1. {దుర్మార్గానికి పాల్పడి చెడిపోయిన యూదులు} [PS] యూదా రాజులైన ఉజ్జియా, యోతాము, ఆహాజు, హిజ్కియా పాలించే రోజుల్లో యూదా గురించీ, యెరూషలేము గురించీ ఆమోజు కొడుకు యెషయాకు కలిగిన దర్శనం. [QBR]
2. ఆకాశమా, విను. భూమీ, ఆలకించు. యెహోవా నాతో ఇలా మాట్లాడాడు. [QBR] “నేను పిల్లలను పెంచి పోషించాను. వాళ్ళు నా మీద తిరుగుబాటు చేశారు. [QBR]
3. ఎద్దుకు తన యజమాని తెలుసు. [QBR] తన మేత తొట్టి గాడిదకు తెలుసు. [QBR] కాని, ఇశ్రాయేలుకు తెలియదు. ఇశ్రాయేలుకు అర్థం కాదు.” [QBR]
4. ఓ పాపిష్టి జాతీ, దోషం కింద మగ్గిపోతున్న జనమా, [QBR] దుష్టుల సంతానమా, అవినీతి చేసే పిల్లలారా మీకు బాధ. [QBR] వాళ్ళు యెహోవాను విడిచిపెట్టారు. [QBR] ఇశ్రాయేలీయుల పవిత్ర దేవుణ్ణి అలక్ష్యం చేశారు. [QBR] ఆయనతో తెగతెంపులు చేసుకున్నారు. [QBR]
5. మీకు ఇంకా దెబ్బలు ఎందుకు తగులుతున్నాయి? [QBR] మీరు ఇంకా ఎందుకు తిరుగుబాటు చేస్తున్నారు? [QBR] మీ తల అంతా గాయమే. మీ గుండె నిండా బలహీనతే. [QBR]
6. అరి కాలు నుంచి తల వరకు పుండు పడని భాగం లేదు. [QBR] ఎక్కడ చూసినా గాయాలు, దెబ్బలు, మానని పుళ్ళు. [QBR] అవి నయం కాలేదు. వాటిని ఎవరూ కడగలేదు, [QBR] కట్టు కట్టలేదు, నూనెతో చికిత్స చెయ్యలేదు. [QBR]
7. మీ దేశం పాడైపోయింది. [QBR] మీ పట్టణాలు మంటల్లో కాలిపోయాయి. [QBR] మీ కళ్ళముందే పరాయివారు మీ పంటలు దోచుకుంటున్నారు. [QBR] తమ కంట పడినవన్నీ నాశనం చేస్తున్నారు. [QBR]
8. సీయోను కుమార్తె [* సీయోను కుమార్తె యెరూషలేము పట్టణం] ద్రాక్షతోటలో ఒక గుడిసెలాగా, [QBR] దోసపాదుల్లో ఒక పాకలాగా, ముట్టడి వేసిన పట్టణంలాగా మిగిలిపోయింది. [QBR]
9. జాతులకు ప్రభువైన యెహోవా కొంత శేషం మన కోసం ఉంచకపోతే, [QBR] మనం సొదొమలాగా ఉండేవాళ్ళం. [QBR] మనం గొమొర్రాతో సమానంగా ఉండేవాళ్ళం. [QBR]
10. సొదొమ పాలకులారా, యెహోవా మాట వినండి. [QBR] గొమొర్రా ప్రజలారా, మన దేవుని ధర్మశాస్త్రం ఆలకించండి. [QBR]
11. “యెహోవా ఇలా అంటున్నాడు. [QBR] విస్తారమైన మీ బలులు నాకెందుకు?” [QBR] “దహనబలులుగా అర్పించిన పాట్టేళ్లు, బలిసిన దూడల కొవ్వు నాకు వెగటు పుట్టించాయి. [QBR] దున్నపోతుల రక్తం, గొర్రె పిల్లల రక్తం, మేకపోతుల రక్తం అంటే నాకు ఇష్టం లేదు. [QBR]
12. మీరు నా సన్నిధిలో నన్ను కలుసుకోడానికి వస్తున్నప్పుడు, [QBR] నా ప్రాంగణాలు తొక్కమని మిమ్మల్ని ఎవరడిగారు? [QBR]
13. అర్థం లేని అర్పణలు మీరు ఇక తీసుకు రావొద్దు. ధూపార్పణ నాకు అసహ్యం. [QBR] అమావాస్య, విశ్రాంతి దినాలు, సమాజ కూటాలు జరుగుతున్నాయి కాని, మీ దుర్మార్గ సమావేశాలు నేను సహించలేను. [QBR]
14. మీ అమావాస్య ఉత్సవాలు, నియామక ఉత్సవాలు నాకు అసహ్యం. అవి నాకు బాధాకరం. [QBR] వాటిని సహించలేక విసిగిపోయాను. [QBR]
15. మీరు మీ చేతులు ప్రార్థనలో చాపినప్పుడు మిమ్మల్ని చూడకుండా నా కళ్ళు కప్పేసుకుంటాను. [QBR] మీరు ఎంత ప్రార్థన చేసినా నేను వినను. [QBR] మీ చేతులు రక్తంతో నిండి ఉన్నాయి. [QBR]
16. మిమ్మల్ని కడుగుకోండి. శుద్ధి చేసుకోండి. [QBR] మీ దుష్టక్రియలు నాకు కనిపించకుండా వాటిని తీసివేయండి. [QBR] మీ దుష్టత్వం మానండి.” [QBR]
17. మంచి చెయ్యడం నేర్చుకోండి. [QBR] న్యాయం కోరుకోండి. పీడిత ప్రజలకు సాయం చెయ్యండి. [QBR] తండ్రిలేని వారికి న్యాయం చెయ్యండి. [QBR] వితంతువు పక్షాన నిలబడండి. [QBR]
18. యెహోవా ఇలా అంటున్నాడు. [QBR] “రండి మనం కలిసి ఒక నిర్ణయానికి వద్దాం.” [QBR] “మీ పాపాలు రక్తంలా ఎర్రగా ఉన్నా, [QBR] అవి మంచులా తెల్లగా అవుతాయి. [QBR] కెంపులా ఎర్రగా ఉన్నా, అవి గొర్రెబొచ్చులా తెల్లగా ఔతాయి. [QBR]
19. మీరు ఇష్టపడి నాకు లోబడితే, [QBR] మీరు ఈ దేశం అందించే మంచి పదార్ధాలు అనుభవిస్తారు. [QBR]
20. తిరస్కరించి తిరుగుబాటు చేస్తే, [QBR] కత్తి మిమ్మల్ని నాశనం చేస్తుంది.” [QBR] యెహోవా నోరు ఈ మాట పలికింది. [QBR]
21. నమ్మదగిన ఈ పట్టణం ఒక వేశ్యలా ఎలా మారింది! [QBR] అది న్యాయంతో నిండి ఉండేది. [QBR] నీతి దానిలో నివాసం ఉండేది. [QBR] ఇప్పుడైతే దాని నిండా నరహంతకులు నివాసం ఉంటున్నారు. [QBR]
22. నీ వెండి మలినమైపోయింది. [QBR] నీ ద్రాక్షారసం నీళ్లతో పలచబడి పోయింది. [QBR]
23. నీ అధికారులు ద్రోహులు. [QBR] వాళ్ళు దొంగలతో సావాసం చేస్తారు. [QBR] అందరూ లంచం ఆశిస్తారు. [QBR] చెల్లింపుల వెంటబడతారు. [QBR] తండ్రి లేని వాళ్ళ పక్షంగా ఉండరు. [QBR] వితంతువుల న్యాయమైన అభ్యర్ధన వాళ్ళు పట్టించుకోరు. [QBR]
24. కాబట్టి ప్రభువూ, ఇశ్రాయేలు బలిష్టుడూ, సైన్యాల అధిపతీ అయిన యెహోవా ఇలా ప్రకటిస్తున్నాడు. [QBR] “వాళ్లకు బాధ! నా విరోధులపై నేను ప్రతీకారం తీర్చుకుంటాను. [QBR] నా శత్రువుల మీద నేను పగ తీర్చుకుంటాను. [QBR]
25. నీకు వ్యతిరేకంగా నా చెయ్యి తిప్పుతాను. [QBR] నీలో ఉన్న చెత్తను శుద్ధిచేసి, నీ కల్మషం అంతా తీసేస్తాను. [QBR]
26. మొదట్లో ఉన్నట్టు న్యాయాధిపతులను మళ్ళీ నీకు ఇస్తాను. [QBR] ఆరంభంలో ఉన్నట్టు నీకు సలహాదారులను మళ్ళీ నియమిస్తాను. [QBR] అప్పుడు నీతిగల పట్టణం అనీ, నమ్మదగిన నగరమనీ నీకు పేరొస్తుంది.” [QBR]
27. సీయోనుకు న్యాయాన్ని బట్టీ, తిరిగి వచ్చిన దాని నివాసులకు నీతిని బట్టీ విమోచన కలుగుతుంది. [QBR]
28. అతిక్రమం చేసేవాళ్ళూ, పాపులూ కలిసి ఏకంగా నాశనమౌతారు. [QBR] యెహోవాను విడిచి పెట్టేసిన వాళ్ళు లయమౌతారు. [QBR]
29. “మీరు కోరుకున్న సింధూర వృక్షాలను [† సింధూర వృక్షాలను విగ్రహ పూజ ] బట్టి మీరు సిగ్గుపడతారు. [QBR] మీరు ఎంపిక చేసుకున్న తోటలను బట్టి మీరు అవమానం పాలవుతారు. [QBR]
30. మీరు ఆకులు వాడిపోయే సింధూరవృక్షంలాగా, నీళ్ళు లేని తోటల్లాగా అయిపోతారు. [QBR]
31. బలవంతుడు సుళువుగా నిప్పు రాజుకునే నార పీచులా ఉంటాడు. [QBR] అతని పని నిప్పు రవ్వలా ఉంటుంది. రెండూ కలిసి కాలిపోతాయి. [QBR] ఆర్పే వాళ్ళు ఎవరూ ఉండరు.” [PE]