1. {పరిశుద్ద స్థల నిర్మూలం} [PS] బలిపీఠం దగ్గర ప్రభువు నిలబడి ఉండడం నేను చూశాను. ఆయన ఇలా అన్నాడు. “గడపలు కదలిపోయేలా స్తంభాల పై భాగాలను కొట్టు. [QBR2] పై కప్పు అందరి తలల మీదా పడేలా వాటిని పగలగొట్టు. [QBR2] తరువాత మిగిలిపోయిన వారిని నేను కత్తితో చంపుతాను. [QBR2] ఎవడూ పారిపోలేడు. ఎవడూ తప్పించుకోలేడు. [QBR2]
2. చచ్చిన వాళ్ళుండే చోటుకు వాళ్ళు చొచ్చుకు పోయినా [QBR2] అక్కడనుంచి నా చెయ్యి వాళ్ళను బయటికి లాగేస్తుంది. [QBR2] వాళ్ళు ఆకాశానికి ఎక్కిపోయినా [QBR2] అక్కడ నుంచి వాళ్ళను దించేస్తాను. [PE][PS]
3. కర్మెలు పర్వత శిఖరాన వాళ్ళు దాక్కున్నా [QBR2] నేను వాళ్ళను వెతికి పట్టుకుంటాను. [QBR2] నా దృష్టికి కనబడకుండా వాళ్ళు సముద్రపు అడుగున దాక్కున్నా [QBR2] వాళ్ళను కాటేయడానికి నేను పాముకు ఆజ్ఞాపిస్తాను. [QBR2] అది వాళ్ళను కాటేస్తుంది. [QBR2]
4. శత్రువులు వాళ్ళను బందీలుగా వేరే దేశాలకు తీసుకుపోయినా [QBR2] నేనక్కడ కత్తికి పని చెబుతాను. అది వాళ్ళను చంపేస్తుంది. [QBR2] మేలు చేయడానికి కాక కీడు చేయడానికే నా దృష్టి వారి మీద నిలుపుతాను. [PE][PS]
5. ఆయన సేనల అధిపతి యెహోవా. [QBR2] ఆయన భూమిని తాకితే అది కరిగి పోతుంది. [QBR2] దానిలో జీవించే వారంతా రోదిస్తారు. [QBR2] నైలునది లాగా అదంతా పొంగుతుంది. [QBR2] ఐగుప్తుదేశంలోని నదిలాగా అది పైకి లేచి, [QBR2] మళ్ళీ అణిగి పోతుంది. [QBR2]
6. ఆయన ఆకాశాల్లో తన కోసం భవనాలను నిర్మించేవాడు. [QBR2] భూమి మీద తన పునాది వేసినవాడు. [QBR2] సముద్రపు నీళ్ళను వానగా భూమి మీద కురిపించేవాడు ఆయనే. [QBR2] ఆయన పేరు యెహోవా. [PE][PS]
7. ఇశ్రాయేలీయులారా, మీరూ ఇతియోపియా ప్రజలూ నా దృష్టిలో సమానులే గదా! [QBR2] నేను ఐగుప్తు దేశం నుంచి ఇశ్రాయేలీయులను, [QBR2] క్రేతు నుంచి ఫిలిష్తీయులను, [QBR2] కీరు నుంచి అరామీయులనూ రప్పించాను గదా! [QBR2]
8. యెహోవా ప్రభువు కళ్ళు ఈ పాపిష్ఠి రాజ్యాన్ని చూస్తున్నాయి. [QBR2] దాన్ని భూమి మీద ఉండకుండాా నాశనం చేస్తాను. [QBR2] అయితే యాకోబు వంశాన్ని పూర్తిగా నాశనం చేయను.” [QBR2] యెహోవా వెల్లడించేది ఇదే. [PE][PS]
9. “చూడండి. నేనొక ఆజ్ఞ ఇస్తాను. [QBR2] ఒకడు ధాన్యాన్ని జల్లెడలో పోసి [QBR2] ఒక్క గింజ కూడా కింద పడకుండా జల్లించినట్టు, [QBR2] ఇశ్రాయేలీయులను అన్ని రాజ్యాల మధ్యకు జల్లిస్తాను. [QBR2]
10. ‘విపత్తు మన దరి చేరదు. మనలను తరమదు’ అని నా ప్రజల్లో అనుకునే [QBR2] పాపాత్ములంతా కత్తితో చస్తారు.” [PS]
11. {ఇశ్రాయేలు పూర్వపు వైభవ స్థితి నెలకొనడం} [PS] పడిపోయిన దావీదు గుడారాన్ని ఆ రోజు నేను లేవనెత్తి [QBR2] దాని గోడలను బాగుచేస్తాను. శిథిలాలను లేపుతాను. [QBR2] ముందు ఉన్నట్టు దాన్ని తిరిగి నిర్మిస్తాను. [QBR2]
12. వాళ్ళు ఎదోములో మిగిలిన వారిని [QBR2] నా పేరు పెట్టుకున్న రాజ్యాలన్నీ [QBR2] నా ప్రజలు స్వాధీనం చేసుకునేలా చేస్తాను. [QBR2] ఇలా చేసే యెహోవా ప్రకటన ఇదే. [PE][PS]
13. “రాబోయే రోజుల్లో పంటకోసేవాడు పొలం దున్నే వాడి వెంటే వస్తాడు. [QBR2] విత్తనం చల్లుతుండగానే ద్రాక్షపళ్ళు తొక్కేవాళ్ళు వస్తారు. [QBR2] పర్వతాలు తియ్యటి ద్రాక్షారసం స్రవిస్తాయి. [QBR2] కొండలన్నీ దాన్ని ప్రవహింప చేస్తాయి. [QBR2] యెహోవా ప్రకటించేది ఇదే. [PE][PS]
14. బందీలుగా దేశాంతరం పోయిన నా ప్రజలలైన ఇశ్రాయేలీయులను నేను తిరిగి తీసుకు వస్తాను. [QBR2] శిథిలమైన పట్టణాలను మళ్ళీ కట్టుకుని వాళ్ళు వాటిలో నివసిస్తారు. [QBR2] ద్రాక్షతోటలు నాటి వాటి ద్రాక్షారసాన్ని తాగుతారు. [QBR2] తోటలు వేసి వాటి పళ్ళు తింటారు. [QBR2]
15. వారి దేశంలో నేను వాళ్ళను నాటుతాను. [QBR2] నేను వారికిచ్చిన దేశంలోనుంచి వారిని ఇక ఎన్నటికీ పెరికి వేయడం జరగదు.” [QBR2] మీ యెహోవా దేవుడు చెబుతున్నాడు. [PE]