1. {జీవితమనే పెట్టుబడి} [PS] నీ భోజనాన్ని నీళ్ల మీద వెయ్యి [* నీ భోజనాన్ని నీళ్ల మీద వెయ్యి నీకున్న దానిలో నుంచి ఇతరులకు సహాయపడు] . [QBR2] చాలా రోజులకు మళ్ళీ అది నీకు దొరుకుతుంది [† నీకు దొరుకుతుంది నీకు ప్రతిఫలం వచ్చేలా దేవుడు చూస్తాడు] . [QBR2]
2. దాన్ని ఏడు, ఎనిమిది మందితో పంచుకో. [QBR2] ఎందుకంటే భూమి మీద ఏ విపత్తులు వస్తున్నాయో నీకు తెలియదు. [QBR2]
3. మబ్బుల నిండా నీరుంటే అవి భూమి మీద వాన కురిపించి ఖాళీ అయిపోతాయి. [QBR2] ఒక చెట్టు దక్షిణం వైపుకు పడినా ఉత్తరం వైపుకు పడినా అది పడిన చోటే ఉంటుంది. [QBR2]
4. గాలిని లక్ష్యపెట్టేవాడు విత్తనాలు చల్లడు. [QBR2] మబ్బులను చూస్తూ ఉండేవాడు పంట కోయడు. [QBR2]
5. స్త్రీ గర్భంలో పసికందు ఎముకలు ఎలా ఏర్పడతాయో, [QBR2] గాలి ఎక్కడ నుంచి వస్తుందో నీవెలా గ్రహించలేవో [QBR2] సమస్తాన్నీ సృష్టించిన దేవుని పనిని నువ్వు గ్రహించలేవు. [QBR2]
6. ఉదయాన విత్తనం నాటు. [QBR2] సాయంత్రం వరకూ అవసరమైనంత మట్టుకు నీ చేతులతో పని చెయ్యి. [QBR2] ఏవి ఫలిస్తాయో, ఉదయమా, సాయంత్రమా లేక రెండూ ఒకేలా బాగుంటాయో నీకు తెలియదు. [QBR2]
7. వెలుగు నిజంగా ఎంతో బాగుంటుంది. [QBR2] సూర్యోదయం చూడడం ఇంకా ఎంత బాగుంటుందో! [QBR2]
8. ఎవడైనా చాలా కాలం బతికితే, ఆ రోజులన్నీ ఆనందంగా ఉండాలి. [QBR2] అయితే రాబోయే చీకటి రోజుల గురించి అతడు ఆలోచించాలి. [QBR2] అవి అనేకం ఉంటాయి. రాబోయేదంతా అదృశ్యమయ్యే ఆవిరే. [QBR2]
9. యువకా, నీ యువదశలో సంతోషంగా ఉండు. [QBR2] నీ యువదశలో మనసారా సంతోషించు. [QBR2] నీ మనస్సులోని కోరికల ప్రకారం, నీ కళ్ళు చూచే వాటన్నిటినీ అనుభవించు. [QBR2] అయితే వీటన్నిటిని బట్టి దేవుడు నిన్ను తీర్పులోకి తెస్తాడని గుర్తుపెట్టుకో. [QBR2]
10. నీ హృదయం నుంచి కోపాన్ని తోలివెయ్యి. [QBR2] నీ శరీరంలో వచ్చే ఎలాంటి నొప్పినైనా పట్టించుకోవద్దు. [QBR2] ఎందుకంటే యువదశ, దాని బలం ఆవిరి లాంటివే. [PE]