1. దేవా, నిన్ను గూర్చి మేము విన్నాము. [QBR2] మా పూర్వీకుల కాలంలో నీవు చేసిన కార్యాలను గూర్చి మా తండ్రులు మాతో చెప్పారు. [QBR2] చాలా కాలం క్రిందట నీవు చేసిన వాటిని గూర్చి వారు మాతో చెప్పారు. [QBR]
2. దేవా, నీ మహా శక్తితో ఇతరుల నుండి ఈ దేశాన్ని నీవు తీసుకొన్నావు. [QBR2] మరియు మా తండ్రులను ఇక్కడ ఉంచావు. [QBR] ఆ విదేశీ ప్రజలను నీవు చితుకగొట్టావు. [QBR2] వారు ఈ దేశం వదిలిపెట్టేలా బలవంతం చేశావు. నీవు మా తండ్రులను స్వతంత్రులుగా చెశావు. [QBR]
3. ఈ దేశాన్ని మా తండ్రుల ఖడ్గాలు స్వాధీనం చేసి కోలేదు. [QBR2] వారిని విజేతలుగా చేసింది వారి బలమైన హస్తాలు కావు. [QBR] నీవు మా తండ్రులకు తోడుగా ఉన్న కారణం చేతనే అది జరిగింది. [QBR2] దేవా, నీ మహా శక్తి మా తండ్రులను రక్షించింది. ఎందుకంటే వారిని నీవు ప్రేమించావు గనుకనే! [QBR]
4. నా దేవా, నీవు నా రాజువు. [QBR2] నీ ఆజ్ఞలే యాకోబు ప్రజలను విజయానికి నడిపించాయి. [QBR]
5. నా దేవా, నీ సహాయంతో మా శత్రువులను మేము వెనుకకు తోసివేసాము. [QBR2] నీ నామంతో, మా శత్రువుల మీదుగా మేము నడిచాము. [QBR]
6. నా విల్లును, బాణాలను నేను నమ్ముకోను. [QBR2] నా ఖడ్గం నన్ను రక్షించజాలదు. [QBR]
7. దేవా, మా విరోధుల నుండి నీవు మమ్మల్ని రక్షించావు. [QBR2] మా శత్రువుల్ని నీ వు సిగ్గుపరచావు. [QBR]
8. మేము ప్రతిరోజూ దేవుని స్తుతిస్తాము! [QBR2] నీ నామాన్ని శాశ్వతంగా మేము స్తుతిస్తాము!
9. కాని, దేవా, నీవు మమ్ముల్ని విడిచిపెట్టావు. నీవు మమ్ముల్ని ఇబ్బంది పెట్టావు. [QBR2] నీవు మాతో కూడ యుద్ధంలోనికి రాలేదు. [QBR]
10. మా శత్రువులు మమ్ముల్ని వెనుకకు నెట్టివేయనిచ్చావు. [QBR2] మా శత్రువులు మా ఐశ్వర్యాన్ని దోచుకున్నారు. [QBR]
11. గొర్రెల్ని ఆహారంగా తినుటకు ఇచ్చినట్టు నీవు మమ్ముల్నిచ్చి వేశావు. [QBR2] రాజ్యాల మద్య నీవు మమ్ముల్ని చెదరగొట్టావు. [QBR]
12. దేవా, నీ ప్రజలను నీవు విలువ లేకుండా అమ్మి చేశావు. [QBR2] ధర విషయం నీవేమీ వాదించలేదు. [QBR]
13. మా యిరుగు పొరుగు వారికి నీవు మమ్ముల్ని హాస్యాస్పదం చేశావు. [QBR2] మా యిరుగు పొరుగు వారు మమ్మల్ని చూచి నవ్వుతూ హేళన చేస్తారు. [QBR]
14. మేము ప్రజలు చెప్పుకొనే హాస్యాస్పద కథలలో పాత్రల్లా ఉన్నాము. [QBR2] ప్రజలు మమ్ముల్ని చూచి నవ్వుతూ వారి తలలు ఊపుతారు. [QBR]
15. నేను సిగ్గుతో కప్పబడి ఉన్నాను. [QBR2] రోజంతా నా అవమానాన్ని నేను చూస్తున్నాను. [QBR]
16. నా శత్రువు నన్ను ఇబ్బంది పెట్టాడు. [QBR2] నా శత్రువు నన్ను హేళన చేయడం ద్వారా నా మీద కక్ష సాధిస్తున్నాడు. [QBR]
17. దేవా, మేము నిన్ను మరచిపోలేదు. [QBR2] అయినప్పటికీ వాటన్నిటినీ నీవు మాకు చేస్తున్నావు. [QBR] మేము నీతో మా ఒడంబడికపై సంతకం చేసినప్పుడు మేము అబద్ధమాడలేదు! [QBR]
18. దేవా, మేము నీ నుండి తిరిగిపోలేదు. [QBR2] నిన్ను అనుసరించటం మేము మానుకోలేదు. [QBR]
19. కాని, దేవా, నక్కలు నివసించే ఈ స్థలంలో నీవు మమ్ముల్ని చితుక గొట్టావు. [QBR2] మరణం అంత చీకటిగా ఉన్న ఈ స్థలంలో నీవు మమ్ముల్ని కప్పివేశావు. [QBR]
20. మా దేవుని పేరు మేము మరచిపోయామా? [QBR2] అన్యదేవతలకు మేము ప్రార్థించామా? లేదా! [QBR]
21. నిజంగా ఈ విషయాలు దేవునికి తెలుసు. [QBR2] లోత్తెన రహస్యాలు సహితం ఆయనకు తెలుసు. [QBR]
22. దేవా, నీకోసం ప్రతి రోజూ చెంపబడుతున్నాము! [QBR2] చంపటానికి నడిపించబడే గొర్రెల్లా ఉన్నాము మేము. [QBR]
23. నా ప్రభువా, లెమ్ము! [QBR2] నీవేల నిద్రపోవుతున్నావు? [QBR2] లెమ్ము! మమ్ముల్ని శాశ్వతంగా విడిచిపెట్టకుము! [QBR]
24. దేవా, మానుండి నీవేల దాక్కుంటున్నావు. [QBR2] మా బాధ, కష్టాలు నీవు ఎందుకు మరచిపోయావు? [QBR]
25. బురదలోకి మేము తోసివేయబడ్డాము. [QBR2] మేము దుమ్ములో బోర్లా పడి ఉన్నాము. [QBR]
26. దేవా, లేచి మాకు సహాయం చేయుము! [QBR2] నీ మంచితనాన్ని బట్టి మమ్ముల్ని రక్షించుము. [PE]