1. {దావీదు స్తుతిగీతం} [PS] యెహోవా తనను సౌలు బారి నుండి, తన శత్రువులందరి నుండి తప్పించిన రోజున దావీదు యెహోవాకు ఈ పాట పాడాడు. [PE][PS] అతడిలా ప్రార్థించాడు. [QBR]
2. యెహోవా నా ఆశ్రయ శిల, నా కోట, నా రక్షకుడు. [QBR]
3. నా ఆశ్రయ శిల, నేను ఆయన సంరక్షణలో ఉంటాను. [QBR] నా డాలు, నా రక్షణ కొమ్ము, నా సురక్ష. ఆశ్రయస్థానం. [QBR] హింస నుండి నన్ను కాపాడేవాడు. [QBR]
4. స్తుతికి అర్హుడైన యెహోవాకు నేను మొర్రపెట్టాను. [QBR] నా శత్రువుల చేతిలోనుండి నేను తప్పించుకుంటాను. [QBR]
5. మృత్యుకెరటాలు నన్ను చుట్టుకున్నాయి. [QBR] భక్తిహీనుల వరద పొంగు నన్ను ముంచెత్తింది. [QBR]
6. పాతాళ [* పాతాళ చనిపోయిన వారి ప్రదేశం] పాశాలు నన్ను కట్టి వేశాయి. [QBR] మరణపు ఉచ్చులు నన్ను చిక్కించుకున్నాయి. [QBR]
7. నా దురవస్థలో నేను యెహోవాకు మొర్ర పెట్టాను. [QBR] నా దేవునికి విన్నవించుకున్నాను. [QBR] ఆయన తన ఆలయంలో నా ఆక్రోశం విన్నాడు. [QBR] నా మొర్ర ఆయన చెవులకు చేరింది. [QBR]
8. అప్పుడు భూమి కంపించింది. అదిరింది. [QBR] పరమండలపు పునాదులు వణికాయి. [QBR] ఆయన కోపానికి అవి కంపించాయి. [QBR]
9. ఆయన ముక్కుపుటాల్లో నుంచి నుండి పొగ లేచింది. [QBR] ఆయన నోట నుండి జ్వాలలు వచ్చాయి. [QBR] అవి నిప్పు కణాలను రగిల్చాయి. [QBR]
10. ఆకాశాన్ని చీల్చి ఆయన దిగి వచ్చాడు [QBR] ఆయన పాదాల కింద చిక్కటి చీకటి కమ్మి ఉంది. [QBR]
11. ఆయన కెరూబును అధిరోహించి వచ్చాడు. [QBR] గాలి రెక్కల మీద స్వారీ చేస్తూ కనిపించాడు. [QBR]
12. అంధకారాన్ని తన చుట్టూ గుడారంగా చేసుకున్నాడు. [QBR] దట్టమైన కారుమబ్బులను ఆకాశంలో రాశి పోశాడు. [QBR]
13. ఆయన సన్నిధి మెరుపుల్లోనుండి అగ్ని కణాలు కురిశాయి. [QBR]
14. యెహోవా ఆకాశం నుండి గర్జించాడు. [QBR] సర్వోన్నతుడు భీకర ధ్వని చేశాడు. [QBR]
15. తన బాణాలు వేసి శత్రువులను చెదరగొట్టాడు. [QBR] ఉరుములు కురిపించి వారిని కకావికలు చేశాడు. [QBR]
16. యెహోవా యుధ్ధ ధ్వనికి [QBR] ఆయన ముక్కుపుటాల నుండి వెలువడిన సెగకి [QBR] భూగోళం పునాది రాళ్లు బయట పడ్డాయి. [QBR]
17. పైనుండి చెయ్యి చాపి ఆయన నన్ను పట్టుకున్నాడు. [QBR] నురగలు కక్కుతున్న జలరాసుల్లో నుండి నన్ను బయటికి తీశాడు. [QBR]
18. బలవంతులైన పగవారి నుండి, నన్ను ద్వేషించే వారినిండి, [QBR] నన్ను లొంగదీసుకునే వారి నుండి ఆయన నన్ను రక్షించాడు. [QBR]
19. విపత్కర సమయంలో వారు నా మీదికి వచ్చారు. [QBR] కానీ యెహోవా నాకు అండగా ఉన్నాడు. [QBR]
20. యెహోవా విశాలమైన చోటికి నన్ను తోడుకుని వచ్చాడు. [QBR] నేనంటే ఆయనకు ఇష్టం గనక ఆయన నన్ను రక్షించాడు. [QBR]
21. నా నీతినిబట్టి ఆయన నాకు ప్రతిఫలమిచ్చాడు. [QBR] నా నిర్దోషత్వాన్ని బట్టి నాకు పూర్వ క్షేమ స్థితి కలిగించాడు. [QBR]
22. ఎందుకంటే యెహోవా మార్గాలను నేను అనుసరిస్తున్నాను. [QBR] నా దేవుని నుండి వైదొలగి దుర్మార్గంగా ప్రవర్తించలేదు. [QBR]
23. ఆయన న్యాయవిధులన్నీ నా కళ్ళెదుటే ఉన్నాయి. [QBR] ఆయన కట్టడల నుండి ఎప్పుడూ దారి తొలగ లేదు. [QBR]
24. ఆయన దృష్టికి నిర్దోషిగా ఉన్నాను. [QBR] పాపానికి దూరంగా ఉన్నాను. [QBR]
25. నా నీతినిబట్టి యెహోవా నాకు పూర్వ క్షేమస్థితి కలిగించాడు [QBR] తన దృష్టిలో నా నిర్దోషత్వాన్ని బట్టి నాకు ప్రతిఫలమిచ్చాడు. [QBR]
26. నమ్మదగిన వారికి నీవు నమ్మదగిన వాడిగా ఉంటావు. [QBR] యథార్థవంతుల పట్ల నీవు యథార్థవంతుడవుగా ఉంటావు. [QBR]
27. నిష్కళంకుల యెడల నీవు నిష్కళంకంగా ఉంటావు. [QBR] వక్ర బుద్ది గలవారి యెడల వికటంగా ఉంటావు. [QBR]
28. యాతన పడే వారిని రక్షిస్తావు [QBR] గర్విష్ఠులకు విరోధివై వారిని అణచి వేస్తావు. [QBR]
29. యెహోవా, నీవు నాకు దీపం. [QBR] యెహోవా నా చీకటిని వెలుగుగా మార్చు. [QBR]
30. నీ సహాయంతో నేను అడ్డుకంచెలు అధిగమిస్తాను [† అధిగమిస్తాను అణిచివేస్తాను] . [QBR] నా దేవుని సహాయంతో నేను ప్రాకారాలను దాటుతాను. [QBR]
31. దేవుని మార్గం పరిపూర్ణం [QBR] యెహోవా వాక్కు నిర్మలం [QBR] ఆయన అండజేరిన వారికందరికి ఆయన డాలు. [QBR]
32. యెహోవా తప్ప దేవుడేడి? [QBR] మన దేవుడు తప్ప ఆశ్రయదుర్గమేది? [QBR]
33. దేవుడు నాకు బలమైన కోట. [QBR] ఆయన తన మార్గాల్లో యథార్థవంతులను నడిపిస్తాడు. [QBR]
34. ఆయన నా కాళ్లు జింకకాళ్లవలె చేస్తాడు. [QBR] పర్వతాలపై నన్ను నిలుపుతాడు. [QBR]
35. నా చేతులకు యుద్ధం నేర్పేవాడు ఆయనే [QBR] నా బాహువులు ఇత్తడి విల్లును ఎక్కుబెడతాయి. [QBR]
36. నీవు నీ రక్షణ డాలును నాకు అందిస్తావు. [QBR] నీ అనుగ్రహం నన్ను గొప్పచేస్తుంది. [QBR]
37. నా పాదాల కింద స్థలం విశాలం చేస్తావు. [QBR] అందువల్ల నా కాళ్ళు జారవు. [QBR]
38. నా శత్రువులను తరిమి నాశనం చేస్తాను. [QBR] వారిని నాశనం చేసేదాకా నేను వెనుదిరగను. [QBR]
39. నేను వారిని మింగి వేశాను. ముక్కలుచెక్కలు చేశాను. వారిక లేవలేరు. [QBR] వారు నా కాళ్ళ కింద ఉన్నారు. [QBR]
40. నడికట్టు బిగించి కట్టినట్టు యుద్ధం కోసం నాకు బలాన్ని ధరింపజేస్తావు. [QBR] నా మీదికి లేచిన వారిని నీవు అణచివేస్తావు. [QBR]
41. నా శత్రువుల మెడలను నా ముందు వంచావు. [QBR] నన్ను ద్వేషించే వారిని నేను సమూలనాశనం చేస్తాను. [QBR]
42. వారు సహాయం కోసం అరిచారు. కానీ రక్షించే వాడు ఎవడూ లేడు. [QBR] వారు యెహోవా కోసం ఎదురు చూసినా ఆయన వారికి జవాబియ్యడు. [QBR]
43. నేను నేల దుమ్ము లాగా వారిని పొడి చేస్తాను. [QBR] వీధిలోని బురదలాగా నేను వారిని వెదజల్లి అణగదొక్కుతాను. [QBR]
44. నా స్వజనుల కలహాల్లో నుండి కూడా నీవు నన్నువిడిపించావు. [QBR] ప్రజల అధికారిగా నన్ను నిలిపావు. [QBR] నేను ఎరుగని ప్రజానీకం నన్ను సేవిస్తారు. [QBR]
45. పరదేశులు గత్యంతరం లేక నాకు లోబడతారు. [QBR] వారు నన్నుగూర్చి వింటే చాలు, నాకు విధేయులౌతారు. [QBR]
46. అన్యులు వణకుతూ తమ భద్రమైన స్థలాలు విడిచి వస్తారు. [QBR]
47. యెహోవా సజీవుడు. నాకు అండ అయిన వాడికి స్తుతి. [QBR] నా విముక్తి శిల అయిన దేవుడు ఘనత నొందుగాక. [QBR]
48. ఆయన నా పక్షంగా ప్రతీకారం చేసే దేవుడు [QBR] జాతులను నాకు లోబరిచేవాడు ఆయనే. [QBR]
49. ఆయనే నా శత్రువుల చేతిలో నుండి నన్ను విడిస్తాడు. [QBR] నా మీద దాడి చేసే వారి కంటే ఎత్తుగా నీవు నన్ను హెచ్చిస్తావు. [QBR] హింసాత్మకుల నుండి నన్ను కాపాడుతావు. [QBR]
50. కాబట్టి యెహోవా, జాతుల మధ్య నీకు కృతజ్ఞతలు చెల్లిస్తాను. నీ నామానికి స్తుతి పాడుతాను. [QBR]
51. తాను నియమించిన రాజుకు ఆయన గొప్ప విజయాన్నిస్తాడు. [QBR] తాను అభిషేకించిన దావీదుకు అతని సంతానానికి నిబంధన విశ్వసనీయత చూపే వాడు ఆయన. [PE]