1. ప్రభూవా, శాశ్వతంగా నీవే మా నివాసం. [QBR]
2. పర్వతాలు, భూమి, ప్రపంచం చేయబడక ముందే నీవు దేవుడిగా ఉండినావు. [QBR2] దేవా, ఇదివరకు ఎల్లప్పుడూ నీవే దేవుడవు మరియు ఎప్పటికి నీవే దేవునిగా ఉంటావు.
3. మనుష్యులను తిరిగి మట్టిగా మారుస్తావు. మనుష్య కుమారులారా. [QBR2] తిరిగి రండని నీవు చెప్పుతావు. [QBR]
4. నీ దృష్టిలో వేయి సంవత్సరాలు గడచిపోయిన ఒక రోజువలె ఉంటాయి. [QBR2] గత రాత్రిలా అవి ఉన్నాయి. [QBR]
5. నీవు మమ్మల్ని ఊడ్చివేస్తావు. మా జీవితం ఒక కలలా ఉంది. మర్నాడు ఉదయం మేము ఉండము. [QBR] మేము గడ్డిలా ఉన్నాము. [QBR2]
6. ఉదయం గడ్డి పెరుగుతుంది. [QBR2] సాయంత్రం అది ఎండిపోయి వుంటుంది. [QBR]
7. దేవా, నీకు కోపం వచ్చినప్పుడు మేము నాశనం అవుతాము. [QBR2] నీ కోపం మమ్మల్ని భయపెడుతుంది! [QBR]
8. మా పాపాలు అన్నింటిని గూర్చి నీకు తెలుసు. [QBR2] దేవా, మా రహస్య పాపాలలో ప్రతి ఒక్కటి నీవు చూస్తావు. [QBR]
9. నీ కోపం నా జీవితాన్ని అంతం చేయవచ్చు. [QBR2] మా సంవత్సరాలు నిట్టూర్పులా అంతమయి పోతాయి. [QBR]
10. మేము 70 సంవత్సరాలు జీవిస్తాము. [QBR2] బలంగా వుంటే 80 సంవత్సరాలు జీవిస్తాము. [QBR] మా జీవితాలు కష్టతరమైన పనితోను బాధతోను నిండి ఉన్నాయి. [QBR2] అప్పుడు అకస్మాత్తుగా మా జీవితాలు అంతం అవుతాయి. మేము ఎగిరిపోతాము. [QBR]
11. దేవా, నీ కోపం యొక్క పూర్తి శక్తి ఏమిటో నిజంగా ఎవరికీ తెలియదు. [QBR2] కాని దేవా, నీ యెడల మాకున్న భయము, గౌరవం నీ కోపమంత గొప్పవి. [QBR]
12. మాకు జ్ఞానోదయం కలిగేలా మా జీవితాలు [QBR2] నిజంగా ఎంత కొద్దిపాటివో మాకు నేర్పించుము. [QBR]
13. యెహోవా, ఎల్లప్పుడూ మా దగ్గరకు తిరిగి రమ్ము. [QBR2] నీ సేవకులకు దయ చూపించుము. [QBR]
14. ప్రతి ఉదయం నీ ప్రేమతో మమ్మల్ని నింపుము. [QBR2] మేము సంతోషించి, మా జీవితాలు అనుభవించగలిగేలా చేయుము. [QBR]
15. మా జీవితాల్లో చాలా దుఃఖం, కష్టాలు నీవు కలిగించావు. [QBR2] ఇప్పుడు మమ్మల్ని సంతోషింపచేయుము. [QBR]
16. వారి కోసం నీవు చేయగల ఆశ్చర్య కార్యాలను నీ సేవకులను చూడనిమ్ము. [QBR2] వారి సంతానాన్ని నీ ప్రకాశమును చూడనిమ్ము. [QBR]
17. మా దేవా, మా ప్రభూ, మా యెడల దయచూపించుము. [QBR2] మేము చేసే ప్రతిదానిలో మాకు సఫలత అనుగ్రహించుము. [PE]