1. {#1ఇశ్రాయేలు పట్ల దేవుని జాలి }
2. [PS]“ఇశ్రాయేలు పసిప్రాయంలో నేను అతనిపట్ల ప్రేమగలిగి, [PE][PS]నా కుమారుణ్ణి ఐగుప్తు దేశంలోనుండి పిలిచాను. [PE]
3. [PS]వారిని ఎంతగా పిలిస్తే బయలు దేవుళ్ళకు వారు అంత ఎక్కువగా బలులు అర్పించారు. [PE][PS]విగ్రహాలకు ధూపం వేశారు. [PE]
4. [PS]ఎఫ్రాయిముకు నడక నేర్పిన వాణ్ణి నేనే. [PE][PS]వారి చేతులు పట్టుకుని పైకి లేపిన వాణ్ణి నేనే. [PE][PS]నేనే వారిని పట్టించుకున్నాను అనే సంగతి వారికి తెలియదు. [PE]
5. [PS]మానవత్వపు బంధంతో వారిని నడిపించాను. [PE][PS]స్నేహబంధాలతో తోడుకుపోయాను. [PE][PS]వారి పళ్ళ మధ్య నుంచి కాడిని తీసిన వాడిలా నేను వారికి ఉన్నాను. [PE][PS]వంగి వారికి అన్నం తినిపించాను. [PE]
6. [PS]ఐగుప్తు దేశానికి వారు మళ్ళీ తిరిగి పోరా? [PE][PS]నా దగ్గరకి తిరిగి రావడానికి నిరాకరించినందుకు అష్షూరు రాజు వారి మీద ప్రభుత్వం చేయడా? [PE]
7. [PS]వారి పథకాలను బట్టి యుద్ధం వారి పట్టణాలను ఆవరిస్తుంది. [PE][PS]అది వారి పట్టణపు గడియలు విరగ్గొడుతుంది. వారిని నాశనం చేస్తుంది. [PE]
8. [PS]నా నుండి తిరిగిపోవాలని నా ప్రజలు తీర్మానం చేసుకున్నారు. [PE][PS]మహోన్నతుడినైన నాకు మొర పెట్టినా ఎవడూ నన్ను ఘనపరచడు. [PE]
9. [PS]ఎఫ్రాయిమూ, నేనెలా నిన్ను విడిచిపెడతాను? [PE][PS]ఇశ్రాయేలూ, నేను నిన్ను శత్రువులకు ఎలా అప్పగిస్తాను? [PE][PS]అద్మాలాగా నిన్ను నేను ఎలా చేస్తాను? [PE][PS]సెబోయీముకు చేసినట్టు నీకు ఎలా చేస్తాను? [PE][PS]నా మనస్సు మారింది. నా కనికరం రేగింది. [PE]
10. [PS]నా ఉగ్రతాగ్నిని మీపై కురిపించను. [PE][PS]నేను మళ్లీ ఎఫ్రాయిమును నాశనం చేయను. [PE][PS]నేను దేవుణ్ణి, మనిషిని కాను. మీ మధ్య ఉన్న పవిత్రుణ్ణి. [PE][PS]నా ఉగ్రతతో బయలుదేరను. [PE]
11. [PS]వారు యెహోవా వెంట నడుస్తారు. [PE][PS]సింహం గర్జించినట్టు నేను గర్జిస్తాను. [PE][PS]నేను గర్జించగా పశ్చిమ దిక్కున ఉన్న ప్రజలు వణకుతూ వస్తారు. [PE]
12. [PS]వారు వణకుతూ పక్షులు ఎగిరి వచ్చినట్టు ఐగుప్తు దేశంలో నుండి వస్తారు. [PE][PS]గువ్వల్లాగా అష్షూరు దేశంలోనుండి ఎగిరి వస్తారు. [PE][PS]నేను వారిని వారి నివాసాల్లో కాపురముంచుతాను.” ఇదే యెహోవా వాక్కు. [PE]{#1ఇశ్రాయేలు పాపం } [PS]ఎఫ్రాయిము వారు నా చుట్టూ అబద్ధాలు అల్లారు. [PE][PS]ఇశ్రాయేలు వారు మోసక్రియలతో నన్ను ఆవరించారు. [PE][PS]కానీ యూదా వారు ఇంకా నాతోనే ఉన్నారు. [PE][PS]పరిశుద్ధ దేవునికి నమ్మకంగానే ఉన్నారు. [PE]