆధారపడి ఉన్నాయి. [QBR2] దేవా, వాటికి సరియైన సమయంలో నీవు ఆహారంయిస్తావు. [QBR]
28. దేవా, జీవించే ప్రాణులన్నీ తినే ఆహారం నీవే వాటికి ఇస్తావు. [QBR2] మంచి భోజనంతో నిండిన నీ గుప్పిళ్లు నీవు విప్పగా అవి కడుపు నిండేంత వరకు భోజనము చేస్తాయి. [QBR]
29. నీవు వాటి నుండి తిరిగిపోయినప్పుడు [QBR2] అవి భయపడిపోతాయి. [QBR] వాటి ప్రాణం వాటిని విడిచి నప్పుడు అవి బలహీనమై చస్తాయి. [QBR2] మరియు అవి మరలమట్టి అయిపోతాయి. [QBR]
30. కాని యెహోవా, నీ ఆత్మను పంపినపుడు, అవి మరల ఆరోగ్యంగా ఉంటాయి. [QBR2] భూమి మరల కొత్తదిగా అవుతుంది.
31. యెహోవా మహిమ శాశ్వతంగా కొనసాగును గాక. [QBR2] యెహోవా చేసిన వాటిని ఆయన అనుభవించునుగాక. [QBR]
32. యెహోవా భూమివైపు చూసేటప్పుడు [QBR2] అది వణకుతుంది. [QBR] ఆయన పర్వతాలను ముట్టేటప్పుడు [QBR2] వాటినుండి పొగ లేవటానికి ప్రారంభిస్తుంది.
33. నా జీవితకాలం అంతా నేను యెహోవాకు పాడుతాను. [QBR2] నేను బతికి ఉండగా యెహోవాకు స్తుతులు పాడుతాను. [QBR]
34. నేను చెప్పిన విషయాలు ఆయనను సంతోషపెడతాయని నేను ఆశిస్తున్నాను. [QBR2] యెహోవా విషయమై నేను సంతోషిస్తున్నాను. [QBR]
35. భూమి మీద నుండి పాపం కనబడకుండా పోవును గాక. [QBR2] దుర్మార్గులు శాశ్వతంగా తొలగిపోవుదురు గాక. [QBR] నా ప్రాణమా, యెహోవాను స్తుతించు! యెహోవాను స్తుతించు! [PE]