1. {#1హబక్కూకు ప్రార్థన }
2. [PS]ప్రవక్త అయిన హబక్కూకు చేసిన ప్రార్థన (వాద్యాలతో పాడదగినది). [PE]
3. [PS]యెహోవా, నిన్ను గూర్చిన వార్త విని నేను భయపడుతున్నాను. [PE][PS]యెహోవా, ఈ సంవత్సరాల్లో నీ కార్యం నూతన పరచు. [PE][PS]ఈ రోజుల్లో నీ పనులు తెలియచెయ్యి. [PE][PS]కోపంలో కనికరం మరచిపోవద్దు. [PE]
4. [PS]దేవుడు తేమాను[* తేమాను యూదాకు దక్షిణగా ఉన్న ఎదోం దేశంలో ఉన్న ప్రాంతం ]లో నుండి వచ్చాడు. [PE][PS]పరిశుద్ధ దేవుడు పారాను [† పారాను సీనాయికి దక్షిణ సరిహద్దులో ఉన్న బీడు భూమి ]లో నుండి వేంచేస్తున్నాడు (సెలా). [PE][PS]ఆయన మహిమ ఆకాశమండలమంతటా కనబడుతున్నది. [PE][PS]భూమి ఆయన స్తుతితో నిండి ఉంది. [PE]
5. [PS]ఆయన హస్తాలనుండి కిరణాలు వెలువడుతున్నాయి. [PE][PS]అక్కడ ఆయన తన బలం దాచి ఉంచాడు. [PE]
6. [PS]ఆయనకు ముందుగా తెగుళ్లు నడుస్తున్నాయి. [PE][PS]ఆయన అడుగుజాడల్లో అరిష్టాలు వెళ్తున్నాయి. [PE]
7. [PS]ఆయన నిలబడి భూమిని కొలిచాడు. రాజ్యాలను కంపింప జేశాడు. [PE][PS]నిత్య పర్వతాలు బద్దలైపోయాయి. [PE][PS]పురాతన గిరులు అణిగి పోయాయి. ఆయన మార్గాలు శాశ్వత మార్గాలు. [PE]
8. [PS]కూషీయుల డేరాల్లో ఉపద్రవం కలగడం నేను చూశాను. [PE][PS]మిద్యాను దేశస్థుల గుడారాల తెరలు గజగజ వణికాయి. [PE]
9. [PS]యెహోవా, నదుల మీద నీకు కోపం కలిగిందా? [PE][PS]నదుల మీద నీకు ఉగ్రత కలిగిందా? [PE][PS]సముద్రం మీద నీకు ఆగ్రహం కలిగిందా? నువ్వు నీ గుర్రాల మీద స్వారీ చేస్తూ నీ రక్షణ రథం ఎక్కి రావడం అందుకేనా? [PE]
10. [PS]విల్లు వరలోనుండి తీశావు. బాణాలు ఎక్కుపెట్టావు. [PE][PS]భూమిని బద్దలు చేసి నదులు ప్రవహింపజేశావు. [PE]
11. [PS]పర్వతాలు నిన్ను చూసి మెలికలు తిరిగాయి. [PE][PS]జలాలు వాటిపై ప్రవాహాలుగా పారుతాయి. [PE][PS]సముద్రాగాధం ఘోషిస్తూ తన కెరటాలు పైకెత్తుతుంది. [PE]
12. [PS]నీ ఈటెలు తళతళలాడగా ఎగిరే నీ బాణాల కాంతికి భయపడి సూర్యచంద్రులు తమ ఉన్నత నివాసాల్లో ఆగిపోతారు. [PE]
13. [PS]బహు రౌద్రంతో నీవు భూమి మీద సంచరిస్తున్నావు. [PE][PS]మహోగ్రుడివై జాతులను అణగదొక్కుతున్నావు. [PE]
14. [PS]నీ ప్రజలను రక్షించడానికి నీవు బయలుదేరుతున్నావు. [PE][PS]నీవు నియమించిన అభిషిక్తుణ్ణి రక్షించడానికి బయలు దేరుతున్నావు. [PE][PS]దుష్టుల కుటుంబికుల్లో ప్రధానుడొకడైనా ఉండకుండాా వారి తలను మెడను ఖండించి నిర్మూలం చేస్తున్నావు (సెలా). [PE]
15. [PS]పేదలను రహస్యంగా మింగివేయాలని ఉప్పొంగుతూ తుఫానులాగా వస్తున్న యోధుల తలల్లో వారి ఈటెలే నాటుతున్నావు. [PE]
16. [PS]నీవు సముద్రాన్ని తొక్కుతూ సంచరిస్తున్నావు. [PE][PS]నీ గుర్రాలు మహాసముద్ర జలరాసులను తొక్కుతాయి. [PE]
17. [PS]నేను వింటుంటే నా అంతరంగం కలవరపడుతున్నది. ఆ శబ్దానికి నా పెదవులు వణుకుతున్నాయి. నా ఎముకలు కుళ్లిపోతున్నాయి. నా కాళ్లు వణకుతున్నాయి. జనాలపై దాడి చేసే వారు సమీపించే దాకా నేను ఊరుకుని బాధ దినం కోసం కనిపెట్టవలసి ఉంది. [PE]
18. [PS]అంజూరపు చెట్లు పూత పట్టకపోయినా, [PE][PS]ద్రాక్షచెట్లు ఫలింపక పోయినా, [PE][PS]ఒలీవచెట్లు కాపులేక ఉన్నా, [PE][PS]చేనులో పైరు పంటకు రాకపోయినా, [PE][PS]గొర్రెలు దొడ్డిలో లేకపోయినా, కొట్టంలో పశువులు లేకపోయినా, [PE]
19. [PS]నేను యెహోవా పట్ల ఆనందిస్తాను. [PE][PS]నా రక్షణకర్తయైన నా దేవుణ్ణి బట్టి నేను సంతోషిస్తాను. [PE][PS]ప్రభువైన యెహోవాయే నాకు బలం. [PE][PS]ఆయన నా కాళ్లను లేడికాళ్లలాగా చేస్తాడు. [PE][PS]ఉన్నత స్థలాల మీద ఆయన నన్ను నడిపిస్తాడు.[PE]