1. {#1ఇశ్రాయేలుకు సహాయకుడైన దేవుడు } [QS]“ద్వీపాల్లారా, నా ఎదుట మౌనంగా ఉండి వినండి. జాతులు వచ్చి నూతన బలం పొందండి. [QE][QS]వారు నా సన్నిధికి వచ్చి మాట్లాడాలి. రండి, మనం కలిసి చర్చించి వివాదం తీర్చుకుందాం. [QE]
2. [QS]నీతియుతమైన పరిచర్య జరిగించే ఇతణ్ణి తూర్పు నుండి ప్రేరేపించి [* నీతియుతమైన పరిచర్య జరిగించే ఇతణ్ణి తూర్పు నుండి ప్రేరేపించి పర్షియా రాజు కోరెషు, యెషయా 45:1 చూడండి ]పిలిచిన వాడెవడు? [QE][QS]ఆయన అతనికి రాజ్యాలను అప్పగిస్తున్నాడు, రాజులను అతనికి లోబరుస్తున్నాడు. [QE][QS]అతని ఖడ్గానికి వారిని ధూళిలాగా అప్పగిస్తున్నాడు. [QE][QS]అతని విల్లుకి వారిని ఎగిరిపోయే పొట్టులాగా అప్పగిస్తున్నాడు. [QE]
3. [QS]అతడు వారిని తరుముతున్నాడు. [QE][QS]తాను ఇంతకుముందు వెళ్ళని దారైనా సురక్షితంగా దాటిపోతున్నాడు. [QE]
4. [QS]దీన్ని ఎవడు ఆలోచించి జరిగించాడు? [QE][QS]ఆదినుండి మానవ జాతులను పిలిచిన వాడినైన యెహోవా అనే నేనే. [QE][QS]నేను మొదటివాడిని, చివరి వారితో ఉండేవాణ్ణి. [QE]
5. [QS]ద్వీపాలు చూసి దిగులు పడుతున్నాయి. [QE][QS]భూదిగంతాలు వణకుతున్నాయి, ప్రజలు వచ్చి చేరుకుంటున్నారు. [QE]
6. [QS]వారు ఒకడికొకడు సహాయం చేసుకుంటారు. [QE][QS]‘ధైర్యంగా ఉండు’ అని ఒకడితో ఒకడు చెప్పుకుంటారు. [QE]
7. [QS]‘అది బాగా ఉంది’ అని చెబుతూ శిల్పి కంసాలిని ప్రోత్సాహపరుస్తాడు. [QE][QS]సుత్తెతో నునుపు చేసేవాడు దాగలి మీద కొట్టేవాణ్ణి ప్రోత్సాహపరుస్తాడు [QE][QS]ఆ విగ్రహం కదిలిపోకుండా వారు మేకులతో దాన్ని బిగిస్తారు. [QE]
8. [QS]నా సేవకుడవైన ఇశ్రాయేలూ, నేను ఎన్నుకున్న యాకోబూ, నా స్నేహితుడైన అబ్రాహాము సంతానమా, [QE]
9. [QS]భూదిగంతాల నుండి నేను నిన్ను తీసుకువచ్చాను. దూరంగా ఉన్న అంచుల నుండి నిన్ను పిలిచాను. [QE]
10. [QS]నువ్వు నా దాసుడనీ, నిన్ను తోసిపుచ్చకుండా నేను నిన్నే ఎన్నుకున్నాననీ నీతో చెప్పాను. [QE][QS]నీకు తోడుగా ఉన్నాను, భయపడవద్దు. నేను నీ దేవుణ్ణి. [QE][QS]దిగులు పడవద్దు. నేను నిన్ను బలపరుస్తాను. నీకు సహాయం చేస్తాను. [QE][QS]నీతి అనే నా కుడిచేతితో నిన్ను ఆదుకుంటాను. [QE]
11. [QS]నీ మీద కోపపడే వారంతా సిగ్గుపడి, అవమానం పాలవుతారు. [QE][QS]నిన్ను ఎదిరించే వారు కనబడకుండా నశించిపోతారు [QE]
12. [QS]నువ్వెంత వెదికినా నీతో కలహించే వారు కనిపించరు. [QE][QS]నీతో యుద్ధం చేసే వారు లేకుండా పోతారు, పూర్తిగా మాయమైపోతారు. [QE]
13. [QS]నీ దేవుణ్ణి అయిన యెహోవా అనే నేను, ‘భయపడవద్దు, నేను నీకు సహాయం చేస్తాను’ అని చెబుతూ నీ కుడిచేతిని పట్టుకున్నాను. [QE]
14. [QS]పురుగులాంటి యాకోబూ, అల్పమైన ఇశ్రాయేలూ, ‘భయపడకు, నేను నీకు సహాయం చేస్తాను’ ” అని యెహోవా సెలవిస్తున్నాడు. [QE][QS]ఇశ్రాయేలు పరిశుద్ధ దేవుడే నీ విమోచకుడు. [QE]
15. [QS]“ఇదిగో చూడు, నిన్ను పదునైన కొత్త నూర్పిడి బల్లగా నియమించాను. [QE][QS]నువ్వు పర్వతాలను నూర్చి, వాటిని పొడి చేస్తావు. కొండలను పొట్టులాగా చేస్తావు. [QE]
16. [QS]నువ్వు వాటిని ఎగరేసినప్పుడు గాలికి అవి కొట్టుకుపోతాయి. సుడిగాలికి అవి చెదరిపోతాయి. [QE][QS]నువ్వు యెహోవాను బట్టి సంతోషిస్తావు. ఇశ్రాయేలు పరిశుద్ధ దేవుణ్ణి బట్టి అతిశయపడతావు. [QE]
17. [QS]దీనులు, అవస్థలో ఉన్నవారు నీటి కోసం వెదుకుతున్నారు. నీళ్లు దొరక్క వారి నాలుక దప్పికతో ఎండిపోతున్నది. [QE][QS]యెహోవా అనే నేను వారికి జవాబిస్తాను. ఇశ్రాయేలు దేవుడినైన నేను వారిని విడిచిపెట్టను. [QE]
18. [QS]ఇది యెహోవా చేతి కార్యమనీ ఇశ్రాయేలు పరిశుద్ధ దేవుడే దీన్ని కలిగించాడనీ మనుషులు గ్రహించి స్పష్టంగా తెలుసుకుంటారు. [QE]
19. [QS]నేను చెట్లు లేని ఎత్తు స్థలాల మీద నదులను పారిస్తాను. లోయల మధ్యలో ఊటలు ఉబికేలా చేస్తాను. [QE][QS]అరణ్యాన్ని నీటి మడుగుగా, ఎండిపోయిన నేలను నీటిబుగ్గలుగా చేస్తాను. [QE]
20. [QS]నేను అరణ్యంలో దేవదారు వృక్షాలు, తుమ్మచెట్లు, గొంజిచెట్లు, తైలవృక్షాలు నాటిస్తాను. [QE][QS]ఎడారిలో తమాల వృక్షాలు, సరళ వృక్షాలు, నేరేడు చెట్లు నాటిస్తాను. [QE]
21. [QS]మీ వాదంతో రండి” అని యెహోవా అంటున్నాడు. “మీ రుజువులు చూపించండి” అని యాకోబు రాజు చెబుతున్నాడు. [QE]
22. [QS]జరగబోయే వాటిని విశదపరచి మాకు తెలియజెప్పండి. [QE][QS]గతంలో జరిగిన వాటిని మేం పరిశీలించి వాటి ఫలాన్ని తెలుసుకునేలా వాటిని మాకు తెలియజెప్పండి. [QE]
23. [QS]ఇకముందు జరగబోయే సంగతులను తెలియజెప్పండి. [QE][QS]అప్పుడు మీరు దేవుళ్ళని మేం ఒప్పుకుంటాం. [QE][QS]మేము విస్మయం చెందేలా మేలైనా, కీడైనా, ఏదైనా పని చేయండి. [QE]
24. [QS]మీకు ఉనికి లేదు. మీ పనులు శూన్యం. మిమ్మల్ని ఆశించేవారు అసహ్యులు. [QE]
25. [QS]ఉత్తరదిక్కు నుండి నేనొకణ్ణి పురిగొల్పుతున్నాను. అతడు నా పేరున ప్రార్థిస్తాడు. [QE][QS]అతడు సూర్యోదయ దిక్కునుండి వచ్చి ఒకడు బురద తొక్కే విధంగా, కుమ్మరి మన్ను తొక్కే విధంగా రాజులను అణగదొక్కుతాడు. [QE]
26. [QS]జరిగినదాన్ని మొదటి నుండి మాకు చెప్పి మమ్మల్ని ఒప్పించినవాడేడీ? [QE][QS]“అతడు చెప్పింది సరైనదే” అని మేము చెప్పేలా పూర్వకాలంలో దాన్ని మాకు చెప్పింది ఎవరు? [QE][QS]ఎవరూ వినిపించలేదు, వినడానికి మీరెవరికీ చెప్పలేదు. [QE]
27. [QS]వినండి, “ఇదిగో, ఇవే అవి” అని మొదట సీయోనుతో నేనే చెప్పాను. [QE][QS]యెరూషలేముకు సందేశం ప్రకటించడానికి నేనే ఒకణ్ణి పంపించాను. [QE]
28. [QS]నేను చూసినప్పుడు ఎవ్వరూ లేరు. నేను వారిని ప్రశ్నించినప్పుడు జవాబు చెప్పడానికి, మంచి సలహా ఇవ్వడానికి ఎవరూ లేరు. [QE]
29. [QS]వారంతా మోసగాళ్ళు. వారు చేసేది మాయ. వారి విగ్రహాలు శూన్యం. అవి వట్టి గాలిలాంటివి. [QE]