1. పూర్ణ హృదయంతో నేను యెహోవాను స్తుతిస్తాను. [QBR2] యెహోవా, నీవు చేసిన అద్భుతకార్యాలన్నింటిని గూర్చి నేను చెబుతాను. [QBR]
2. నీవు నన్ను ఎంతగానో సంతోషింపజేస్తున్నావు. [QBR2] మహోన్నతుడవైన దేవా, నీ నామానికి నేను స్తుతులు పాడుతాను. [QBR]
3. నా శత్రువులు నీ నుండి పారిపోయేందుకు మళ్లు కొన్నారు. [QBR2] కానీ వారు పడిపోయి, నాశనం చేయబడ్డారు.
4. నీవే మంచి న్యాయమూర్తివి. న్యాయమూర్తిగా నీవు నీ సింహాసనం మీద కూర్చున్నావు. [QBR2] యెహోవా, నీవు నా వ్యాజ్యెం విన్నావు. మరియు నన్ను గూర్చి న్యాయ నిర్ణయం చేశావు. [QBR]
5. యూదులు కాని ఆ మనుష్యులతో నీవు కఠినంగా మాట్లాడావు. [QBR2] యెహోవా, ఆ చెడ్డ మనుష్యుల్ని నీవు నాశనం చేశావు. [QBR2] బతికి ఉన్న మనుష్యుల జాబితాలో నుండి శాశ్వతంగా ఎప్పటికి వారి పేర్లను నీవు తుడిచి వేసావు. [QBR]
6. శత్రువు పని అంతం అయిపోయింది. [QBR2] యెహోవా, వారి పట్టణాలను నీవు నాశనం చేశావు. [QBR2] ఇప్పుడు శిథిల భవనాలు మాత్రమే మిగిలి ఉన్నాయి. [QBR2] ఆ దుర్మార్గపు ప్రజలను జ్ఞాపకం చేసుకొనేటట్టు చేసేది ఏమీ మిగల్లేదు.
7. అయితే యెహోవా శాశ్వతంగా పరిపాలిస్తాడు. [QBR2] యెహోవా తన రాజ్యాన్ని బలమైనదిగా చేసాడు. లోకానికి న్యాయం చేకూర్చేందుకు ఆయన దీనిని చేశాడు. [QBR]
8. భూమి మీద మనుష్యులందరికీ యెహోవా న్యాయంగా తీర్పు తీరుస్తాడు. [QBR2] యెహోవా రాజ్యాలన్నింటికి ఒకే విధంగా తీర్పు తీరుస్తాడు. [QBR]
9. అనేకమంది ప్రజలకు అనేక కష్టాలు ఉన్నాయి [QBR2] గనుక వారు చిక్కుబడి, బాధ పొందుతున్నారు. [QBR] ఆ ప్రజలు వారి సమస్యల భారంతో నలిగిపోతున్నారు. [QBR2] యెహోవా, వారు పారిపోవుటకు భద్రతాస్థలంగా ఉండుము.
10. నీ నామం తెలిసిన ప్రజలు [QBR2] నీమీద విశ్వాసం ఉంచాలి. [QBR] యెహోవా, ప్రజలు నీ దగ్గరకు వస్తే [QBR2] సహాయం చేయకుండా నీవు వారిని విడిచి పెట్టవు.
11. సీయెనులో నివసిస్తున్న ప్రజలారా మీరు యెహోవాకు స్తుతులు పాడండి. [QBR2] యెహోవా చేసిన గొప్ప కార్యాలను గూర్చి ఇతర దేశాలతో చెప్పండి. [QBR]
12. సహాయం కోసం యెహోవా దగ్గరకు వెళ్లిన వారిని [QBR2] ఆయన జ్ఞాపకం చేసుకొన్నాడు. [QBR] ఆ దీన ప్రజలు సహాయం కోసం మొరపెట్టారు. [QBR2] మరి యెహోవా వారిని మరచిపోలేదు.
13. దేవుణ్ణి నేను ఇలా ప్రార్థించాను: “యెహోవా, నా మీద దయ చూపుము. [QBR2] నా శత్రువులు నాకు హాని చేస్తున్న విధం చూడుము. [QBR2] ‘మరణ ద్వారాల’ నుండి నన్ను రక్షించుము. [QBR]
14. తర్వాత యెరూషలేము గుమ్మాల దగ్గర, యెహోవా, నేను నీకు స్తుతులు పాడగలను. [QBR2] నీవు నన్ను రక్షించావు గనుక నేను చాలా సంతోషంగా ఉంటాను.”
15. యూదులు కాని ఆ ప్రజలు, ఇతర ప్రజలను ఉచ్చులో వేయుటకు గోతులు త్రవ్వారు. [QBR2] కాని, యూదులుకాని ఆ ప్రజలు, వారి ఉచ్చులో వారే పడ్డారు. [QBR2] ఆ మనుష్యులు ఇతర ప్రజలను పట్టడానికి వలలు మాటున పెట్టారు. [QBR2] కాని, వారి పాదాలే ఆ వలల్లో చిక్కుబడ్డాయి. [QBR]
16. యెహోవా న్యాయం జరిగిస్తాడని ప్రజలు తెలుసుకొన్నారు. [QBR2] యెహోవా చేసిన దాని మూలంగా ఆ దుర్మార్గులు పట్టుబడ్డారు. దాని విషయం ఆలోచించుము. హిగ్గాయోన్ [*హిగ్గాయోన్ అర్థం మౌనంగా ఆలోచించు సమయము.]
17. దేవుని మరచే ప్రజలు దుష్టులు. [QBR2] ఆ మనుష్యులు చచ్చినవారి చోటికి వెళ్తారు. [QBR]
18. ఆ పేదలకు ఇక నిరీక్షణ లేదేమో అన్నట్లు కనిపిస్తుంది. [QBR2] కాని నిజంగా దేవుడు వారిని శాశ్వతంగా మరచిపోడు.
19. యెహోవా, లేచి దేశాలకు తీర్పు తీర్చుము. [QBR2] వారే శక్తిగలవారు అని ప్రజలను తలచనీయకుము. [QBR]
20. ప్రజలకు పాఠం నేర్పించు. [QBR2] వారు కేవలం మానవ మాత్రులేనని వారిని తెలుసుకోనిమ్ము. [PE]