1. నేను నిరుపేద, నిస్సహాయుణ్ణి. [QBR2] యోహావా, దయతో నా మాట విని నా ప్రార్థనకు జవాబు ఇమ్ము. [QBR]
2. యెహోవా, నేను నీ అనుచరుడను. దయతో నన్ను కాపాడు. [QBR2] నేను నీ సేవకుడను. నీవు నా దేవుడవు. [QBR2] నేను నిన్ను నమ్ముకొన్నాను. కనుక నన్ను రక్షించుము. [QBR]
3. నా ప్రభువా నా మీద దయ చూపించుము. [QBR2] రోజంతా నేను నీకు ప్రార్థన చేస్తున్నాను. [QBR]
4. ప్రభువా, నా జీవితాన్ని నేను నీ చేతుల్లో పెడుతున్నాను. [QBR2] నన్ను సంతోషపెట్టుము, నేను నీ సేవకుడను. [QBR]
5. ప్రభువా, నీవు మంచివాడవు, దయగలవాడవు. [QBR2] సహాయం కోసం నిన్ను వేడుకొనే నీ ప్రజలను నీవు నిజంగా ప్రేమిస్తావు. [QBR]
6. యెహోవా, దయకోసం నేను మొరపెట్టుకునే [QBR2] నా ప్రార్థనలు ఆలకించుము. [QBR]
7. యెహోవా, నా కష్టకాలంలో నేను నిన్ను ప్రార్థిస్తున్నాను. [QBR2] నీవు నాకు జవాబు యిస్తావని నాకు తెలుసు. [QBR]
8. దేవా, నీవంటివారు మరొకరు లేరు. [QBR2] నీవు చేసిన వాటిని ఎవ్వరూ చేయలేరు. [QBR]
9. ప్రభువా, నీవే అందరినీ సృష్టించావు. [QBR2] వారందరూ నిన్ను ఆరాధించెదరు గాక. వాళ్లంతా నీ నామాన్ని ఘనపరిచెదరు గాక. [QBR]
10. దేవా, నీవు గొప్పవాడవు! నీవు అద్భుత కార్యాలు చేస్తావు. [QBR2] నీవు మాత్రమే దేవుడవు. [QBR]
11. యెహోవా నీ మార్గాలు నాకు నేర్పించు [QBR2] నేను నీ సత్యాలకు లోబడి జీవిస్తాను. [QBR] నిన్నారాధించుటయే నా జీవితంలోకెల్లా [QBR2] అతి ముఖ్యాంశంగా చేయుము. [QBR]
12. దేవా, నా ప్రభువా నేను నా పూర్ణ హృదయంతో నిన్ను స్తుతిస్తాను. [QBR2] నీ నామాన్ని నేను శాశ్వతంగా కీర్తిస్తాను. [QBR]
13. దేవా నా యెడల నీకు ఎంతో గొప్ప ప్రేమ ఉంది. [QBR2] మరణపు అగాథ స్థలం నుండి నీవు నన్ను రక్షిస్తావు. [QBR]
14. దేవా, గర్విష్టులు నాపై పడుతున్నారు. [QBR2] కృ-రులైన మనుష్యుల గుంపు నన్ను చంపుటకు ప్రయత్నిస్తున్నారు. [QBR2] ఆ మనుష్యులు నిన్ను గౌరవించటం లేదు. [QBR]
15. ప్రభూ, నీవు, దయ, కరుణగల దేవుడవు. [QBR2] నీవు సహనం నమ్మకత్వం, ప్రేమతో నిండి ఉన్నావు. [QBR]
16. దేవా, నీవు నా మాట వింటావని నా యెడల దయగా ఉంటావని చూపించుము. [QBR2] నాకు బలాన్ని అనుగ్రహించుము. నేను నీ సేవకుడను. [QBR2] నన్ను రక్షించుము. నేను నీ సేవకుడను. [QBR]
17. దేవా, నీవు నాకు సహాయం చేస్తావని రుజువు చేయుటకు ఏదైనా చేయుము. [QBR2] అప్పుడు నా శత్రువులు నిరాశ చెందుతారు. [QBR2] ఎందుకంటే ప్రభూ, నీవు నా యెడల దయ చూపించావని, నాకు సహాయం చేశావని అది తెలియచేస్తుంది. [PE]