1. {#1అసన్నమైన అంతం } [PS]యెహోవా వాక్కు నా దగ్గరికి వచ్చింది. ఆయన నాకు ఇలా చెప్పాడు.
2. “నరపుత్రుడా, ప్రభువైన యెహోవా ఇశ్రాయేలు దేశానికిలా ప్రకటిస్తున్నాడు. [PE]
3. [PS]అంతం! ఇశ్రాయేలు దేశం నాలుగు సరిహద్దులకు అంతం వచ్చేసింది. [PE]
4. [PS]ఇప్పుడు అంతం మీ పైకి వచ్చింది. [PE][PS]ఎందుకంటే నా తీవ్ర కోపాన్ని మీ పైకి పంపుతున్నాను. [PE][PS]మీ ప్రవర్తనను బట్టి మీకు తీర్పు తీరుస్తాను. [PE][PS]తరువాత అసహ్యకరమైన మీ పనుల ఫలితాన్ని మీపైకి పంపుతాను. [PE]
5. [PS]నా దృష్టిలో మీ పట్ల ఎలాంటి కనికరమూ చూపను. [PE][PS]నేనే యెహోవాను అని మీకు తెలిసే విధంగా నీచమైన వాటిని మీ మధ్యే ఉండనిస్తాను! [PE]
6. [PS]ప్రభువైన యెహోవా ఇలా చెప్తున్నాడు. [PE][PS]వినాశనం! వినాశనం వెనుకే మరో వినాశనం. [PE][PS]చూడండి! అది వచ్చేస్తూ ఉంది. [PE]
7. [PS]అంతం వచ్చేస్తూ ఉంది. [PE][PS]అంతం నీకు విరోధంగా కళ్ళు తెరిచింది. చూడండి. అది వచ్చేస్తూ ఉంది. [PE]
8. [PS]దేశవాసులారా, మీ నాశనం మిమ్మల్ని సమీపిస్తుంది. [PE][PS]సమయం వచ్చేసింది. నాశన దినం దగ్గరలోనే ఉంది. [PE][PS]పర్వతాలు ఇకమీదట ఆనందంగా ఉండవు. [PE]
9. [PS]త్వరలోనే నా క్రోధాన్ని మీమీద కుమ్మరించబోతున్నాను. [PE][PS]నా తీవ్రమైన కోపాన్ని మీమీద చూపించ బోతున్నాను. [PE][PS]మీ ప్రవర్తనను బట్టి మీకు శిక్ష విధిస్తాను. [PE][PS]మీ నీచమైన పనుల ఫలాన్ని మీ పైకి తీసుకు వస్తాను. [PE]
10. [PS]నాకు మీ పట్ల కనికరం లేదు. [PE][PS]నేను మిమ్మల్ని వదలను. [PE][PS]మీరు చేసినట్టే నేనూ మీకు చేస్తాను. [PE][PS]మిమ్మల్ని శిక్షించే యెహోవాను నేనే అని మీకు తెలిసే విధంగా నీచమైన వాటిని మీ మధ్యే ఉండనిస్తాను! [PE]
11. [PS]చూడండి! ఆ రోజు వచ్చేస్తుంది. నాశనం బయలు దేరింది. [PE][PS]ఆ దండం పుట్టింది. దానికి గర్వం వికసించింది. [PE]
12. [PS]బలాత్కారం ప్రారంభం అయి దుర్మార్గులను శిక్షించే దండం అయింది. [PE][PS]వాళ్ళలో గానీ, వాళ్ళ మూకలో గానీ ఎవరూ మిగలరు. [PE][PS]వాళ్ళ సంపదలో గానీ, వాళ్ళ ప్రాముఖ్యతలో గానీ ఏదీ మిగలదు. [PE]
13. [PS]ఆ సమయం వచ్చేస్తుంది. ఆ రోజు దగ్గర పడింది. [PE][PS]నా కోపం ప్రజలందరి పైనా ఉంది కనుక కొనేవాడు సంతోషించకూడదు. [PE]
14. [PS]అమ్మినవాడు వాళ్ళు బ్రతికి ఉన్నంత కాలం తాను అమ్మిన భూమికి తిరిగి రాడు. [PE][PS]ఎందుకంటే ఈ దర్శనం ప్రజలందరికీ విరోధంగా ఉంది. [PE][PS]పాపంలో నివసించే ఏ మనిషీ ధైర్యంగా తన ప్రాణాన్ని దక్కించుకోలేడు. అందుకే వాళ్ళెవ్వరూ తిరిగిరారు. [PE]
15. [PS]వాళ్ళు సర్వసన్నద్ధులై బాకా ఊదారు. [PE][PS]కానీ యుద్ధానికి బయల్దేరే వాడు ఎవడూ లేడు. [PE]
16. [PS]ఖడ్గం బయట ఉంది. లోపలేమో కరవూ, తెగులూ ఉన్నాయి. [PE][PS]బయట ఉన్నవాళ్ళు ఖడ్గం వాతపడతారు. [PE][PS]పట్టణంలో ఉన్నవాళ్ళని కరవూ, తెగులూ మింగివేస్తాయి. [PE]
17. [PS]అయితే వాళ్ళలో కొంతమంది తప్పించుకుని పర్వతాల పైకి పారిపోతారు. [PE][PS]వాళ్ళు అందరూ లోయలో ఉండే గువ్వల్లాగా మూలుగుతారు. [PE]
18. [PS]వాళ్ళందరి చేతులూ తడబడతాయి. మోకాళ్ళు నీళ్ళలా బలహీనం అవుతాయి. [PE]
19. [PS]వారు గోనెపట్ట ధరిస్తారు. తీవ్రమైన భయం వాళ్ళని కమ్ముకుంటుంది. [PE][PS]ప్రతి ఒక్కరి ముఖం పైనా అవమానం ఉంటుంది. [PE][PS]బోడితనం వాళ్ళ తలల మీద కనిపిస్తుంది. [PE]
20. [PS]వాళ్ళు తమ దగ్గర ఉన్న వెండిని వీధుల్లో పారేస్తారు. [PE][PS]బంగారం వాళ్లకి వ్యర్ధపదార్ధంలా ఉంటుంది. [PE][PS]యెహోవా కోప దినాన వెండిబంగారాలు వాళ్ళను కాపాడలేవు. [PE][PS]వాళ్ళ దోషం పెను ఆటంకంగా ఉంటుంది గనక వాళ్ళ జీవితాలకు రక్షణ ఉండదు. వాళ్ళ కడుపులకు పోషణ ఉండదు. [PE]
21. [PS]వాళ్ళు అహంకరించి రత్నభరితమైన ఆభరణాలు చేయించారు. [PE][PS]అవి వాళ్ళ నీచమైన పనులను వర్ణించే విగ్రహ ఆకారాలుగా ఏర్పడ్డాయి. [PE][PS]వాటితో వాళ్ళు అసహ్యకరమైన తమ పనులను సాగించారు. కాబట్టి ఆ ఆభరణాలు వాళ్లకి అసహ్యం పుట్టేలా నేను చేస్తాను. [PE]
22. [PS]వాటిని ఇతర దేశస్తుల చేతికి అప్పగిస్తాను. [PE][PS]దుర్మార్గుల చేతికి దోపిడీ సొమ్ముగా ఇస్తాను. వాళ్ళు వాటిని అపవిత్రం చేస్తారు. [PE]
23. [PS]వాళ్ళు నా ఖజానాను అపవిత్రం చేస్తుంటే చూడకుండా నా ముఖం తిప్పుకుంటాను. [PE][PS]బందిపోట్లు దానిలో ప్రవేశించి దాన్ని అపవిత్రం చేస్తారు. [PE]
24. [PS]తీర్పుని బట్టి దేశం రక్తంతోనూ, పట్టణం హింసతోనూ నిండిపోయింది. అందుకే సంకెళ్ళు సిద్ధం చేయండి. [PE]
25. [PS]జాతుల్లోకెల్లా అత్యంత దుర్మార్గమైన జాతిని నేను పంపుతాను. వాళ్ళు వచ్చి ఇళ్ళను స్వాధీనం చేసుకుంటారు. [PE][PS]వాళ్ళ పవిత్ర స్థలాలను అపవిత్రం చేసి బలశూరుల అహంకారానికి స్వస్తి చెపుతాను! [PE]
26. [PS]భయం కలుగుతుంది! వాళ్ళు శాంతిని వాంచిస్తారు కానీ అది వారికి దొరకదు. [PE][PS]నాశనం తరువాత నాశనం కలుగుతుంది. [PE][PS]పుకార్ల తరువాత పుకార్లు పుట్టుకొస్తాయి. [PE][PS]వాళ్ళు ప్రవక్తల దగ్గరికి దర్శనం కోసం వెళ్తారు. యాజకులకు ధర్మశాస్త్ర జ్ఞానం లేకుండా పోతుంది. [PE][PS]సలహా ఇచ్చే పెద్దలకు తెలివి ఉండదు.
27. రాజు విచారంగా ఉంటాడు. యువరాజు నిస్పృహలో సామాన్య వస్త్రాలు ధరిస్తాడు. [PE][PS]దేశ ప్రజల చేతులు భయంతో వణకుతాయి. [PE][PS]వాళ్ళ విధానంలోనే నేను వాళ్లకి ఇలా చేస్తాను. [PE][PS]నేనే యెహోవానని వాళ్ళు తెలుసుకునే వరకూ వాళ్ళ ప్రమాణాలను బట్టే వాళ్ళకి తీర్పు తీరుస్తాను.” [PE]