1. {#1ఇశ్రాయేలు తలబిరుసుతనం } [QS]యూదా సంతానమా! యాకోబు వంశమా! ఈ మాట విను. [QE][QS]నిన్ను ఇశ్రాయేలు అనే పేరుతో పిలుస్తున్నారు. [QE][QS]నువ్వు యెహోవా నామం తోడని ప్రమాణం చేస్తావు. [QE][QS]ఇశ్రాయేలు దేవుని పేరు స్మరిస్తావు. [QE][QS]అయితే యథార్థంగా నిజాయితీతో అలా చేయవు. [QE]
2. [QS]మేము పరిశుద్ధ పట్టణవాసులం అనే పేరు పెట్టుకుని, [QE][QS]వాళ్ళు ఇశ్రాయేలు దేవుని ఆశ్రయిస్తారు. ఆయన పేరు సేనల ప్రభువైన యెహోవా. [QE]
3. [QS]ఈ విషయాలు ఇలా జరుగుతాయని ఎప్పుడో చెప్పాను. అవి నా నోట్లో నుండే వచ్చాయి. నేనే వాటిని తెలియచేశాను. అకస్మాత్తుగా జరిగేలా వాటిని చేశాను. [QE]
4. [QS]నువ్వు మూర్ఖుడవనీ నీ మెడ నరాలు ఇనుములాంటివనీ నీ నొసలు కంచులాంటిదనీ నాకు తెలుసు. [QE]
5. [QS]అందుకే ఈ విషయాలు ఎప్పుడో చెప్పాను. అవి జరక్కముందే నేను నీకు చెప్పాను. [QE][QS]“నా విగ్రహమే వీటిని చేసింది.” లేకపోతే “నేను చెక్కిన బొమ్మ, లేదా నేను పోతపోసిన బొమ్మ దీన్ని నియమించింది” అని నువ్విక చెప్పలేవు. [QE]
6. [QS]నువ్వు ఈ విషయాలు విన్నావు. ఈ వాస్తవమంతా చూడు. నేను చెప్పింది నిజమేనని మీరు ఒప్పుకోరా? ఇక నుంచి కొత్త సంగతులు, నీకు తెలియని గూఢమైన సంగతులు నేను చెబుతాను. [QE]
7. [QS]అవి చాలా కాలం క్రితం కలిగినవి కావు. [QE][QS]“అవి ఇప్పుడే కలిగాయి. అవి నాకు తెలిసినవే” అని నువ్వు చెప్పకుండేలా ఇంతకుముందు నువ్వు వాటిని వినలేదు. [QE]
8. [QS]నువ్వెన్నడూ వాటిని వినలేదు. నీకు తెలియదు. ముందే ఈ విషయాలు నీకు చెప్పలేదు. [QE][QS]పుట్టినప్పటినుంచి నువ్వు తిరుగుబోతుగా ఉన్నావనీ పెద్ద మోసగాడిగా ఉన్నావనీ నాకు తెలుసు. [QE]
9. [QS]నా నామం కోసం నేను నిన్ను నిర్మూలం చేయను. నా కోపం చూపించను. [QE][QS]నా కీర్తి కోసం మిమ్మల్ని నాశనం చేయకుండా నీ విషయంలో నన్ను నేను తమాయించుకుంటాను. [QE]
10. [QS]నేను నిన్ను పుటం వేశాను. అయితే వెండిలా కాదు. బాధల కొలిమిలో నిన్ను పరీక్షించాను. [QE]
11. [QS]నా కోసం, నా కోసమే ఆలా చేస్తాను. ఎందుకంటే నా పేరు అవమానానికి ఎందుకు గురి కావాలి? [QE][QS]నా ఘనత మరెవరికీ ఇవ్వను. [QE]
12. {#1ఇశ్రాయేలు విమోచకుడు } [QS]యాకోబూ, నేను పిలిచిన ఇశ్రాయేలూ, నా మాట విను. [QE][QS]నేనే ఆయన్ని. నేను మొదటివాణ్ణి, చివరివాణ్ణి. [QE]
13. [QS]నా చెయ్యి భూమికి పునాదివేసింది. నా కుడిచెయ్యి ఆకాశాన్ని పరచింది. [QE][QS]నేను వాటిని పిలిస్తే అవన్నీ కలిసి నిలుస్తాయి. [QE]
14. [QS]మీరంతా ఒక చోటికి వచ్చి నా మాట వినండి. మీలో ఎవరు ఈ విషయాలు తెలియచేశారు? [QE][QS]యెహోవా మిత్రుడు బబులోనుకు విరోధంగా తన ఉద్దేశాన్ని నేరవేరుస్తాడు. అతడు యెహోవా ఇష్టాన్ని కల్దీయులకు విరోధంగా జరిగిస్తాడు. [QE]
15. [QS]ఔను. నేనే ఇలా చెప్పాను. నేనే అతణ్ణి పిలిచాను. నేనే అతణ్ణి రప్పించాను. అతడు చక్కగా చేస్తాడు. [QE]
16. [QS]నా దగ్గరికి రండి. ఈ విషయం వినండి. [QE][QS]మొదటినుంచి నేను రహస్యంగా మాట్లాడలేదు. అది జరిగేటప్పుడు నేనక్కడే ఉన్నాను. [QE][QS]ఇప్పుడు యెహోవా ప్రభువు తన ఆత్మతో నన్ను పంపాడు. [QE]
17. [QS]నీ విమోచకుడు, ఇశ్రాయేలు పరిశుద్ధ దేవుడు యెహోవా ఇలా చెబుతున్నాడు. [QE][QS]“నేను నీ దేవుణ్ణి. యెహోవాను. నువ్వెలా సాధించగలవో నీకు బోధిస్తాను. [QE][QS]నువ్వు వెళ్ళాల్సిన దారిలో నిన్ను నడిపిస్తాను. [QE]
18. [QS]నువ్వు నా ఆజ్ఞలను పాటిస్తే ఎంత బాగుంటుంది! [QE][QS]అప్పుడు నీ శాంతి, సౌభాగ్యం నదిలా పారేవి. నీ విడుదల సముద్రపు అలల్లా ఉండేది. [QE]
19. [QS]నీ సంతానం ఇసుకంత విస్తారంగా నీ గర్భఫలం దాని రేణువుల్లాగా విస్తరించేవారు. [QE][QS]వారి పేరు నా దగ్గర నుంచి కొట్టివేయడం జరిగేది కాదు. [QE]
20. [QS]బబులోను నుంచి బయటికి రండి! కల్దీయుల దేశంలో నుంచి పారిపొండి! [QE][QS]యెహోవా తన సేవకుడైన యాకోబును విమోచించాడు” అనే విషయం ఉత్సాహంగా ప్రకటించండి! అందరికీ తెలిసేలా చేయండి! ప్రపంచమంతా చాటించండి! [QE]
21. [QS]ఎడారుల్లో ఆయన వారిని నడిపించినప్పుడు వారికి దాహం వేయలేదు. [QE][QS]వారి కోసం బండలోనుంచి నీళ్లు ఉబికేలా చేశాడు. [QE][QS]ఆయన ఆ బండ చీల్చాడు. నీళ్లు పెల్లుబికాయి. [QE]
22. [QS]“దుష్టులకు నెమ్మది ఉండదు” అని యెహోవా చెబుతున్నాడు. [QE]