1. దేవా, లేచి నీ శత్రువులను చెదరగొట్టుము. [QBR2] ఆయన శత్రువులు అందరూ ఆయన దగ్గర్నుండి పారిపోయెదరుగాక! [QBR]
2. గాలికి ఎగిరిపోయే పొగలా [QBR2] నీ శత్రువులు చెదరిపోవుదురుగాక. [QBR] అగ్నిలో మైనం కరిగిపోయేలా [QBR2] నీ శత్రువులు నాశనం చేయబడుదురుగాక. [QBR]
3. కాని మంచి మనుష్యులు సంతోషంగా ఉన్నారు. [QBR2] మంచి మనుష్యులు దేవునితో కలసి సంతోషంగా గడుపుతున్నారు. మంచి మనుష్యులు ఆనందం అనుభవిస్తూ సంతోషంగా ఉన్నారు. [QBR]
4. దేవుని స్తుతించండి. ఆయన నామమునకు స్తుతులు పాడండి. [QBR2] ఆయనకు మార్గం సిద్ధపరచండి. ఆరణ్యంలో ఆయన తన రథం మీద వెళ్తాడు. [QBR] ఆయన పేరు యాహ్. [*యాహ్ ఇది హీబ్రూ భాషలో దేవునికున్న పేర్లలో ఒకటి.] [QBR2] ఆయన నామాన్ని స్తుతించండి. [QBR]
5. ఆయన పవిత్ర ఆలయంలో దేవుడు అనాధలకు తండ్రిలా ఉన్నాడు. [QBR2] దేవుడు విధవరాండ్రను గూర్చి జాగ్రత్త పుచ్చుకొంటాడు. [QBR]
6. ఒంటరిగా ఉన్న మనుష్యులకు దేవుడు ఒక ఇంటిని ఇస్తాడు. [QBR2] దేవుడు తన ప్రజలను కారాగారం నుండి విడిపిస్తాడు. వారు చాలా సంతోషంగా ఉన్నారు. [QBR2] కాని దేవునికి విరోధంగా తిరిగే మనుష్యులు దహించు సూర్య వేడిమిగల దేశంలో నివసిస్తారు.
7. దేవా, నీ ప్రజలను నీవు ఈజిప్టు నుండి బయటకు రప్పించావు. [QBR2] ఎడారిగుండా నీవు నడిచావు. [QBR]
8. భూమి కంపించింది. [QBR2] దేవుడు, ఇశ్రాయేలీయుల దేవుడు, సీనాయి కొండ మీదికి వచ్చాడు. మరియు ఆకాశం కరిగిపోయింది. [QBR]
9. దేవా, నీవు వర్షం కురిపించావు [QBR2] మరియు నిస్సారమైన పాత భూమిని నీవు మరల బలపరిచావు. [QBR]
10. నీ పశువులు ఆ దేశానికి తిరిగి వచ్చాయి. [QBR2] దేవా, అక్కడ పేద ప్రజలకు నీవు ఎన్నో మంచి వాటిని యిచ్చావు. [QBR]
11. దేవుడు ఆజ్ఞ ఇచ్చాడు. [QBR2] నా శుభవార్త చెప్పడానికి అనేక మంది ప్రజలు వెళ్లారు. [QBR]
12. “శక్తిగల రాజుల సైన్యాలు పారిపోతున్నాయి. [QBR2] యుద్ధం నుండి సైనికులు తెచ్చే వస్తువులు ఇంటి వద్ద స్త్రీలు పంచుకొంటారు. [QBR]
13. ఇంటి దగ్గర ఉండిపోయిన మనుష్యులు ఆ ఐశ్వర్యాలను సంచుకొంటారు. [QBR2] వారు పావురపు రెక్కలకు వెండిపూత పూస్తారు. ఆ రెక్కలను వారు బంగారు పూతతో తళ తళ మెరిపిస్తారు.”
14. సల్మోను కొండ మీద శత్రురాజులను దేవుడు చెదరగొట్టాడు. [QBR2] వారు పడిపోతున్న మంచులా ఉన్నారు. [QBR]
15. బాషాను పర్వతం చాలా గొప్ప పర్వతం, బాషాను పర్వతానికి ఎన్నో శిఖరాలు ఉన్నాయి. [QBR]
16. బాషాను పర్వతమా, నీవేల సీయోను కొండను చిన్న చూపు చూస్తున్నావు? [QBR2] దేవుడు ఆ కొండను ప్రేమిస్తున్నాడు. [QBR2] యెహోవా తాను శాశ్వతంగా అక్కడ నివసించాలని నిర్ణయించుకొన్నాడు. [QBR]
17. యెహోవా పరిశుద్ధమైన సీయోను కొండకు వస్తున్నాడు. [QBR2] ఆయన వెనుక ఆయన రథాలు లక్షలాదిగా ఉన్నాయి. [QBR]
18. ఆయన ఎత్తయిన చోట్లకు వెళ్లాడు. [QBR2] ఆయన తన బందీల బృందాలను నడిపించాడు. [QBR] ఆయన మనుష్యులనుండి అనగా ఆయనను [QBR2] వ్యతిరేకించిన ప్రజలనుండి కూడ కానుకలు తీసుకొన్నాడు [†కానుకలు తీసుకొన్నాడు ‘ఆయన మనుష్యులను కానుకగా స్వీకరించాడు” లేదా “ఆయన మనుష్యులకు కానుకలనిచ్చాడు.” ఇది ప్రాచీన సిరియాక్ మరియు అరమేయిక్ తర్జుమాల ప్రకారం. ఎఫెసి. 4:8 చూడండి.] [QBR]
19. యెహోవాను స్తుతించండి. [QBR2] మనం మోయాల్సిన బరువులు మోయటంలో ప్రతిరోజూ ఆయన మనకు సహాయం చేస్తాడు. [QBR2] దేవుడు మనల్ని రక్షిస్తాడు.
20. ఆయనే మన దేవుడు. ఆయనే మనలను రక్షించే దేవుడు. [QBR2] మన యోహోవా దేవుడు మనల్ని మరణంనుండి రక్షిస్తాడు. [QBR]
21. దేవుడు తన శత్రువులను ఓడించినట్టు చూపిస్తాడు. [‡దేవుడు … చూపిస్తాడు అక్షరార్థముగా దేవుడు తన శత్రువుల తలలను చితుకగొడతాడు.] [QBR2] దేవుడు తనకు విరోధంగా పోరాడిన వారిని శిక్షిస్తాడు. [QBR]
22. నా ప్రభువు ఇలా చెప్పాడు: “శత్రువును తిరిగి బాషాను నుండి నేను రప్పిస్తాను. [QBR2] సముద్రపు లోతుల నుండి శత్రువును నేను రప్పిస్తాను. [QBR]
23. కనుక నీవు వారి రక్తంలో నడువవచ్చు [QBR2] కనుక మీ కుక్కలు వారి రక్తం నాకవచ్చు.”
24. విజయ ఊరేగింపును దేవుడు నడిపించటం ప్రజలు చూస్తారు. [QBR2] నా పరిశుద్ధ దేవుడు, నా రాజు విజయంతో ఊరేగింపు నడిపించటం ప్రజలు చూస్తారు. [QBR]
25. గాయకులు ముందు నడుస్తారు. వారి వెనుక వాయిద్య బృందం నడుస్తారు. [QBR2] మధ్యలో ఆడపడుచులు తంబరలు వాయిస్తారు. [QBR]
26. మహా సమాజంలో దేవుని స్తుతించండి. [QBR2] ఇశ్రాయేలు ప్రజలారా, యెహోవాను స్తుతించండి. [QBR]
27. చిన్న బెన్యామీను వారిని నడిపిస్తున్నాడు. [QBR2] యూదా మహా వంశం అక్కడ ఉంది. [QBR2] జెబూలూను, నఫ్తాలి నాయకులు అక్కడ ఉన్నారు.
28. దేవా, నీ శక్తి మాకు చూపించుము, [QBR2] దేవా, గత కాలంలో మాకోసం నీవు ఉపయోగించిన నీ శక్తి మాకు చూపించుము. [QBR]
29. రాజులు వారి ఐశ్వర్యాలను నీ వద్దకు, [QBR2] యెరూషలేములోని మందిరానికి తీసుకొని వస్తారు. [QBR]
30. ఆ “జంతువులు” నీవు చెప్పినట్లు చేసేలా నీ దండాన్ని ఉపయోగించుము. [QBR2] ఆ దేశాలలోని “ఎద్దులు, ఆవులు” నీకు లోబడేలా చేయుము [QBR] ఆ రాజ్యాలను యుద్ధంలో [QBR2] నీవు ఓడించావు. [QBR] ఇప్పుడు వారు నీ వద్దకు వెండి [QBR2] తీసుకొని వచ్చు నట్లు చేయుము. [QBR]
31. వారు ఈజిప్టు నుండి ఐశ్వర్యం తీసుకొని వచ్చేలా చేయుము. [QBR2] దేవా, ఇథియోపియా (కూషు) వారు వారి ఐశ్వర్యాన్ని నీ వద్దకు తెచ్చేలా చేయుము. [QBR]
32. భూ రాజులారా దేవునికి పాడండి. [QBR2] మన యెహోవాకు స్తుతి కీర్తనలు పాడండి.
33. దేవునికి పాడండి. ప్రాచీన ఆకాశాలలో ఆయన తన రథాల మీద పయనిస్తున్నాడు. [QBR2] ఆయన శక్తిగల స్వరాన్ని ఆలకించండి. [QBR]
34. మీ దేవుళ్లు అందరి కంటె యెహోవా ఎక్కువ శక్తిగలవాడు. [QBR2] ఇశ్రాయేలీయుల దేవుడు తన ప్రజలను బలపరుస్తాడు. [QBR]
35. దేవుడు తన ఆలయంలో ఆశ్చర్యకరుడు. [QBR] ఇశ్రాయేలీయుల దేవుడు తన ప్రజలకు శక్తి, బలాన్ని ఇస్తాడు. [QBR] దేవుని స్తుతించండి. [PE]