1. {#1బబులోనుకు వ్యతిరేకంగా తీర్పు } [QS]బబులోను కన్యా, కిందికి దిగి మట్టిలో కూర్చో. [QE][QS]కల్దీయుల కుమారీ, సింహాసనం లేకుండా నేల మీద కూర్చో. [QE][QS]నువ్వు సుతిమెత్తని దానివనీ సుకుమారివనీ ప్రజలు ఇక ముందు చెప్పరు. [QE]
2. [QS]తిరగలి తీసుకుని పిండి విసురు. నీ ముసుగు తీసివెయ్యి. [QE][QS]కాలి మీద జీరాడే వస్త్రాలు తీసివెయ్యి. కాలి మీది బట్ట తీసి నదులు దాటు. [QE]
3. [QS]నీ చీర కూడా తీసేస్తారు. నీ నగ్నత్వం బయటపడుతుంది. [QE][QS]నేను మనుషులపై ప్రతీకారం తీర్చుకునేటప్పుడు వారిపై జాలిపడను. [QE]
4. [QS]మా విమోచకునికి సేనల అధిపతి, ఇశ్రాయేలు పరిశుద్ధ దేవుడు అయిన యెహోవా అని పేరు. [QE]
5. [QS]కల్దీయుల కుమారీ, మౌనంగా చీకటిలోకి వెళ్ళిపో. [QE][QS]రాజ్యాలన్నిటికీ రాణి అని ప్రజలు ఇంక నిన్ను పిలవరు. [QE]
6. [QS]నా ప్రజల మీద కోపంతో నా స్వాస్థ్యాన్ని అపవిత్రపరచి వారిని నీ చేతికి అప్పగించాను. [QE][QS]కాని నువ్వు వారి మీద కనికరం చూపలేదు. వృద్ధుల మీద నీ బరువైన కాడిని మోపావు. [QE]
7. [QS]నీవు “నేను ఎల్లకాలం మహారాణిగా ఉంటాను” అనుకుని ఈ విషయాల గురించి ఆలోచించలేదు, [QE][QS]వాటి పరిణామం ఎలా ఉంటుందో అని పరిశీలించలేదు. [QE]
8. [QS]కాబట్టి సుఖాసక్తితో నిర్భయంగా జీవిస్తూ “నేనే ఉన్నాను, నేను తప్ప మరి ఎవరూ లేరు. [QE][QS]నేనెన్నటికీ విధవరాలిని కాను, పుత్రశోకం నాకు కలగదు” అనుకుంటున్నావు. ఇదిగో, ఈ మాటను విను. [QE]
9. [QS]పుత్ర శోకం, వైధవ్యం, ఈ రెండూ ఒక్క నిమిషంలో ఒకే రోజున నీకు కలుగుతాయి. [QE][QS]నువ్వు ఎంతగా శకునం చూసినా, అనేక కర్ణపిశాచ తంత్రాలపై ఆధారపడినా ఈ అపాయాలు నీ మీదికి సంపూర్తిగా వస్తాయి. [QE]
10. [QS]నీ దుర్మార్గంలో మునిగిపోయి “ఎవడూ నన్ను చూడడు” అని అనుకున్నావు. [QE][QS]నీ విద్య, నీ జ్ఞానం “నేనే. నాలాగా మరి ఎవరూ లేరు” అని విర్రవీగేలా చేశాయి. [QE]
11. [QS]వినాశనం నిన్ను కమ్ముకుంటుంది. నువ్వు మంత్రాలతో దాన్ని పోగొట్టలేవు. [QE][QS]కీడు నీ మీద పడుతుంది, దాన్ని నువ్వు నివారించలేవు. [QE][QS]నీకు తెలియకుండా విపత్తు నీ మీదికి అకస్మాత్తుగా ముంచుకొస్తుంది. [QE]
12. [QS]నీవు నిలబడి చిన్నతనం నుండి నువ్వు ఎంతో ప్రయాసతో నేర్చుకున్న నీ కర్ణపిశాచ తంత్రాలను, విస్తారమైన నీ శకునాలను ప్రయోగించు. [QE][QS]ఒకవేళ అవి నీకు ప్రయోజనకరం అవుతాయేమో, వాటితో ఒకవేళ నువ్వు మనుషులను బెదరించగలవేమో. [QE]
13. [QS]నీ విస్తారమైన చర్చల వలన నువ్వు అలసిపోయావు. [QE][QS]జ్యోతిష్యులనూ, నక్షత్రాలు చూసి, నెలలు లెక్కించి శకునాలు చెప్పేవారినీ పిలిచి, [QE][QS]నీకు జరగబోయేవి నీ మీదికి రాకుండా తప్పించి నిన్ను రక్షిస్తారేమో ఆలోచించు. [QE]
14. [QS]వారు చెత్త పరకల్లాగా అవుతారు. అగ్ని వారిని కాల్చివేస్తుంది. [QE][QS]అగ్ని జ్వాలల నుండి తమను తామే రక్షించుకోలేకపోతున్నారు. [QE][QS]అది చలి కాచుకొనే మంట కాదు, మనుషులు దాని ఎదుట కూర్చోగలిగింది కాదు. [QE]
15. [QS]నువ్వు ఎవరికోసం చాకిరీ చేసి అలసిపోయావో వారు నీకు ఎందుకూ పనికిరారు. [QE][QS]నీ బాల్యం నుండి నీతో వ్యాపారం చేసినవారు తమ తమ చోట్లకు వెళ్లిపోతున్నారు. [QE][QS]నిన్ను రక్షించేవాడు ఒక్కడూ ఉండడు. [QE]