1. {#1మిడుతల సైన్యం } [PS]సీయోనులో బాకా ఊదండి, [PE][QS]నా పరిశుద్ధ పర్వతం మీద మేల్కొలిపే శబ్దం చేయండి! [QE][QS]యెహోవా దినం వస్తున్నదనీ అది సమీపమయ్యిందనీ [QE][QS]దేశనివాసులంతా భయంతో వణకుతారు గాక. [QE]
2. [QS]అది చీకటి రోజు, గాఢాంధకారమయమైన రోజు. [QE][QS]కారు మబ్బులు కమ్మే కటిక చీకటి రోజు. [QE][QS]పర్వతాల మీద ఉదయకాంతి ప్రసరించినట్టు [QE][QS]బలమైన గొప్ప సేన వస్తూ ఉంది. [QE][QS]అలాంటి సేన ఎన్నడూ లేదు, ఇక ఎన్నడూ మళ్ళీ రాదు. [QE][QS]తరతరాల తరువాత కూడా అది ఉండదు. [QE]
3. [PS]దాని ముందు అగ్ని అన్నిటినీ కాల్చేస్తున్నది. [PE][QS]వాటి వెనుక, మంట మండుతూ ఉంది. [QE][QS]అది రాకముందు భూమి ఏదెను తోటలా ఉంది. [QE][QS]అది వచ్చి వెళ్లిపోయిన తరువాత భూమి ఎడారిలా పాడయింది. [QE][QS]దానినుంచి ఏదీ తప్పించుకోలేదు. [QE]
4. [PS]సేన రూపం, గుర్రాల లాగా ఉంది. [PE][QS]వాళ్ళు రౌతులలాగా పరుగెడుతున్నారు. [QE]
5. [QS]వాళ్ళు పర్వత శిఖరాల మీద రథాలు పరుగులు పెడుతున్నట్టు వచ్చే శబ్దంతో దూకుతున్నారు. [QE][QS]ఎండిన దుబ్బు మంటల్లో కాలుతుంటే వచ్చే శబ్దంలా, [QE][QS]యుద్ధానికి సిద్ధమైన గొప్ప సేనలా ఉన్నారు. [QE]
6. [PS]వాటిని చూసి ప్రజలు అల్లాడిపోతున్నారు, [PE][QS]అందరి ముఖాలు పాలిపోతున్నాయి. [QE]
7. [QS]అవి శూరుల్లాగా పరుగెడుతున్నాయి. [QE][QS]సైనికుల్లాగా అవి గోడలెక్కుతున్నాయి. [QE][QS]అటూ ఇటూ తిరుగకుండా అవన్నీ తిన్నగా నడుస్తున్నాయి. [QE]
8. [QS]ఒకదానినొకటి తోసుకోకుండా తమ దారిలో చక్కగా పోతున్నాయి. [QE][QS]ఆయుధాలు ఎదుర్కొన్నా వరుస తప్పవు. [QE]
9. [QS]పట్టణంలో చొరబడుతున్నాయి. [QE][QS]గోడల మీద పరుగెడుతూ దొంగల్లాగా కిటికీల గుండా ఇళ్ళల్లోకి వస్తున్నాయి. [QE]
10. [PS]వాటి ముందు భూమి కంపిస్తున్నది, [PE][QS]ఆకాశాలు వణుకుతున్నాయి. [QE][QS]సూర్యచంద్రులకు చీకటి కమ్ముకుంది. [QE][QS]నక్షత్రాలు కాంతి తప్పుతున్నాయి. [QE]
11. [QS]యెహోవా తన సైన్యం ముందు తన స్వరం పెంచాడు, [QE][QS]ఆయన యోధులు చాలా ఎక్కువమంది. [QE][QS]ఆయన ఆజ్ఞలను నెరవేర్చేవారు బలవంతులు. [QE][QS]యెహోవా దినం గొప్పది, మహా భయంకరమైనది. [QE][QS]దాన్ని ఎవరు వైపుకోగలరు? [QE]
12. {#1పశ్చాతపనికి పిలుపు } [PS]యెహోవా ఇలా అంటున్నాడు, [PE][QS]“ఇప్పుడైనా, ఉపవాసముండి కన్నీళ్ళు కారుస్తూ దుఃఖిస్తూ [QE][QS]హృదయపూర్వకంగా నాదగ్గరికి తిరిగి రండి.” [QE]
13. [QS]మీ యెహోవా దేవుడు అత్యంత కృప గలవాడూ దయగలవాడు. [QE][QS]త్వరగా కోపపడేవాడు కాదు. విస్తారంగా ప్రేమ చూపించేవాడు. [QE][QS]శిక్షించాలనే తన మనస్సు మార్చుకునేవాడు. [QE][QS]కాబట్టి మీ బట్టలు మాత్రమే కాక [QE][QS]మీ హృదయాలను చింపుకుని ఆయన వైపు తిరగండి. [QE]
14. [PS]ఒకవేళ ఆయన మీ వైపు తిరిగి జాలి చూపుతాడేమో. [PE][QS]మీరు మీ యెహోవా దేవునికి తగిన నైవేద్యాన్ని, [QE][QS]పానార్పణాన్ని అర్పించేలా మిమ్మల్ని దీవిస్తాడేమో ఎవరికి తెలుసు? [QE]
15. [PS]సీయోనులో బాకా ఊదండి. [PE][QS]ఉపవాసదినం ప్రతిష్ఠించండి. సంఘంగా కూడండి. [QE]
16. [QS]ప్రజలను సమకూర్చండి. [QE][QS]సంఘాన్ని ప్రతిష్ఠించండి. పెద్దలను పిలిపించండి. [QE][QS]పిల్లలనూ చంటి పిల్లలనూ తీసుకురండి. [QE][QS]పెళ్లికొడుకులు తమ గదుల్లోనుంచి, [QE][QS]పెళ్లికూతుళ్ళు తమ పెళ్లి గదుల్లోనుంచి రావాలి. [QE]
17. [PS]యెహోవాకు పరిచర్యచేసే సేవకులు, యాజకులు [PE][QS]మంటపానికీ బలిపీఠానికి మధ్య నిలబడి ఏడవాలి. [QE][QS]“యెహోవా, నీ ప్రజలను కనికరించు. [QE][QS]నీ సొత్తుగా ఉన్న వారిని సిగ్గుపడనివ్వకు. [QE][QS]వారి మీద రాజ్యాలను ఏలనివ్వకు. [QE][QS]వారి దేవుడు ఏమయ్యాడు? అని ఇతర ప్రజలు ఎందుకు చెప్పుకోవాలి?” [QE]
18. {#1పశ్చాతాపం ద్వారా విమోచన } [PS]అప్పుడు యెహోవా తన దేశాన్ని గురించి రోషంతో ఉన్నాడు. [PE][QS]తన ప్రజల పట్ల జాలితో ఉన్నాడు. [QE]
19. [QS]యెహోవా తన ప్రజలకు ఇలా జవాబిచ్చాడు, [QE][QS]“నేను మీకు ధాన్యం, కొత్త ద్రాక్షారసం, నూనె పంపిస్తాను. [QE][QS]మీరు వాటితో తృప్తి చెందుతారు. [QE][QS]ఇకనుంచి మరెన్నడూ మిమ్మల్ని ఇతర ప్రజల్లో అవమానానికి గురిచేయను. [QE]
20. [QS]ఉత్తర దిక్కు నుంచి వచ్చే సేనను మీకు దూరంగా పారదోలతాను. [QE][QS]వారిని ఎండిపోయి, పాడైపోయిన ప్రాంతానికి తోలివేస్తాను. [QE][QS]దాని ముందు భాగాన్ని తూర్పు సముద్రంలో, దాని వెనుక భాగాన్ని పడమటి సముద్రంలో పడేస్తాను. [QE][QS]అది కంపు కొడుతుంది, చెడ్డవాసన వస్తుంది. [QE][QS]నేను గొప్ప పనులు చేస్తాను.” [QE]
21. [QS]దేశమా, భయపడక సంతోషించి గంతులు వెయ్యి. [QE][QS]యెహోవా గొప్ప పనులు చేశాడు. [QE]
22. [QS]పశువులారా, భయపడవద్దు. గడ్డిబీళ్లలో పచ్చిక మొలుస్తుంది. [QE][QS]చెట్లు కాయలు కాస్తాయి. అంజూరపుచెట్లు, ద్రాక్షచెట్లు సమృద్ధిగా ఫలిస్తాయి. [QE]
23. [QS]సీయోను ప్రజలారా, ఆనందించండి. [QE][QS]మీ యెహోవా దేవుణ్ణి తలుచుకుని సంతోషించండి. [QE][QS]ఆయన నీతి బట్టి మీ కోసం సరిపోయినంత తొలకరి వాన, వాన జల్లు పంపిస్తాడు. [QE][QS]ముందులాగా తొలకరి వాన, కడవరి వాన కురిపిస్తాడు. [QE]
24. [PS]కళ్ళాలు గోదుమ గింజలతో నిండి ఉంటాయి. [PE][QS]కొత్త ద్రాక్షారసం, నూనెతో తొట్లు పొర్లి పారతాయి. [QE]
25. [QS]“ఎగిరే మిడతల గుంపులూ పెద్ద మిడతలూ మిడత పిల్లలూ గొంగళి పురుగులూ, [QE][QS]ఆ నా మహాసేన తినేసిన సంవత్సరాల పంటను మీకు మళ్ళీ ఇస్తాను. [QE]
26. [PS]మీరు కడుపునిండా తిని తృప్తి పడతారు. [PE][QS]మీ మధ్య చేసిన అద్భుతాలను బట్టి [QE][QS]మీ యెహోవా దేవుని పేరును స్తుతిస్తారు. [QE][QS]నా ప్రజలను ఇక ఎన్నటికీ సిగ్గుపడనివ్వను. [QE]
27. [QS]అప్పుడు ఇశ్రాయేలీయుల మధ్య ఉంది నేనే అనీ, [QE][QS]నేనే మీ యెహోవా దేవుడిననీ, [QE][QS]నేను తప్ప వేరే దేవుడు లేడనీ మీరు తెలుసుకుంటారు. [QE][QS]నా ప్రజలను ఇక ఎన్నటికీ సిగ్గుపడనివ్వను. [QE]
28. {#1దీవుని ఆత్మ ప్రోక్షణకు సంబంధించిన వాగ్దానం } [PS]తరువాత నేను ప్రజలందరి మీద [PE][QS]నా ఆత్మను కుమ్మరిస్తాను. [QE][QS]మీ కొడుకులూ మీ కూతుర్లూ ప్రవచనాలు చెబుతారు. [QE][QS]మీ ముసలివారు కలలుకంటారు. [QE][QS]మీ యువకులకు దర్శనాలు వస్తాయి. [QE]
29. [QS]ఆ రోజుల్లో నేను పనివారి మీద నా ఆత్మను కుమ్మరిస్తాను. [QE]
30. [PS]ఆకాశంలో అద్భుతాలు చూపిస్తాను. [PE][QS]భూమ్మీద రక్తం, మంటలు, ఎత్తయిన పొగ కలిగిస్తాను. [QE]
31. [QS]యెహోవా భయంకరమైన ఆ మహాదినం రాకముందు [QE][QS]సూర్యుడు చీకటిగా, చంద్రుడు రక్తంలా మారతాయి. [QE]
32. [QS]యెహోవా పేరున ప్రార్థనచేసే వారందరినీ కాపాడడం జరుగుతుంది. [QE][QS]యెహోవా చెప్పినట్టు సీయోను కొండమీద, యెరూషలేములో తప్పించుకున్నవారుంటారు. [QE][QS]యెహోవా ఏర్పాటు చేసుకున్నవాళ్ళు మిగులుతారు.” [QE]