1. {దెబోరా గీతం} [PS] ఆ రోజు దెబోరా, అబీనోయము కొడుకు బారాకు, ఈ కీర్తన పాడారు, [QBR]
2. ఇశ్రాయేలులో నాయకులు నాయకత్వం వహించినపుడు [QBR] ప్రజలు సంతోషంగా, స్వచ్ఛందంగా యుద్ధంలో పాల్గొన్నారు. [QBR] మేము యెహోవాను స్తుతిస్తాం! [QBR]
3. రాజులారా వినండి! అధికారులారా ఆలకించండి! [QBR] నేను యెహోవాకు కీర్తన పాడుతాను. [QBR] ఇశ్రాయేలు దేవుడైన యెహోవాకు నేను స్తుతుల కీర్తన పాడుతాను. [QBR]
4. యెహోవా, నువ్వు శేయీరు నుంచి బయలుదేరినప్పుడు, [QBR] ఎదోము పొలం నుంచి యుద్ధానికి బయలుదేరినప్పుడు, [QBR] భూమి కంపించింది. ఆకాశం వణికింది. [QBR] మేఘాలు నీళ్ళు కుమ్మరించాయి. [QBR]
5. యెహోవా సముఖంలో కొండలు కంపించాయి. [QBR] ఇశ్రాయేలీయుల దేవుడైన యెహోవా సముఖంలో సీనాయి కొండ కూడా కంపించింది. [QBR]
6. అనాతు కొడుకు షమ్గరు దినాల్లో యాయేలు దినాల్లో రాజమార్గాలు ఎడారులుగా మారాయి. [QBR] ప్రయాణికులు ఎవరూ నడవని పక్క త్రోవల్లోనే నడిచారు. [QBR]
7. దెబోరా అనే నేను రాకముందు, ఇశ్రాయేలీయుల్లో పనివాళ్ళు లేకుండా పోయారు. [QBR] ఒక తల్లి ఇశ్రాయేలీయులకు నాయకత్వం వహించ వలసి వచ్చింది! [QBR]
8. ఇశ్రాయేలీయులు కొత్త దేవుళ్ళను ఎంపిక చేసుకున్నారు. యుద్ధం వాళ్ళ ముఖ ద్వారాల దగ్గరికి వచ్చింది. ఇశ్రాయేలీయుల్లో నలభై వేలమందిలో [QBR] ఒక్కడికైనా ఒక డాలే గానీ ఒక ఈటె గానీ కనిపించలేదు. [QBR]
9. ఇశ్రాయేలీయుల అధిపతులు సంతోషంగా తమకైతాముగా యుద్ధానికి సిద్ధపడ్డారు. [QBR] వారిని బట్టి యెహోవాను స్తుతించండి! [QBR]
10. తెల్ల గాడిదల మీద స్వారీ చేసేవారూ, తివాచీల మీద కూర్చునేవారూ, [QBR] త్రోవల్లో నడిచేవారూ, ఇది వినండి! [QBR]
11. పశువులు నీళ్ళు తాగే చోట విల్లుకాండ్రు చేసే [* విల్లుకాండ్రు చేసే పాటలు పాడేవాళ్ళ] స్వరాలు వినండి. [QBR] యెహోవా నీతిక్రియల గురించి వాళ్ళు చెబుతున్నారు. [QBR] ఇశ్రాయేలీయుల యుద్ధశూరులకు తమ శత్రువుల మీద ఆయన జయం ఇచ్చాడని వాళ్ళు చెబుతున్నారు. [QBR] “యెహోవా ప్రజలు పట్టణ ద్వారాల దగ్గరికి కవాతుగా వెళ్ళారు. [QBR]
12. మేలుకో, మేలుకో దెబోరా, మేలుకో, మేలుకో, కీర్తన పాడు! [QBR] బారాకూ వెళ్ళు, అబీనోయము కుమారా, వెళ్ళు. నీ శత్రువులను బంధించు. [QBR]
13. ప్రాణాలతో ఉన్న కొందరు ఇశ్రాయేలు ప్రజలు [QBR] తాబోరు కొండ దిగి ప్రముఖుల దగ్గరికి వచ్చారు. [QBR] యెహోవా ప్రజలు యుద్ధ శూరులతో ఉన్న నా దగ్గరికి వచ్చారు. [QBR]
14. కొందరు ఎఫ్రాయీము నుంచి వచ్చినవాళ్ళు. [QBR] వాళ్ళు ఒకప్పుడు అమాలేకీయుల దేశ నివాసులు. బెన్యామీనీయుల ప్రజలు నీ వెంటే వచ్చారు. [QBR] మాకీరు నుంచి న్యాయాధిపతులు, జెబూలూనీయుల నుంచి నాయకదండం మోసేవాళ్ళూ వచ్చారు. [QBR]
15. ఇశ్శాఖారులోని అధిపతులు దెబోరాతో కలిసి వచ్చారు. [QBR] ఇశ్శాఖారీయులు బారాకుతో కలిసి అతివేగంగా లోయలోకి చొరబడ్డారు. [QBR] రూబేనీయుల తెగలవారికి గొప్ప హృదయాన్వేషణలు కలిగాయి. [QBR]
16. గొర్రెల మందల కోసం కాపరులు వాయించే ఈలలు వినడానికి నీ గొర్రెల దొడ్ల మధ్య నువ్వెందుకు ఉన్నావు? [QBR] రూబేనీయుల తెగల వారికి గొప్ప హృదయాన్వేషణలు కలిగాయి. [QBR]
17. గిలాదువారు యొర్దాను అవతల ప్రాంతాల్లో నివాసం ఉన్నారు. [QBR] దానీయులు ఓడల్లో ఎందుకు తిరుగుతున్నారు? [QBR] ఆషేరీయులు సముద్రతీరాన తమ ఓడరేవుల్లో ఎందుకు ఉన్నారు? [QBR]
18. జెబూలూనీయులకు మరణభయం లేదు. [QBR] వారు ప్రాణాలు సైతం లెక్కచెయ్యని ప్రజలు. [QBR] నఫ్తాలీయులు కూడా యుద్ధభూమిలో ప్రాణాలు లెక్క చెయ్యలేదు. [QBR]
19. రాజులు వచ్చి యుద్ధం చేశారు. [QBR] మెగిద్దో జలాల దగ్గర ఉన్న తానాకులో కనాను రాజులు యుద్ధం చేశారు. [QBR]
20. కాని వాళ్ళు ఆ యుద్ధం నుంచి వెండిని కొల్లసొమ్ముగా తీసుకువెళ్ళలేదు. [QBR] నక్షత్రాలు ఆకాశం నుంచి యుద్ధం చేశాయి. [QBR] నక్షత్రాలు తమ ఆకాశమార్గాల్లో నుంచి సీసెరాతో యుద్ధం చేశాయి. [QBR]
21. కీషోను వాగులో, పురాతన వాగైన కీషోనులో వాళ్ళు కొట్టుకుపోయారు. [QBR] నా ప్రాణమా, నువ్వు బలం తెచ్చుకుని సాగిపో! [QBR]
22. గుర్రాల డెక్కల శబ్దాలతో నేల దద్దరిల్లింది. యుద్ధశూరుల గుర్రాలు కదం తొక్కాయి. [QBR]
23. యెహోవా దూత ఇలా అన్నాడు ‘మేరోజును శపించండి.’ [QBR] ‘దాని నివాసులను తప్పనిసరిగా శపించండి. యెహోవాకు సహాయంగా వాళ్ళు రాలేదు. [QBR] బలిష్ఠులైన యుద్ధశూరులతో చేసిన యుద్ధంలో యెహోవాకు సహాయంగా వాళ్ళు రాలేదు.’ [QBR]
24. కయీనీయుడైన హెబెరు భార్య యాయేలు గుడారాల్లో నివసించే స్త్రీలందరికన్నా ఎక్కువ దీవెన పొందింది. [QBR]
25. అతడు దాహానికి నీళ్ళు అడిగాడు. ఆమె పాలు తెచ్చి ఇచ్చింది. [QBR] సైన్యాధిపతులకు తగిన పాత్రతో వెన్న తెచ్చి ఇచ్చింది. [QBR] ఆమె తన చేతితో గుడారపు మేకు పట్టుకుంది. [QBR]
26. పనివాని సుత్తెను కుడిచేత్తో పట్టుకుని సీసెరాను కొట్టింది. [QBR] ఆమె అతని తల పగలగొట్టింది. [QBR] ఆమె అతని తల ప్రక్కన సుత్తెతో కొడితే అతని తల బద్దలైంది. [QBR]
27. అతడు ఆమె కాళ్ల దగ్గర కూలిపడి ఉన్నాడు. [QBR] ఆమె కాళ్ల మధ్య చలనం లేకుండా పడి ఉన్నాడు. [QBR] అతడు క్రుంగి పడి ఉన్న చోటే దారుణంగా చచ్చాడు. [QBR]
28. సీసెరా తల్లి కిటికీలోనుంచి చూస్తూ ఉంది. [QBR] అల్లిక కిటికీలోనుంచి చూస్తూ ఆందోళనగా కేక పెడుతోంది [QBR] అతని రథం తిరిగి రావడానికి ఇంత సమయం పడుతోందేమిటి? [QBR] అతని రథాన్ని లాగే గుర్రాల డెక్కల శబ్ధాలు ఎందుకు ఆలస్యం అవుతున్నాయి? [QBR]
29. ఆమె దగ్గర ఉన్న జ్ఞానం కలిగిన రాకుమార్తెలు జవాబిచ్చారు. [QBR] ఆమె తనకు తాను మళ్ళీ అదే జవాబు చెప్పుకుంది. [QBR]
30. ‘కొల్లసొమ్ము వాళ్ళకు దొరకలేదా? దాన్ని వాళ్ళు పంచుకోలేదా? [QBR] యోధులందరూ ఒకరు, లేక ఇద్దరు స్త్రీలను తీసుకోలేదా? [QBR] సీసెరాకు రంగులు అద్దిన వస్త్రం దోపుడు సొమ్ముగా దొరకుతుంది. [QBR] రంగులు దిద్ది బుటా పని చేసిన వస్త్రం దోపుడు సొమ్ముగా దొరుకుతుంది. [QBR] రెండు వైపులా రంగులు అద్ది, బుటాదారీ పనిచేసిన వస్త్రం దోచుకొన్నవాళ్ళ మెడలకు తగినది వాళ్లకు దొరుకుతుంది.’ [QBR]
31. యెహోవా, నీ శత్రువులందరూ అలాగే నశించాలి. [QBR] ఆయన్ని ప్రేమించేవాళ్ళు బలిష్టమైన ఉదయించే సూర్యుడిలా ఉంటారు అని పాడారు.” [QBR] ఆ తరువాత దేశం నలభై సంవత్సరాలు ప్రశాంతంగా ఉంది. [PE]