1. {#1యెహోవా మందిరాన్ని కట్టడానికి పిలుపు }
2. [PS]రాజైన దర్యావేషు పరిపాలనలో రెండవ సంవత్సరం ఆరవ నెల మొదటి దినాన ప్రవక్త అయిన హగ్గయి ద్వారా యూదా దేశం మీద అధికారి, షయల్తీయేలు కుమారుడు జెరుబ్బాబెలుకు, ప్రధానయాజకుడు, యెహోజాదాకు కుమారుడు అయిన యెహోషువకు యెహోవా వాక్కు ప్రత్యక్షమై ఇలా చెప్పాడు. [PE][PS]సేనల ప్రభువు యెహోవా ఇలా చెబుతున్నాడు. [PE]
3. [PS]“మేము కలిసి రావడానికి గానీ యెహోవా మందిరాన్ని కట్టడానికి గానీ ఇది సమయం కాదు అని ఈ ప్రజలు చెబుతున్నారు కదా.” [PE]
4. [PS]అందుకు యెహోవా వాక్కు ప్రత్యక్షమై హగ్గయి ప్రవక్త ద్వారా చెప్పినదేమిటంటే, [PE]
5. [PS]“ఈ మందిరం పాడై ఉండగా మీరు కలపతో కప్పిన ఇళ్ళలో నివసించడానికి ఇది సమయమా? [PE]
6. [PS]కాబట్టి సేనల ప్రభువు యెహోవా చెప్పేదేమిటంటే మీ ప్రవర్తన గురించి ఆలోచించుకోండి. [PE]
7. [PS]మీరు ఎక్కువ విత్తనాలు చల్లినా పండింది కొంచెమే. [PE][PS]మీరు భోజనం చేస్తున్నప్పటికీ ఆకలి తీరడం లేదు. [PE][PS]మీరు ద్రాక్షరసం తాగుతున్నప్పటికీ మత్తు రావడం లేదు. [PE][PS]బట్టలు కప్పుకుంటున్నా చలి ఆగడం లేదు. [PE][PS]పనివారు కష్టపడి జీతం సంపాదించుకున్నా జీతం చినిగిపోయిన సంచిలో వేసినట్టుగా ఉంది. [PE]
8. [PS]కాగా సేనల ప్రభువైన యెహోవా ఇలా చెబుతున్నాడు. మీ ప్రవర్తన గురించి ఆలోచించుకోండి. [PE]
9. [PS]పర్వతాలెక్కి కలప తీసుకు వచ్చి మీరు ఈ మందిరాన్ని కట్టించండి. అప్పుడు నేను ఆనందిస్తాను. నాకు ఘనత వస్తుంది” అని యెహోవా అంటున్నాడు. [PE]
10. [PS]“విస్తారంగా కావాలని మీరు ఎదురు చూశారు గానీ నేను దాన్ని చెదరగొట్టినందువల్ల మీరు కొంచెమే ఇంటికి తెచ్చుకోగలిగారు. [PE][PS]ఎందుకని? యెహోవా అడుగుతున్నాడు. [PE][PS]ఎందుకంటే నా మందిరం పాడై ఉన్నా మీరంతా మీ చక్కని సొంత ఇళ్ళు కట్టుకుంటూ ఆనందిస్తున్నారు. [PE]
11. [PS]అందుకే మిమ్మల్ని బట్టి ఆకాశపు మంచు కురవడం లేదు. [PE][PS]భూమి పండడం లేదు. [PE]
12. [PS]నేను భూమికీ పర్వతాలకూ అనావృష్టి కలగజేసి, [PE][PS]ధాన్యం విషయంలో, ద్రాక్షారసం విషయంలో, తైలం విషయంలో, [PE][PS]భూమి ఫలించే అన్నిటి విషయంలో, [PE][PS]మనుషుల విషయంలో, పశువుల విషయంలో, చేతి పనులన్నిటి విషయంలో కరువు రప్పించాను.” [PE]
13. [PS]షయల్తీయేలు కొడుకు జెరుబ్బాబెలు, యెహోజాదాకు కొడుకు, ప్రధానయాజకుడు యెహోషువ, శేషించిన ఇశ్రాయేలీ ప్రజలంతా తమ దేవుడైన యెహోవా మాటలు ఆలకించి, తమ దేవుడైన యెహోవా ప్రవక్త హగ్గయిని పంపించి, తెలియజేసిన మాట విని యెహోవా పట్ల భయభక్తులు చూపారు. [PE]
14. [PS]అప్పుడు యెహోవా ప్రవక్త హగ్గయి యెహోవా చెప్పగా ప్రజలతో ఇలా చెప్పాడు. [PE][PS]“నేను మీకు తోడుగా ఉన్నాను.” ఇదే యెహోవా వాక్కు. [PE]
15. [PS]యెహోవా యూదాదేశపు అధికారి అయిన షయల్తీయేలు కుమారుడు జెరుబ్బాబెలు మనస్సును, [PE][PS]ప్రధాన యాజకుడైన యెహోజాదాకు కుమారుడు యెహోషువ మనస్సును, [PE][PS]శేషించిన జనులందరి మనస్సును ప్రేరేపించాడు. [PE][PS]వారు కూడి వచ్చి, దర్యావేషు రాజు పరిపాలనలో రెండవ సంవత్సరం ఆరవ నెల ఇరవై నాలుగవ రోజున సేనల ప్రభువైన తమ దేవుని మందిరపు పనిచేయడం మొదలుపెట్టారు. [PE]