1. {#11. ఇశ్రాయేలీయులు దుర్నీతి }
2. [PS]ఇశ్రాయేలు ప్రజలారా, యెహోవా మాట ఆలకించండి. [PE][PS]సత్యం, కనికరం, దేవుణ్ణి గూర్చిన జ్ఞానం దేశంలో లేకపోవడం చూసి. [PE][PS]యెహోవా దేశనివాసులతో వ్యాజ్యెమాడుతున్నాడు. [PE]
3. [PS]అబద్ధసాక్ష్యం పలకడం, అబద్ధమాడడం. [PE][PS]హత్య, దొంగతనం, వ్యభిచారం అలవాటై పోయింది. [PE][PS]ప్రజలు కన్నం వేస్తారు. మానక హత్య చేస్తారు. [PE]
4. [PS]కాబట్టి దేశం ఎండిపోతూ ఉంది. [PE][PS]దాని పశువులు, పక్షులు, దానిలో నివసించే వాళ్ళంతా క్షీణించి పోతున్నారు. [PE][PS]సముద్రంలో చేపలు సైతం గతించిపోతున్నాయి. [PE]
5. [PS]ఒకడు మరొకడిపై వ్యాజ్యం వెయ్యనివ్వవద్దు. [PE][PS]ఒకడు మరొకడిపై నింద వెయ్యనివ్వవద్దు. [PE][PS]ఎందుకంటే యాజకులారా, నేను తప్పు పట్టేది మిమ్మల్నే. [PE]
6. [PS]యాజకులు పగటి వేళ కూలిపోతారు. రాత్రివేళ నీతోబాటు ప్రవక్తలు పడిపోతారు. [PE][PS]నీ తల్లిని నేను నాశనం చేస్తాను. [PE]
7. [PS]నా ప్రజలు అజ్ఞానం వల్ల నశిస్తున్నారు. ఎందుకంటే వారు జ్ఞానాన్ని తిరస్కరించారు. [PE][PS]నాకు యాజకుడివి కాకుండా నేను కూడా నిన్ను తోసిపుచ్చుతాను. [PE][PS]ఎందుకంటే నీవు నీ దేవుడినైన నా చట్టాన్ని విస్మరించావు. నీ పిల్లలను కూడా నేను పట్టించుకోను. [PE]
8. [PS]యాజకుల సంఖ్య ఎక్కువైన కొద్దీ వారు నా పట్ల అధికంగా పాపం చేశారు. [PE][PS]కాబట్టి వారి ఘనతను నీచస్థితికి మారుస్తాను. [PE]
9. [PS]నా జనుల పాపాలను ఆహారంగా చేసుకుంటారు గనక ప్రజలు మరింతగా పాపం చేయాలని వారు చూస్తారు. [PE]
10. [PS]కాబట్టి జనులకు ఎలాగో యాజకులకూ అలాగే జరుగుతుంది. [PE][PS]వారి దుర్మార్గాన్ని బట్టి నేను వారిని శిక్షిస్తాను. [PE][PS]వారి క్రియలనుబట్టి వారందరికీ ప్రతీకారం చేస్తాను. [PE]
11. [PS]వారు నాకు, అంటే యెహోవాకు దూరమయ్యారు. నన్ను విడిచిపోయారు. [PE][PS]కాబట్టి వారు భోజనం చేసినా తృప్తి పొందరు. [PE][PS]వ్యభిచారం చేస్తారు గానీ అభివృద్ధి పొందలేరు. [PE]
12. [PS]లైంగిక విచ్చలవిడితనం, ద్రాక్షామద్యం, కొత్త ద్రాక్షా రసం, వారి మతి పోగొట్టాయి. [PE]
13. [PS]నా ప్రజలు తాము పెట్టుకున్న చెక్క బొమ్మల దగ్గర విచారణ చేస్తారు. [PE][PS]వారి చేతికర్ర వారికి ప్రవచనాలు చెబుతున్నది. [PE][PS]వ్యభిచార మనస్సు వారిని దారి తప్పించగా వారు నన్ను, అంటే వారి దేవుణ్ణి విసర్జించారు. [PE]
14. [PS]వారు పర్వత శిఖరాల మీద బలులర్పిస్తారు. [PE][PS]కొండలపై ధూపం వేస్తారు. [PE][PS]సింధూర వృక్షాల కింద, చినారు వృక్షాల కింద, [PE][PS]మస్తకి వృక్షాల కింద నీడ మంచిదని అక్కడే ధూపం వేస్తారు. [PE][PS]అందువలనే మీ కూతుర్లు వేశ్యలయ్యారు. మీ కోడళ్ళు కూడా వ్యభిచారిణులయ్యారు. [PE]
15. [PS]మీ కుమార్తెలు చేసే లైంగిక దుర్మార్గతను బట్టి నేను వారిని శిక్షించను. [PE][PS]మీ కోడళ్ళ వ్యభిచారాన్ని బట్టి నేను వారిని శిక్షించను. [PE][PS]ఎందుకంటే ప్రజలు తామే వేశ్యల దగ్గరికి పోతారు. [PE][PS]తామే ఆలయ వేశ్యలతో పోకిరీ పనులు చెయ్యడం కోసం బలులర్పిస్తారు. [PE][PS]అవగాహన లేని జనం నిర్మూలమైపోతారు. [PE]
16. [PS]ఇశ్రాయేలూ, నీవు వేశ్యవైపోయావు. [PE][PS]అయినా యూదా ఆ పాపంలో పాలు పొందక పోవుగాక. [PE][PS]మీరు గిల్గాలు వెళ్లొద్దు. బేతావెనుకు పోవద్దు. [PE][PS]యెహోవా జీవం తోడని ప్రమాణం చేయవద్దు. [PE]
17. [PS]పొగరుబోతు పెయ్యలాగా ఇశ్రాయేలువారు మొండిగా ప్రవర్తించారు. [PE][PS]మైదానంలో మేసే గొర్రె పిల్లలను నడిపించినట్టు దేవుడు వారినెలా నడిపిస్తాడు? [PE]
18. [PS]ఎఫ్రాయిము విగ్రహాలతో ఏకమయ్యాడు. [PE][PS]అతణ్ణి అలానే ఉండనియ్యి. [PE]
19. [PS]వారికి ద్రాక్షారసం లేకుండా పోయినా, [PE][PS]వ్యభిచారం మానుకోలేదు. [PE][PS]వారి అధికారులు ఎంతో ఇష్టంగా సిగ్గుమాలిన దాన్ని ప్రేమిస్తారు. [PE][PS]సుడిగాలి వారిని చుట్టబెట్టుకు పోతుంది. [PE][PS]తాము అర్పించిన బలుల కారణంగా వారు సిగ్గుపడతారు. [PE]