1. దేవా, నా ప్రార్థనలను పెడచెవిని పెట్టవద్దు. [QBR]
2. దుర్మార్గులు నన్ను గూర్చి అబద్ధాలు చెబతున్నారు. [QBR2] నిజం కాని సంగతులు ఆ అబద్ధికులు చెబతున్నారు. [QBR]
3. ప్రజలు నన్ను గూర్చి ద్వేషపూరిత విషయాలు చెబతున్నారు. [QBR2] ఏ కారణం లేకుండానే ప్రజలు నా మీద దాడి చేస్తున్నారు. [QBR]
4. నేను వారిని ప్రేమిస్తున్నాను. కాని వారు నన్ను ద్వేషిస్తున్నారు. [QBR2] కనుక దేవా, ఇప్పుడు నేను నిన్ను ప్రార్థిస్తున్నాను. [QBR]
5. ఆ ప్రజలకు నేను మంచి పనులు చేశాను. [QBR2] కాని వారు నాకు చెడ్డపనులు చేస్తున్నారు. [QBR] నేను వారిని ప్రేమించాను. [QBR2] కాని వారు నన్ను ద్వేషించారు.
6. నా శత్రువు చేసిన చెడు కార్యాల కోసం అతనిని శిక్షించుము. [QBR2] వానిదే తప్పు అని రుజువు చేయగల ఒక మనిషిని చూడుము. [QBR]
7. నా శత్రువు తప్పు చేసిన దోషి అని న్యాయవాదిని తీర్పు చెప్పనీయుము. [QBR2] నా శత్రువు చెప్పే ప్రతి సంగతీ వానికి చెడుగావుండేటట్టు చేయుము. [QBR]
8. నా శత్రువును త్వరగా చావనీమ్ము. [QBR2] నా శత్రువు ఉద్యోగం మరొకరు తీసికొనును గాక! [QBR]
9. నా శత్రువు పిల్లలను అనాథలు కానిమ్ము, వాని భార్య విధవరాలు అగుగాక! [QBR]
10. వాళ్లు వారి ఇల్లు పోగొట్టుకొని భిక్షగాళ్లు అగుదురు గాక! [QBR]
11. నా శత్రువు ఎవరికైతే పైకం బాకీ ఉన్నాడో వాళ్లు అతనికి ఉన్నదంతా తీసుకోనివ్వుము. [QBR2] అతని కష్టార్జితం అంతా తెలియని వాళ్లెవరినో తీసికోనివ్వుము. [QBR]
12. నా శత్రువుకు ఎవ్వరూ దయ చూపించకూడదని నా ఆశ. [QBR2] అతని పిల్లలకు ఎవ్వరూ దయ చూపించకూడదని నా ఆశ. [QBR]
13. నా శత్రువును పూర్తిగా నాశనం చేయుము. [QBR2] తర్వాత తరంవారు అన్నిటిలోనుండి అతని పేరు తొలగించి వేయుదురు గాక. [QBR]
14. నా శత్రువు తండ్రి పాపాలను, తల్లి పాపాలను [QBR2] యెహోవా శాశ్వతంగా జ్ఞాపకం చేసికొంటాడని నా ఆశ. [QBR]
15. ఆ పాపాలను యెహోవా శాశ్వతంగా జ్ఞాపకం చేసికొంటాడని నా ఆశ. [QBR2] ప్రజలు నా శత్రువును పూర్తిగా మరచిపోయేటట్టు యెహోవా వారిని బలవంతం చేస్తాడని నా ఆశ. [QBR]
16. ఎందుకంటే, ఆ దుర్మార్గుడు ఎన్నడూ ఏ మంచీ చేయలేదు. [QBR2] అతడు ఎన్నడూ ఎవిరనీ ప్రేమించలేదు. [QBR2] అతడు నిరుపేద, నిస్సహాయ ప్రజలకు జీవితం ఎంతో కష్టకరం చేసాడు. [QBR]
17. ప్రజలకు సంభవించే చెడు సంగతులు శాపము చూడటానికి ఆ దుర్మార్గులునికి ఎంతో ఇష్టం. [QBR2] కనుక ఆ చెడు సంగతులు అతనికే సభవించనిమ్ము. [QBR] ప్రజల కోసం మంచి సంగతులు జరగాలని ఆ దుర్మార్గుడు ఎన్నడూ అడుగలేదు. [QBR2] కనుక అతనికి మంచి సంగతులేవీ జరుగనివ్వకుము. [QBR]
18. శాపాలే వానికి వస్త్రాలుగా ఉండనిమ్ము. [QBR] దుర్మర్గులు తాగేమదుకు శాపాలే నీళ్లుగా నీళ్లుగా ఉండనిమ్ము [QBR2] శాపాలే వాని శరీరం మీద తైలంగా ఉండనిమ్ము. [QBR]
19. శాపాలే ఆ దుర్మార్గునికి చుట్టే వస్త్రాలుగా ఉండనిమ్ము. [QBR2] శాపాలే వాని నడుం చుట్టూ దట్టిగా ఉండనిమ్ము.
20. నా శత్రువుకు వాటన్నిటినీ యెహోవా చేస్తాడని నేను ఆశిస్తున్నాను. [QBR2] నన్ను చంపాలని చూస్తున్న మనుష్యులందరికీ వాటన్నిటినీ యెహోవా చేస్తాడని నేను ఆశిస్తున్నాను. [QBR]
21. యెహోవా, నీవే నాకు ప్రభువు. కనుక నీ నామానికి గౌరవం కలిగే విధంగా నన్ను పరామర్శించు. [QBR2] నీకు ఎంతో గొప్ప ప్రేమ ఉంది. కనుక నన్ను రక్షించుము. [QBR]
22. నేను కేవలం నిరుపేద, నిస్సహాయ మనిషిని, [QBR2] నేను నిజంగా దుఃఖంగా ఉన్నాను, నా హృదయం పగిలిపోయింది. [QBR]
23. దినాంతంలో దీర్గ ఛాయలవలె నా జీవితం అయిపోయినట్టు నాకు అనుపిస్తుంది. [QBR2] ఎవరో నలిపివేసిని నల్లిలా ఉన్నట్టు నాకు అనిపిస్తుంది. [QBR]
24. నేను ఉపవాసం ఉండుటవలన నా మోకాళ్లు బలహీనంగా ఉన్నాయి. [QBR2] నా బరువు తగ్గిపోయి నేను సన్నబడుతున్నాను. [QBR]
25. చెడ్డవాళ్లు నన్ను అవమానిస్తారు. [QBR2] వారు నన్ను చూచి వారి తలలు ఊపుతారు. [QBR]
26. దేవా, యెహోవా! నాకు సహాయం చేయుము! [QBR2] నీ నిజమైన ప్రేమను చూపించి నన్ను రక్షించుము. [QBR]
27. అప్పుడు నీవు నాకు సహాయం చేశావని ఆ ప్రజలు తెలుసుకొంటారు. [QBR2] నాకు కలిగిన సహాయం నీ శక్తివల్ల అని వారు తెలుసుకొంటారు. [QBR]
28. ఆ దుర్మార్గులు నాకు శాపనార్థాలు పెడతారు; కాని యెహోవా, నీవు నన్ను ఆశీర్వదించగలవు. [QBR2] వారు నా మీద దాడి చేశారు కనుక వారిని ఓడించుము. [QBR2] అప్పుడు నీ సేవకుడనైన నేను సంతోషిస్తాను. [QBR]
29. నా శత్రువులను ఇబ్బంది పెట్టుము! [QBR2] వారు వారి సిగ్గును వారి అంగీలా ధరించనిమ్ము. [QBR]
30. యెహోవాకు నేను కృతజ్ఞతలు చెల్లిస్తున్నాను. [QBR2] అనేక మంది ప్రజల ఎదుట నేను ఆయనను స్తుతిస్తాను. [QBR]
31. ఎందుకంటే, నిస్సహాయ ప్రజల పక్షంగా యెహోవా నిలిచి ఉన్నాడు. [QBR2] వారిని మరణానికి అప్పగించాలని ప్రయత్నించే వారి నుండి దేవుడు వారిని రక్షిస్తాడు. [PE]