1. యెహోవా, నేను నీకు నన్ను అర్పించుకొంటాను. [QBR]
2. నా దేవా, నేను నిన్ను నమ్ముకొంటున్నాను. [QBR2] నేను నిరాశచెందను. [QBR2] నాశత్రువులు నన్ను చూచినవ్వరు. [QBR]
3. నిన్ను నమ్ముకొనే ఏ మనిషి నిరాశచెందడు. [QBR2] కానీ నమ్మక ద్రోహులు నిరాశపడతారు. [QBR2] వారికి ఏమీ దొరకదు.
4. యెహోవా, నీ మార్గాలు నేర్చుకొనుటకు నాకు సహాయం చేయుము. [QBR2] నీ మార్గాలను ఉపదేశించుము. [QBR]
5. నన్ను నడిపించి, నీ సత్యాలు నాకు ఉపదేశించుము. [QBR2] నీవు నా దేవుడవు, నా రక్షకుడవు. [QBR2] రోజంతా నేను నిన్ను నమ్ముతాను. [QBR]
6. యెహోవా, నా ఎడల దయ చూపుటకు జ్ఞాపకం ఉంచుకొనుము. [QBR2] నీవు ఎల్లప్పుడూ చూపిస్తూ వచ్చిన ఆ ప్రేమను నాయెడల చూపించుము. [QBR]
7. నేను యౌవ్వనంలో ఉన్నప్పుడు చేసిన పాపాలు చెడు కార్యాలు జ్ఞాపకం చేసుకోవద్దు. [QBR2] యెహోవా, నీ నామ ఘనతకోసం ప్రేమతో నన్ను జ్ఞాపకం చేసుకొనుము.
8. యెహోవా నిజంగా మంచివాడు. [QBR2] జీవించాల్సిన సరైన మార్గాన్ని పాపులకు ఆయన ఉపదేశిస్తాడు. [QBR]
9. దీనులకు ఆయన తన మార్గాలను ఉపదేశిస్తాడు. [QBR2] న్యాయంగా ఆయన వారిని నడిపిస్తాడు. [QBR]
10. యెహోవా ఒడంబడికను, వాగ్దానాలను ఆనుసరించే మనుష్యులందరికి [QBR2] ఆయన మార్గాలు దయగలవిగా, వాస్తవమైనవిగా ఉంటాయి.
11. యెహోవా, నేను ఎన్నెన్నో తప్పులు చేసాను. [QBR2] కానీ, నీ మంచితనం చూపించుటకు గాను, నేను చేసిన ప్రతి దానిని నీవు క్షమించావు.
12. ఒక వ్యక్తి యెహోవాను అనుసరించాలని కోరుకొంటే [QBR2] అప్పుడు శ్రేష్ఠమైన జీవిత విధానాన్ని దేవుడు ఆ వ్యక్తికి చూపిస్తాడు. [QBR]
13. ఆ వ్యక్తి మేళ్లను అనుభవిస్తాడు. [QBR2] అతనికిస్తానని దేవుడు వాగ్దానం చేసిన భూమిని ఆ వ్యక్తి పిల్లలు వారసత్వంగా పొందుతారు. [QBR]
14. యెహోవా తన అనుచరులకు తన రహస్యాలు చెబుతాడు. [QBR2] ఆయన తన అనుచరులకు తన ఒడంబడికను ఉపదేసిస్తాడు. [QBR]
15. నా కళ్లు సహాయం కోసం ఎల్లప్పుడూ యెహోవా వైపు చూస్తున్నాయి. [QBR2] ఆయన నన్ను ఎల్లప్పుడూ నా కష్టాల్లో నుంచి విడిపిస్తాడు.
16. యెహోవా, నేను బాధతో ఒంటరిగా ఉన్నాను. [QBR2] నా వైపు తిరిగి, నాకు నీ కరుణ ప్రసాదించుము. [QBR]
17. నా కష్టాలనుంచి నన్ను విడిపించుము. [QBR2] నా సమస్యలు పరిష్కరించబడుటకు నాకు సహాయం చేయుము. [QBR]
18. యెహోవా, నా పరీక్షలు, కష్టాలు చూడుము. [QBR2] నేను చేసిన పాపాలు అన్నింటి విషయంలో నన్ను క్షమించుము. [QBR]
19. నాకు ఉన్న శత్రువులు అందరినీ చూడుము, [QBR2] నా శత్రువులు నన్ను ద్వేషిస్తూ, నాకు హాని చేయాలని కోరుతున్నారు. [QBR]
20. దేవా, నన్ను కాపాడుము, నన్ను రక్షించుము. [QBR2] నేను నిన్ను నమ్ముకొన్నాను కనుక నన్ను నిరాశపర్చవద్దు. [QBR]
21. దేవా, నీవు నిజంగా మంచివాడివి నిన్ను నేను నమ్ముకొన్నాను [QBR2] కనుక నన్ను కాపాడుము. [QBR]
22. దేవా, ఇశ్రాయేలు ప్రజలను, వారి కష్టములనుండి రక్షించుము. [PE]