1. {#1దేవుని దండన }
2. [PS]“బాకా నీ నోట ఉంచుకో. [PE][PS]ప్రజలు నా నిబంధన అతిక్రమించారు. నా ధర్మశాస్త్రాన్ని ఉల్లంఘించారు. [PE][PS]కాబట్టి యెహోవానైన నా ఇంటి మీద వాలడానికి గద్ద వస్తూ ఉంది అని ప్రకటించు.” [PE]
3. [PS]వారు నాకు మొర్రపెడతారు. “మా దేవా, ఇశ్రాయేలు వారమైన మేము నిన్ను ఎరిగిన వారమే.” [PE]
4. [PS]కానీ ఇశ్రాయేలీయులు సన్మార్గమును విసర్జించారు. కాబట్టి శత్రువు వారిని తరుముతాడు. [PE]
5. [PS]వారు రాజులను నియమించుకున్నారు. కానీ నేను వారిని నియమించలేదు. [PE][PS]వారు అధికారులను పెట్టుకున్నారు. కానీ వారెవరూ నాకు తెలియదు. [PE][PS]తమ వెండి బంగారాలతో తమ కోసం విగ్రహాలు చేసుకున్నారు. [PE][PS]కానీ అదంతా వారు నాశనమై పోవడానికే. [PE]
6. [PS]ప్రవక్త ఇలా అంటున్నాడు “షోమ్రోనూ, ఆయన నీ దూడను విసిరి పారేశాడు.” [PE][PS]యెహోవా ఇలా అంటున్నాడు. నా కోపం ఈ ప్రజల మీద మండుతూ ఉంది. [PE][PS]ఎంత కాలం వారు అపవిత్రంగా ఉంటారు? [PE]
7. [PS]ఈ విగ్రహం ఇశ్రాయేలువారి చేతి పనే గదా? [PE][PS]కంసాలి దాన్ని తయారు చేశాడు. [PE][PS]అది దేవుడు కాదు. [PE][PS]షోమ్రోను దూడ ముక్కలు చెక్కలైపోతుంది. [PE]
8. [PS]ప్రజలు గాలిని విత్తనాలుగా చల్లారు. పెనుగాలిని వారు కోసుకుంటారు. [PE][PS]కనిపించే పైరులో కంకులు లేవు. [PE][PS]దాన్ని గానుగలో వేస్తే పిండి రాదు. ఒకవేళ పంట పండినా విదేశీయులు దాన్ని కోసుకుంటారు. [PE]
9. [PS]ఇశ్రాయేలు వారిని శత్రువులు కబళిస్తారు. [PE][PS]ఎవరికీ ఇష్టంలేని ఓటికుండల్లా వారు అన్యజనుల్లో చెదిరి ఉంటారు. [PE]
10. [PS]వారు ఒంటరి అడవి గాడిదలాగా అష్షూరీయుల దగ్గరికి పోయారు. [PE][PS]ఎఫ్రాయిము తన కోసం విటులను డబ్బిచ్చి పిలిపించుకుంది. [PE]
11. [PS]వారు కానుకలు ఇచ్చి అన్యజనాల్లో విటులను పిలుచుకున్నా ఇప్పుడే నేను వారిని సమకూరుస్తాను. [PE][PS]చక్రవర్తి పీడన పెట్టే బాధ కింద వారు కృశించి పోతారు. [PE]
12. [PS]ఎఫ్రాయిము పాపపరిహారం కోసం ఎన్నెన్నో బలిపీఠాలను కట్టింది. [PE][PS]కానీ అతడు పాపం చేయడానికి అవే దోహదం చేశాయి. [PE]
13. [PS]నేను పదివేల సార్లు అతని కోసం నా ధర్మశాస్త్రాన్ని రాయించి నియమించినా, [PE][PS]అయినా దాన్ని ఎప్పుడూ చూడనట్టుగా అతడు ఉంటాడు. [PE]
14. [PS]నాకు అర్పించిన పశువుల విషయానికి వస్తే, వారు వాటిని వధించి ఆ మాంసం వారే తింటారు. [PE][PS]అలాటి బలులను నేను, అంటే యెహోవాను అంగీకరించను. [PE][PS]వారి దోషాన్ని జ్ఞాపకానికి తెచ్చుకుని వారి పాపాలను బట్టి వారిని శిక్షిస్తాను. [PE][PS]వారు మళ్లీ ఐగుప్తుకు వెళ్లవలసి వస్తుంది. [PE][PS]ఇశ్రాయేలువారు తమ సృష్టికర్త అయిన దేవుని మర్చి పోయారు. తమ కోసం భవనాలు కట్టించుకున్నారు. [PE][PS]యూదావారు, చాలా పట్టణాలకు కోటలు కట్టుకున్నారు. [PE][PS]అయితే నేను వారి పట్టణాలను తగలబెడతాను. [PE][PS]వారి కోటలను ధ్వంసం చేస్తాను. [PE]